<p><strong>លេងបានយ៉ាងល្អឥតខ្ចោះនៅក្នុងការប្រកួតផ្តាច់ព្រ័ត្រយូរ៉ូ2012 តារាបាល់ទាត់បីនាក់គឺ</strong><br /><strong>Casillas, Xavi & Torres បានរួមគ្នាបង្កើតនូវឯក្កតកម្មថ្មីដែលមិនទាន់មានពីមុនមក។</strong></p>
<p>អេស្បាញបានបំបាក់អ៊ីតាលី 4-0 ក្នុងការប្រកួតផ្តាច់ព្រ័ត្រ Euro 2012 ហើយបានក្លាយទៅជា<br />ក្រុមជំរើសជាតិដំបូងគេដែលអាចការពារបានសំរេចនូវម្ចាស់ជើងឯកយូរ៉ូ។ ទន្ទឹមនឹងនោះ អេ-<br />ស្បាញក៏ជាក្រុមដំបូងដែលដណ្តើមបានពានរង្វាន់ធំៗបី ក្នុងបីរដូវកាលជាប់គ្នាជាប្រវត្តិសាស្រ្ត<br />គឺ(Euro 2008,World Cup 2010, Euro 2012)។ រួមគ្នាសប្បាយជាមួយ La Furia Roja ក្រុមកីឡា-<br />កររបស់ក្រុមជំរើសជាតិអាវពណ៌ក្រហមដូចជា Casillas, Xavi & Torres បានរួមគ្នាបង្កើតនូវឯក្កត-<br />កម្មថ្មីដែលមិនធ្លាប់មានពីមុនសំរាប់ខ្លួនឯងផ្ទាល់ផងដែរ។</p>
<p>សំរាប់ Casillas ដោយសារជ័យជំនះរបស់អេស្បាញលើអ៊ីតាលី គាត់បានក្លាយទៅជាកីឡាករដំបូង<br />នៅលើពិភពលោកដែលធ្វើការប្រកួតឈ្នះបាន 100ប្រកួតរួមជាមួយក្រុមជំរើសជាតិ។ ក្រៅពីនេះ <br />ការដែលមិនមានគ្រាប់បាល់ទំលាយសំណាញ់នៅក្នុងការប្រកួតផ្តាច់ព្រ័ត្រ អ្នកចាំទី Casillasបាន<br />បង្កើនចំនួននាទីដែលរក្សាសំណាញ់មិនឲ្យមានការស៊ុតបាល់ចូលកើនដល់ចំនួន 509 ដែលនេះជា<br />ការបំបែកឯក្កតកម្មថ្មីនៅយូរ៉ូ។</p>
<p style="text-align: center;"><a class="thickbox" title="" href="/FileManager/Commons/2012/7/3/1341183867-bong-da-casillas-03-07-2012--09-01-12.jpg"><img src="/FileManager/Articles/mce/2012/7/3/1341183867-bong-da-casillas-03-07-2012--09-01-12.jpg" alt="" /></a></p>
<p style="text-align: center;"><span style="color: #0000ff;">រួមជាមួយអេស្បាញ Casillas, Xavi & Torres បានរួមគ្នាបង្កើតឯក្កតកម្មថ្មី</span></p>
<p>Torres អ្នកដែលចូលប្រកួតនៅចុងតង់ទីពីរជំនួស Fabregas ក៏បានបង្កើតឯក្កតកម្មសំរាប់ខ្លួនឯង<br />ផងដែរ។ រកបានគ្រាប់បាល់មួយគ្រាប់ និងការបញ្ជូនបាល់ឲ្យ Mata ស៊ុតបញ្ចូលទីបានសំរេចមួយ<br />ដង បានធ្វើឲ្យ El Nino ដណ្តើមបានតំណែងស្តេចទំលាយសំណាញ់ Euro 2012 (គ្រាប់បាល់បីគ្រាប់<br />ស្មើនឹងកីឡាករ 5នាក់ផ្សេងទៀត ប៉ុន្តែលើសត្រង់បានបញ្ជូនបាល់ឲ្យមិត្តរួមក្រុមស៊ុតបញ្ចូលទីបាន<br />សំរេចមួយដង និងនាទីចូលប្រកួតតិចជាងគេគឺ 189)។ ក្រៅពីនេះ ខ្សែប្រយុទ្ធរបស់ Chelsea បាន<br />ក្លាយទៅជាកីឡាករដំបូងគេក្នុងប្រវត្តិសាស្រ្ត ដែលរកបានគ្រាប់បាល់ក្នុងពីរប្រកួតវគ្គផ្តាច់ព្រ័ត្រនៅ<br />យូរ៉ូ។</p>
<p>សំរាប់ Xavi វិញ បើទោះជាមិនសូវមានភាពលេចធ្លោក្នុងការប្រកួត ប៉ុន្តែគាត់មានការប្រកួតមួយ<br />យ៉ាងល្អ និងស្វាហាប់ជាមួយអ៊ីតាលី។ ការបញ្ជូនបាល់ពីរគ្រាប់ឲ្យមិត្តរួមក្រុមស៊ុតបាល់បញ្ចូលទី<br />បានសំរេច បានធ្វើឲ្យខ្សែបំរើរបស់ Barca ក្លាយជាកីឡាករដំបូងគេ ដែលមានការបញ្ជូនបាល់ឲ្យ<br />មិត្តរួមក្រុមស៊ុតបញ្ចូលទីបានសំរេចពីរគ្រាប់នៅវគ្គផ្តាច់ព្រ័ត្រយូរ៉ូ៕</p>
<p style="text-align: right;">ដោយ៖ សិលា<br />ប្រភព៖ 24h</p>
<p><strong><br /></strong></p>