<p><span style="color: #000000;">ព័ត៌មានបច្ចេកវិទ្យា ៖ រយៈពេលប៉ុន្មានសប្តាហ៍ចុងក្រោយនេះ រឿងក្តីបច្ចេកវិទ្យា កំពុងតែកើនឡើង កំដៅកាន់តែក្តៅឡើងៗ រវាង FBI និង ក្រុមហ៊ុន Apple នោះ គឺ ប្រធានបទក្តៅ ដែល FBI តម្រូវឲ្យ ក្រុមហ៊ុន Apple ជួយសម្រួលដល់បញ្ហាបច្ចេកទេស ក្នុង ការ ជួយដោះលេខកូដសម្ងាត់ របស់ជនល្មើសដែលបានបង្ករការបាញ់រះសម្លាប់មនុស្ស១៤នាក់ នៅក្រុង San Bernardino កាលពីដើមខែធ្នូឆ្នាំ២០១៥។</span></p>
<p><span style="color: #000000;"><a class="thickbox" title="" href="/FileManager/Commons/2016/3/4/48-04-03-2016--09-35-36.jpg"><img src="/FileManager/Articles/mce/2016/3/4/48-04-03-2016--09-35-36.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ បញ្ជាក់ឲ្យដឹងថា ជនល្មើសដែលជាភារវកររូបនោះមានឈ្មោះថា Syed Rizwan Farook ។ Farook និងភរិយា ទាំង ២ បានវាយប្រហារ សកម្មភាព ភារវកម្ម បាញ់រះសម្លាប់មនុស្ស ដល់ទៅ ១៤ នាក់ មុនពេលមន្រ្តីប៉ូលីស ប្រចាំ តំបន់ កើតហេតុ បាញ់សម្លាប់អ្នកទាំង ២ ។ ក្រោយ មកទៀត ខណៈក្រុមការងារ FBI បើកការ ស៊ើប អង្កេត ឯករាជ្យពាក់ព័ន្ធ នឹងសំណុំរឿង ភារវកម្ម លើកនេះ ក៏ឈានទៅដោយ ការ ស្នើសុំ ជំនួយបច្ចេកទេស ពីក្រុមហ៊ុន Apple អោយជួយសម្រួល ដល់ការដោះលេខកូដសម្ងាត់ទូរស័ព្ទ របស់ជនល្មើស តែត្រូវបានក្រុមហ៊ុន Apple បដិសេធ ដោយ បានលើកឡើងឲ្យដឹងថា ខ្លួនមិនគួរ ត្រូវបានគេបង្ខំអោយនាំមកនូវភាពទន់ខ្សោយប្រព័ន្ធសុវត្ថិភាព ទូរស័ព្ទដៃរបស់ខ្លួនឡើយ ។</span></p>
<p><span style="color: #000000;"><a class="thickbox" title="" href="/FileManager/Commons/2016/3/4/12-04-03-2016--09-36-30.jpg"><img src="/FileManager/Articles/mce/2016/3/4/12-04-03-2016--09-36-30.jpg" alt="" /></a><br /></span></p>
<p><span style="color: #000000;">គួររំឮកថា កន្លងមកក្រុមហ៊ុន Apple បានបដិសេធ មិន ព្រមផ្តល់ជំនួយអ្វីទាំងអស់ ដោយបានដោះ សារថា ការជួយដោះលេខសម្ងាត់ទូរស័ព្ទiPhone គឺ មាន ន័យថា ក្រុមហ៊ុនត្រូវផលិតកម្មវិធីថ្មីមួយ ដើម្បីដោះលេខសម្ងាត់នេះ។ ដូច្នេះ បើកម្មវិធីនេះ ធ្លាក់ទៅក្នុងដៃជនខិលខូច ពួកគេនឹងអាចប្រើវា ដើម្បីទាញយកទិន្ន័យរបស់អ្នកប្រើប្រាស់ iphone ទាំងអស់ បានជាក់ជាពុំខាន។ លោក Tim Cook នាយកក្រុមហ៊ុន Apple ធ្លាប់បាននិយាយកាលពីដើមសប្តាហ៍នេះថា រដ្ឋាភិបាលបានទាមទារនូវអ្វីដែលក្រុមហ៊ុនមិនអាចធ្វើបាន ហើយនេះជា កាតព្វកិច្ចរបស់ក្រុមហ៊ុន ដែលត្រូវការពារទិន្ន័យរបស់អតិថិជនប្រើប្រាស់ iPhone ទាំងអស់។ ច្រើនជាងនេះទៅទៀត ក្រុម FBI ក៏ចង់សុំឲ្យ Apple បញ្ឈប់តួនាទីលប់ទិន្ន័យក្នុងទូរស័ព្ទiPhone ក្នុងករណីដែលមានការប៉ុនប៉ងវាយបញ្ចូលលេខសំងាត់ខុសច្រើនដងពេក៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/4/12a-04-03-2016--09-36-37.jpg"><img src="/FileManager/Articles/mce/2016/3/4/12a-04-03-2016--09-36-37.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ប្រែសម្រួលដោយ ៖ តារា</span></p>
<p style="text-align: right;"><span style="color: #000000;">ប្រភព ៖ BBC /Telegraph<br /></span></p>