<p><span style="color: #000000;"><strong>(ភ្នំពេញ)៖</strong> នៅយប់ជ្រៅចូលថ្ងៃទី៣១ ខែធ្នូ ឆ្នាំ២០១៥ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានប្រតិកម្មយ៉ាងខ្លាំងចំពោះបុគ្គលមួយចំនួន មាននិន្ទាការប្រឆាំងជ្រុលនិយម បានយករូបថតរបស់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ដែលថតនៅក្រុងព្រះសីហនុ ទៅកែបម្លែងក្នុងកុំព្យូទ័រ ឲ្យខុសពីលក្ខណៈដើម (ទាញជើង) ដើម្បីពួកគេរិះគន់ និងវាយប្រហារ, ដោយទង្វើនេះត្រូវបានសម្តេចតេជោ លើកឡើងថា ជាល្បិចថោកទាបបំផុតមួយរបស់សកម្មជនបក្សប្រឆាំង ដែលចង់បំផ្លាញដល់កិត្តិយស និងក្រុមគ្រួសាររបស់សម្តេច។</span></p>
<p><span style="color: #000000;">ពាក់ព័ន្ធនឹងទង្វើ និងល្បិចថោកទាបនេះ ត្រូវបានសម្តេចតេជោ ហ៊ុន សែន ទាមទារឲ្យពួកគេត្រូវទទួលខុសត្រូវចំពោះមុខច្បាប់។ រូបថតនេះ ថតនៅពេលសម្តេចនាំចៅៗដើរលេងកំសាន្តនៅមាត់សមុទ្រ។</span></p>
<p><span style="color: #000000;">សម្តេចតេជោ ហ៊ុន សែន បានសរសេរប្រតិកម្មខ្លាំងៗនៅលើ Facebook ផ្លូវការនារាត្រីនេះយ៉ាងដូច្នេះថា <strong>«ខ្ញុំ និង ភរិយាព្រមទាំងកូន និងចៅៗគិតថានាំគ្នាមក សំរាកលំហែរកាយនៅសមុទ្រក្នុងថ្ងៃឆ្លងឆ្នាំ ហើយមានឱកាសបានជួបសួរសុខទុក្ខប្រជាពលរដ្ឋ និងបានថតរូបជាអនុស្សាវរីយ៌ជាមួយក្រុមគ្រួសារ។ តែជាអកុសលគឺមានបុគ្គលមកពី បក្សប្រឆាំងជ្រុលនិយមមួយចំនួន បានព្យាយាមយករូប ភរិយាខ្ញុំយកទៅកែបម្លែងក្នុងកំព្យូទ័រ តាមកម្មវិធី (Photoshop) ដូចឃើញក្នុងស្នាមក្រឡាឥដ្ឋវៀចក្នុងរូបដែល ពួកនេះបានទាញជើងភរិយាខ្ញុំឲ្យមើលទៅមានលក្ខណ:មិនសមរម្យ ដើម្បីពួកគេវាយប្រហារ។ នេះជាល្បិចថោកទាបបំផុតមួយរបស់សកម្មជនបក្សប្រឆាំង ដែលគិតថាគ្មាននរណាដឹង។ រាល់នូវទង្វើទាំងឡាយណាដែលបំផ្លាញដល់កិត្តិយសខ្ញុំ និង ក្រុមគ្រួសារ ក្នុងនាមជានាយករដ្ឋមន្រ្តីនៃប្រទេសមួយ គឺពួកគេត្រូវតែទទួលខុសត្រូវចំពោះមុខច្បាប់។ សូមជូនពរជនរួមជាតិ ប្រកបតែសេចក្តីសុខ និងសំណាងល្អក្នុងឱកាសចូលឆ្នាំថ្មី ២០១៦ នេះ!»។</strong></span></p>
<p><span style="color: #000000;">ពាក់ព័ន្ធនឹងករណីនេះ មាន Facebook មួយឈ្មោះ Haknuman Leung បានបង្ហោះរូបថតដែលកែ បម្លែង(ទាញជើង) ជាមួយការសរសេររិះគន់យ៉ាងដូច្នេះថា៖ «ស្អីគេ!! ស្រ្តីទីមួយខ្មែរ ឈរថតអញ្ជឹង!!! ពិតជាគំរូអាក្រកក់របស់នារីខ្មែរមែន ! ជោរមើលប្រពន្ធផង ជោរ !!!»។</span></p>
<p><span style="color: #000000;">ការរិះគន់ និងល្បិចកែបម្លែងរូបថត ដែលថតនៅក្រុងព្រះសីហនុ ក្នុងកុំព្យូទ័រ តាមកម្មវធី Photoshop នេះ ត្រូវបាន<strong>សម្តេចទាមទារឲ្យពួកគេ ត្រូវទទួលខុសត្រូវចំពោះមុខច្បាប់។ ព្រោះពួកគេបានបំផ្លាញកិត្តិយស និងក្រុមគ្រួសាររបស់សម្តេច៕</strong></span></p>
<p><span style="color: #000000;"><strong><a class="thickbox" title="" href="/FileManager/Commons/2015/12/31/12-31-2015-8-18-26-am-31-12-2015--08-26-39.png"><img src="/FileManager/Articles/mce/2015/12/31/12-31-2015-8-18-26-am-31-12-2015--08-26-39.png" alt="" /></a></strong></span></p>
<p><a class="thickbox" title="" href="/FileManager/Commons/2015/12/31/12-31-2015-8-18-41-am-31-12-2015--08-26-47.png"><img src="/FileManager/Articles/mce/2015/12/31/12-31-2015-8-18-41-am-31-12-2015--08-26-47.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>