<p><span style="color: #000000;"><strong>(ភ្នំពេញ)៖</strong> នាវា នៃកងកម្លាំងស្វ័យការពារជើងទឹកជប៉ុន ចំនួន ៣គ្រឿង នឹងចូលចតនៅកំពុងផែខេត្តព្រះសីហនុ នៅសប្តាហ៍ក្រោយ ។ នេះបើយោតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំនៅកម្ពុជា ដែល Fresh News ទទួលបាននៅថ្ងៃទី១១ ខែកុម្ភៈ ឆ្នាំ២០១៦នេះ។</span></p>
<p><span style="color: #000000;">យោងតាមសេចក្តីប្រកាសព័ត៌មាន បានឲ្យដឹងថា នាវារបស់កងកម្លាំងស្វ័យការពារជើងទឹកជប៉ុន (JMSDF) ដែលមានឈ្មោះថា អាគេបូណូ (AKEBONO), ហាតាកាហ្សេ (HATAKZE) និង យ៉ាម៉ាយូគិ (YAMAYUKI) ដឹកនាំដោយលោក កាហ្ស៊ូហ៊ីកុ មីហ្សេ (Kazu hiko MIZOE) និងមកបំពេញទស្សនកិច្ចនៅកម្ពុជា ចាប់ពីថ្ងៃទី១៧ ដល់ ២០ ខែកុម្ភៈ ឆ្នាំ២០១៦។</span></p>
<p><span style="color: #000000;">ស្ថានទូតជប៉ុន បានឲ្យដឹងថា ដំណើរមកកាន់ដែនសមុទ្រកម្ពុជា របស់នាវាជប៉ុនទាំង៣គ្រឿងនេះ ធ្វើឡើងដើម្បីជាការហ្វិកហ្វឺន និងកម្សាន្ត ហើយក៏ដើម្បីពង្រឹង និងពង្រីកចំណងមិត្តភាពរវាងជប៉ុន និងកម្ពុជា តាមរយៈកម្មវិធីផ្លាស់ប្តូរនានា ក៏ដូចជាផ្តល់ឱកាសឲ្យទាហាន ទើបបញ្ចប់ការសិក្សានៅសាលា បានទទួលការសិក្សាអំពីយោធា និងវប្បធម៌របស់កម្ពុជាផងដែរ។</span></p>
<p><span style="color: #000000;">ព័ត៌មានពីស្ថានទូតបានបន្តថា អំឡុងពេលស្នាក់នៅកម្ពុជានេះ លោកកាពីទែន កាហ្ស៊ូហ៊ីកុ មីហ្សេ មានគម្រោងបំពេញទស្សនកិច្ច នៅរាជធានីភ្នំពេញ ដើម្បីជួបសម្តែងការគួរសមជាមួយមេបញ្ជាការកងទ័ពជើងទឹកកម្ពុជា នៅថ្ងៃទី១៨ ខែកុម្ភៈ ហើយលោក ក៏នឹងផ្តល់កិត្តិយសក្នុងការបំពេញទស្សនកិច្ច នៅមូលដ្ឋានទ័ពជើងទឹករាម, សាលាខេត្តព្រះសីហនុ និងកំពុងផែក្រុងព្រះសីហនុ នៅថ្ងៃទី១៧ ខែកុម្ភៈ។</span></p>
<p><span style="color: #000000;">ពិធីទទួលដំណើរមកដល់របស់នាវាកងទ័ពជើងទឹករបស់ជប៉ុនទាំង៣គ្រឿង នឹងប្រព្រឹត្តនៅថ្ងៃទី១៧ ខែកុម្ភៈ ចាប់ពីវេលាម៉ោង ១០៖៣០នាទី រហូតដល់ម៉ោង ១០៖៤៥ នាទី នៅផែចាស់ នៃកំពង់ផែខេត្តព្រះសីហនុ៕</span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfl1/v/t1.0-9/12715449_228112617521248_8442127122692326447_n.jpg?oh=4a7b7e02651aeb27cf89e62a5eb4abae&oe=57339868&__gda__=1462888042_49431ba8fe1c53356650951991c7fdc5" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>