<p><span style="color: #000000;">កូរ៉េ ៖ វីដេអូនៃការសម្តែងរួមគ្នាចុងក្រោយបង្អស់របស់ក្រុម SHINee ត្រូវបានសាយភាយស្ទើរជុំវិញពិភពលោក ក្រោយលោក Jonghyun ទទួលមរណភាព កាលពីថ្ងៃទី ១៨ ខែធ្នូ ឆ្នាំ ២០១៧ កន្លងទៅនេះ ។ </span></p>
<p><span style="color: #000000;">សមាជិកទាំង ៥ នាក់របស់ SHINee បានសម្តែងរួមគ្នានៅលើឆាក ចុងក្រោយបង្អស់ កាលពីខែមេសា ឆ្នាំ ២០១៧ ដែលជាព្រឹត្តិការណ៍ដ៏អស្ចារ្យបំផុត មានឈ្មោះថា "SMTOWN Live World Tour VI" ដែលមានទីតាំងស្ថិតនៅក្នុងទីក្រុងហុងកុង ។ </span></p>
<p><span style="color: #000000;">ក្នុងនោះផងដែរ តារាចម្រៀងវ័យ ២៧ ឆ្នាំ ដែលទើបលាចាកលោក បានធ្វើការចែករំលែកនូវអារម្មណ៍ពិតរបស់ខ្លួនថា លោកពិតជាអស់កម្លាំងជាមួយនឹងការមមាញឹកជាមួយនិងការងាររបស់ខ្លួន ប៉ុន្តែអ្វីដែលជំរុញអោយខ្លួនលោក មានថាមពលត្រលប់មកវិញ គឺការមើលឃើញអ្នកគាំទ្រ ហើយអ្វីៗក៏ចាប់ផ្តើមល្អប្រសើរឡើងវិញភ្លាមៗ ។ </span></p>
<p><a class="thickbox" title="" href="/FileManager/Commons/2017/12/27/1-27-12-2017--10-49-24.png"><img src="/FileManager/Articles/mce/2017/12/27/1-27-12-2017--10-49-24.png" alt="" /></a></p>
<p><span style="color: #000000;">ពាក្យសម្តីរបស់លើកឡើងថា<strong> "ដើមឡើយ!! ខ្ញុំពិតជាមានការបារម្ភអំពីកាលវិភាគនៃការប្រគុំតន្រ្តីរបស់ខ្ញុំខ្លាំងណាស់។ ប៉ុន្តែភ្លាមៗនោះខ្ញុំស្រាប់តែទទួលបាននូវថាមពលយ៉ាងខ្លាំងខ្លា ក្រោយបានឃើញអ្នកគាំទ្ររបស់ខ្ញុំ ។ ដោយសារតែអ្នកគាំទ្ររបស់ខ្ញុំ ទើបធ្វើឲ្យពួកយើងបញ្ចប់ការសម្តែងទៅបានយ៉ាងរលូន។ Our SHINee World!! ខ្ញុំពិតជាមានមោទនភាពខ្លាំងណាស់"</strong> ។ </span></p>
<p><span style="color: #000000;">មួយវិញទៀត ក្រុមតារាចម្រៀងកូរ៉េ SHINee ក៏បានរៀបគម្រោងមួយទៀត ដើម្បីធ្វើការប្រគុំតន្រ្តីសម្រាប់ Fans របស់ខ្លួន ដែលមានឈ្មោះថា "SHINee World The Best 2018" នៅក្នុងខែ កុម្ភៈ ឆ្នាំ ២០១៨ ប៉ុន្តែគម្រោងបែបជាត្រូវបានរំសាយទៅវិញ ក្រោយពីបាត់បង់សមាជិកម្នាក់ដែលគ្មានថ្ងៃវិលត្រលប់មកវិញនោះទេ ។</span></p>
<p><a class="thickbox" title="" href="/FileManager/Commons/2017/12/27/2-27-12-2017--10-50-15.png"><img src="/FileManager/Articles/mce/2017/12/27/2-27-12-2017--10-50-15.png" alt="" /></a></p>
<p><span style="color: #000000;">បើទោះបីជាយ៉ាងណាក៏ដោយ ក្រោយបានស្តាប់សម្តីរបស់ Jonghyun នៅក្នុងការប្រគុំតន្រ្តីនៅក្នុងទីក្រុងហុងកុងនោះហើយ មិននឹកស្មានថា ម្ចាស់បទ "Lonely" បែរជាសម្រេចបញ្ចប់ជីវីតរបស់ខ្លួនតាមវិធីនេះសោះ ។ ជាចុងក្រោយ មានតែសូមអោយតារាចម្រៀងកូរ៉េរូបនេះ ទៅកាន់ទីស្ងប់សុខ ហើយសូមអោយកើតមកជាតិក្រោយ កុំអោយអាយុខ្លីដូចជាតិនេះចុះ ៕</span></p>
<p><iframe src="https://www.youtube.com/embed/-zLMgw4VQh8" frameborder="0" width="500" height="430"></iframe></p>
<p><iframe src="https://www.youtube.com/embed/-VCxjKMlduE" frameborder="0" width="500" height="430"></iframe></p>
<p><br /><a class="thickbox" title="" href="/FileManager/Commons/2017/12/27/3-27-12-2017--10-50-27.png"><img src="/FileManager/Articles/mce/2017/12/27/3-27-12-2017--10-50-27.png" alt="" /></a></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ koreaboo</span></p>