<div class="article-content">
<p><strong>បន្ទាយមានជ័យ</strong><strong>-</strong><strong>បាត់ដំបង ៖</strong> ក្រុមចោរប្លន់រថយន្ត នៅក្រុងប៉ោយប៉ែត ខេត្តបន្ទាយ<br />មានជ័យ ដែលសមត្ថកិច្ច តាមប្រម៉ាញ់នោះ ត្រូវចាប់បានហើយ ដោយកម្លាំង នគរ<br />បាល បង្កាបង្ក្រាបខេត្តបាត់ដំបង នៅវេលាម៉ោង ៧៖០០ នាទីយប់ថ្ងៃទី ២៤ ខែមីនា <br />ឆ្នាំ២០១៣ នៅក្នុងទឹកដី ខេត្តបាត់ដំបង ខណៈជនសង្ស័យ ទាំងពីរនាក់ ខាងលើនេះ<br /> បានបើករថយន្ត រត់មកដល់ចំណុច ភូមិអូរចា សង្កាត់អូរចា ក្រុងបាត់ដំបង តាម<br />បណ្តោយ ផ្លូវជាតិលេខ៥ ។</p>
<p>មន្រ្តីនគរបាល បង្កាបង្ក្រាប នៃស្នងការដ្ឋាន នគរបាល ខេត្តបាត់ដំបង បានឲ្យដឹងថា<br />ជនសង្ស័យទី១ឈ្មោះ កង រ៉ាវុធ ភេទប្រុស អាយុ២៥ឆ្នាំ និង ទី២ ឈ្មោះ គឹម កុសល<br /> ភេទប្រុស អាយុ២៧ឆ្នាំ ពួកគេទាំង២នាក់ រស់នៅ ភូមិអង្គត្នោតលិច ឃុំអង្គតាសោម<br /> ស្រុកត្រាំកក់ ខេត្តតាកែវ។</p>
<p>មន្រ្តីនគរបាល ខាងលើ បានឲ្យដឹងទៀតថា មុនពេលកើតហេតុ នៅវេលាម៉ោង <br />ប្រមាណ ៤៖៤៥នាទី រសៀលថ្ងៃទី២៤ ខែមីនា ឆ្នាំ២០១៣ មានករណីប្លន់រថយន្ត <br />បាឡែន មួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ2K-1495 បានកើតឡើង<br /> នៅក្នុង ភូមិប៉ាលិលេយ្យ ក្រុងប៉ោយប៉ែត ខេត្តបន្ទាយមានជ័យ ដែលបង្កឡើងដោយ <br />ជនសង្ស័យទាំងពីរ នាក់ខាងលើ។</p>
<p>បើតាមមន្រ្តីនគរបាលរូបនេះ បានបន្តថា មុនពេលកើតហេតុ ជនសង្ស័យទាំងពីរនាក់<br /> ដែលបានទៅស្នាក់នៅ ក្រុងប៉ោយប៉ែត ជាង១០ថ្ងៃ និងបានស្គាល់ ជនរងគ្រោះជាង <br />កន្លះឆ្នាំមកនោះ បានចូលធ្វើសកម្មភាពប្លន់ រថយន្តដោយវាយ ជនរងគ្រោះជាប្រពន្ធ <br />នឹងត្បូងចប បណ្តាលឲ្យ រងរបួសធ្ងន់ ខណៈជនរងគ្រោះ ឈ្មោះ ស៊ួន គឹមរ៉ង អាយុ<br />៤៧ឆ្នាំ នៅផ្ទះតែម្នាក់ឯង។</p>
<p>ក្រោយកើតហេតុជនរងគ្រោះជាប្តី មានឈ្មោះ អាន គង់ អាយុ៤៥ ឆ្នាំបានត្រឡប់មក<br />ពីផ្ទះ មិត្តភក្តិ ហើយពេលបើកទ្វារទៅ ក៏ឃើញប្រពន្ធរបស់ខ្លួន ដេកនៅក្នុងថ្លុកឈាម<br /> ទើបនាំឲ្យមានការ ភ្ញាក់ផ្អើល ប្តឹងដល់ សមត្ថកិច្ចក្រុងប៉ោយប៉ែត ទើបដេញតាមក្រុម<br />ចោរទាំងនេះ។</p>
<p>បន្ទាប់ពីទទួលបាន ព័ត៌មានស្តី ពីករណី ប្លន់រថយន្តខាងលើនេះ កម្លាំងនគរបាល <br />ផ្នែកបង្កាបង្ក្រាប ក្រោមការដឹកនាំបញ្ជាពី ស្នងការ នគរបាលខេត្ត ស ថេត និងស្នង<br />ការរង ជេត វណ្ណនី បានពួនស្ទាក់ និងប្រចាំការនៅតាមគោលដៅ តាមផ្លូវជាតិលេខ៥<br /> ទើបចាប់បានរថយន្ត និងជនសង្ស័យទាំងពីរនាក់ ខណៈពួកគេបាន បើករថយន្ត មក<br />ដល់ចំណុច កើតហេតុ ខាងលើនេះ។</p>
<p>គួរបញ្ជាក់ថា ជនសង្ស័យ ទាំងពីរនាក់ ទៅស្នាក់នៅ សណ្ឋាគារ ភ្នំពេជ្យ ក្នុងក្រុង<br />ប៉ោយប៉ែតជាង១០ថ្ងៃមកហើយ ហើយទំនងចាញ់ ល្បែងផងនោះ ទើបនាំគ្នារៀបចំ<br />គម្រោង រថយន្តតែម្តងទៅ។ ក្រោយចាប់ខ្លួន ជនសង្ស័យទាំងពីរ នាក់នេះ ត្រូវបាន<br />សាកសួរ និង ឃុំខ្លួនជាបណ្តោះអាសន្ន នៅស្នងការដ្ឋាននគរបាល ខេត្តបាត់ដំបង <br />ដើម្បីចាត់ការបន្តទៀត៕</p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0317.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0318.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0319.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0320.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0321.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/March/id-007/Pheak-0322.jpg" alt="Photo by DAP-NEWS" width="400" /></p>
</div>