<p><strong>ភ្នំពេញ៖ </strong>តារាសម្ដែងស្រីស្រស់សោភា រាងតូចច្រឡឹង គង់ ច័ន្ទស្រីមុំ ត្រូវបានគេដឹងឮជាសាធារណៈថា ជាគូស្នេហ៍ដ៏ផ្អែមល្ហែម របស់លោក គឹម សីហា តារាសម្ដែងកម្លោះ ស្រស់សង្ហា ជាគូស្នេហ៍មិនទាន់រៀបការ តែល្បីល្បាញខ្លាំង ក្នុងមុខរបររកស៊ី ។ តារាសម្ដែងស្បែកស្អាត ស៊ីវីល័យគ្រប់ រដូវកាល គង់ ច័ន្ទស្រីមុំ និងលោក សីហា បានបោះទុនរាប់ម៉ឺនដុល្លារក្នុងការបង្កើតមុខជំនួញនានា ក្រៅពីសិល្បៈ មានដូចជាហាងលក់ សម្លៀកបំពាក់ ហាងនាំចូលផលិតផល គ្រឿងសម្អាង និងការងារជា Marketing Network ជាដើម។</p>
<p>ថ្មីៗនេះ គង់ ច័ន្ទស្រីមុំ ហាក់ត្រូវបានឡើងកូដ មួយកម្រិតទៀត បន្ទាប់ពីក្លាយជាតួឯក ក្នុងរឿង"ម៉េចដែរ ខ្លាចអត់?" របស់លោក ណប បាយ៉ារិទ្ធ ដែលកំពុងតែមានរឿងរ៉ាវក្ដីក្ដាំ នៅក្នុងតុលាការ ពាក់ព័ន្ធនឹងការបរិហារកេរ្តិ៍ឈ្មោះ។ ថ្វីត្បិតតែ គង់ ច័ន្ទស្រីមុំ បានសម្ដែងត្រឹមជាតួអង្គខ្មោច តែនាងជាតួសំខាន់ម្នាក់ ស្របពេលរឿងល្បីនេះ ឡើងកូដ ស្រឺតៗ ដូចខ្លែងត្រូវខ្យល់បក់។</p>
<p>ស្របពេល គង់ ច័ន្ទស្រីមុំ កំពុងតែល្បីល្បាញ និងក្ដោបបានឱកាស ជោគជ័យផ្ទួនៗ ក្នុងការងារសិល្បៈ បែរជាលេចឮរឿង ថា នាង គង់ ច័ន្ទស្រីមុំ បានសេង(លក់) ហាងលក់សម្លៀកបំពាក់ របស់នាង យ៉ាងស្ងាត់បំផុត កាលពីពេលថ្មីៗនេះ ដោយ មិនឲ្យនរណា ដឹងឮរឿងរ៉ាវនេះទេ ព្រោះខ្លាចខ្មាសគេ ក្នុងនាមជាតារាល្បី តែមានឈ្មោះថា រកស៊ីមិនកាក់កប ។</p>
<p>ប្រភពព័ត៌មានពីអតិថិជន ប្រចាំហាង "កាវៃអ៊ី" ជាហាងមួយក្នុងចំណោមហាងជាច្រើនរបស់ គង់ ចាន់ស្រីមុំ បាននិយាយប្រាប់ថា នាងទំលាប់ធ្វើខ្លួន ជាប្រចាំនៅហាង របស់ស្រីមុំ សា្រប់តែថ្មីៗនេះ នាងបានសេងហាង ដោយគ្មានមូលហេតុ ឲ្យទៅអ្នកផ្សេងបាត់ទៅហើយ ដែលរឿងចំលែកមួយ ព្រោះថា ហាងនោះ ដំណើរការល្អ និងមានអតិថិជនចេញចូលច្រើនណាស់ ហេតុអ្វី គង់ ច័ន្ទស្រីមុំ ត្រូវលក់បែបនេះ។ ចំណែកមូលហេតុចំបង នៃការសេងហាង មិនត្រូវបានគេទម្លាយឲ្យដឹងទេ ខ្លាចប៉ះពាល់កិត្តិយស គង់ ច័ន្ទស្រីមុំ ក្នុងនាមជាតារាភាពយន្តល្បី។</p>
<p>ប៉ុន្តែទោះបីជាយ៉ាងណា មានប្រភពព័ត៌មាននៅកៀកកិត និងជាអ្នករាប់អានគ្នា បានបង្ហើបថា មូលហេតុដែលនាងសេងហាងនេះ គឺដោយសារតែនាង ជាប់រវល់ខ្លាំងពេក លើការងារសិល្បៈ ដោយត្រូវសម្ដែងទាំងយប់ទាំងថ្ងៃគ្មានពេលសម្រាក មិនសូវមានពេល ខុសត្រូវ ហាងទាំងមូល ទើបនាងធ្វើបែបនេះ ។ ណាមួយហាងដែលនាងសេងនោះ គឺគ្មានសេងឲ្យអ្នកណាក្រៅទេ គឺសេងឲ្យប្អូនរបស់នាងប៉ុណ្ណោះ ។</p>
<p>ពាក់ព័ន្ធនឹងដំណឹងថា គង់ ចាន់ស្រីមុំ សេងហាងស្ងាត់ៗនេះ គេហទំព័រ LookingTODAY នៅមិនទាន់អាច សុំការបំភ្លឺពីនាងបានទេ។ LookingTODAY នឹងរងចាំការបកស្រាយពី សំណាក់ តារាសម្ដែង គង់ ច័ន្ទស្រីមុំ នៅពេលណាមួយ ដោយក្ដីរីករាយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-065/PISETH-0584.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/May/id-078/Layposthp-006.jpg" alt="www.lookingtoday.com" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/January/id-100/Ravuth-189.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-065/PISETH-0586.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-065/PISETH-0588.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0126.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0127.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0128.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/30338-2014-05-14-07-02-34.html" target="_blank">ផ្តល់សិទ្ធដោយ ៖ ដើមអម្ពិល</a></p>