<p><span style="color: #000000;">Duke ប្រហែលជាបុរសរដ្ឋដែលល្បីឈ្មោះបំផុតនៅអាមេរិក ព្រោះថាសុនកនេះមិនត្រឹមតែមាន</span><br /><span style="color: #000000;">ជើងបួន និងរោម ស នោះទេ ប៉ុន្តែ គាត់ក៏បានឈ្នះឆ្នោត ឡើងកាន់តំណែងជាចៅហ្វាយស្រុក </span><br /><span style="color: #000000;">ក្នុង៣អាណតិបន្តបន្ទាប់។</span></p>
<p><span style="color: #000000;"><a class="thickbox" title="" href="/FileManager/Commons/2016/8/25/dog1-25-08-2016--11-46-03.png"><span style="color: #000000;"><img style="display: block; margin-left: auto; margin-right: auto;" src="/FileManager/Articles/mce/2016/8/25/dog1-25-08-2016--11-46-03.png" alt="" /></span></a></span></p>
<p><span style="color: #000000;">នៅក្នុងការបោះឆ្នោតរបស់ទីរួមស្រុក Cormorant នៃរដ្ឋ Minnesota ដែលទើបត្រូវបានធ្វើឡើង</span><br /><span style="color: #000000;">ទន្ទឹមនឹងពិធីបុណ្យ Cormorant Daze ប្រចាំឆ្នាំ សុនកអាយុ ៩ឆ្នាំ ជាពូជសុនក Pyrenees បាន</span><br /><span style="color: #000000;">បន្តជាប់ឆ្នោតជាចៅហ្វាយស្រុក អាណតិទីបី។ អ្នកបោះឆ្នោត ត្រូវចំណាយប្រាក់ ១ដុល្លារក្នុងម្នាក់ </span><br /><span style="color: #000000;">ដើម្បីអាចបោះឆ្នោតបាន។</span></p>
<p><span style="color: #000000;">David Rick ដែលជាម្ចាស់របស់សុនក Duke ថ្លែងថា ៖ “អ្នកណាក៏បានបោះឆ្នោតឱ្យ Duke លើក</span><br /><span style="color: #000000;">លែងតែលោក Lassie ប៉ុណ្ណោះ ដែលបានបោះឆ្នោតឱ្យមិត្តស្រីរបស់ខ្លួន”។</span></p>
<p><span style="color: #000000;">ក្នុងតំណែងជាចៅហ្វាយស្រុក Duke មានតួនាទីថតរូប ដាក់លើផ្ទាំងប៉ាណូធំៗ នៅក្បែរផ្លូវ ដើម្បី</span><br /><span style="color: #000000;">ឃោសនាឱ្យទីរួមស្រុក។</span></p>
<p><span style="color: #000000;">បើទោះជាតួនាទីរបស់ Duke មានភាពចម្លែក ប៉ុន្តែ Duke មិនមែនជាសត្វដំបូងដែលបានជាប់</span><br /><span style="color: #000000;">ឆ្នោតជាបុរសរដ្ឋនៅអាមេរិកនោះទេ។</span></p>
<p><span style="color: #000000;"><object style="display: block; margin-left: auto; margin-right: auto;" width="450" height="400" data="http://www.youtube.com/v/YpmogflrXZo&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/YpmogflrXZo&rel=1" /></object></span></p>
<p><span style="color: #000000;">ទីរួមស្រុក Lajitas នៅ Texas ក៏ធ្លាប់បានបោះឆ្នោតជ្រើសរើសពពែមួយក្បាលដែលចូលចិត្តផឹក</span><br /><span style="color: #000000;">ស្រាបៀរ ឱ្យធ្វើជាចៅហ្វាយស្រុកផងដែរ។ ចំណែកទីរួមស្រុក Talkeetna នៅ Alaska ក៏បាន</span><br /><span style="color: #000000;">បោះឆ្នោតជ្រើសរើសឆ្មា Stubbs ។ រីឯគោឈ្មោះ April ក៏ទទួលបានសម្លេងគាំទ្រច្រើន ហើយ</span><br /><span style="color: #000000;">បានកាន់តំណែងជាចៅហ្វាយស្រុកនៅ Eastsound ក្រុង Washington។</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><br /></p>