<p>វាលាទាបភ្លឺ ថ្ងៃទី ១៩តុលា អ្នកស្រឡាញ់តារាសាស្ដ្រនឹងមានឱកាសទស្សនាមួយផ្នែកនៃបាតុភូតជាយចន្ទ្រគ្រាស ពាក់កណ្ដាលងងឹត។ នេះក៏ជាបាតុភូតចន្ទ្រគ្រាសចុងក្រោយ ក្នុងឆ្នាំនេះ។</p>
<p style="text-align: center;"> <a class="thickbox" title="" href="/FileManager/Commons/2013/10/15/moon3-15-10-2013--19-34-56.jpg"><img src="/FileManager/Articles/mce/2013/10/15/moon3-15-10-2013--19-34-56.jpg" alt="" /></a><br /><em>នេះគឺជារូបភាពបង្ហាញអំពីទីតាំងរបស់ចន្ទ្រគ្រាសទាំងស្រុង(umbral) និងចន្ទ្រគ្រាសពាក់កណ្ដាលងងឹត (penumbral)</em></p>
<p>ជាយចន្ទ្រគ្រាស គឺជាបាតុភូតព្រះចន្ទ្រគោចរចូលក្នុងតំបន់ពាក់កណ្ដាលងងឹតរបស់ផែនដី (penumbral) ដោយវាមានសភាពងងឹតបន្ដិច រួចប្ដូរមកជាពណ៌ក្រហមព្រឿងៗ ខុសពីចន្ទ្រគ្រាសទាំងស្រុង ដែលពេញដោយភាពងងឹត។<br /><br />ជាយចន្ទ្រគ្រាសដែលនឹងកើតឡើងនៅវេលាទាបភ្លឺ ថ្ងៃទី ១៩ តុលាខាងមុខ មិនមែនជាចន្ទ្រគ្រាសទាំងស្រុងនោះទេ ដោយសារ មានតែមួយផ្នែកធំរបស់ព្រះចន្ទ្រ គោចរចូលក្នុងតំបន់ពាក់កណ្ដាលងងឹតរបស់ផែនដី។ នៅកម្ពុជា បាតុភូតនេះ នឹងចាប់ផ្ដើមនៅវេលាម៉ោងប្រហែល ៤ និង៥៣នាទី និងបញ្ចប់នៅវេលាម៉ោង ៨ និង ៤៨នាទីព្រឹកថ្ងៃទី ១៩ តុលា។</p>
<p><br />ដោយសារតែ ព្រះចន្ទ្រនឹងលិចនៅវេលាម៉ោងប្រហែល ៥ និង ៣០នាទី ថ្ងៃទី ១៩ តុលា ដូច្នេះ ប្រជាជនកម្ពុជា អាចគយគន់បាតុភូតនេះ ចាប់ពីម៉ោង ៤ និង ៥៣នាទី ដល់ម៉ោង ៥ និង ៣០នាទី ដែលពេលនោះ ព្រះចន្ទ្រស្ថិតនៅឯនាយជើងមេឃខាងលិច។</p>
<p style="text-align: center;"><a class="thickbox" title="" href="/FileManager/Commons/2013/10/15/moon2-15-10-2013--19-37-09.png"><img src="/FileManager/Articles/mce/2013/10/15/moon2-15-10-2013--19-37-09.png" alt="" /></a></p>
<p>រូបភាពខាងលើនេះ បង្ហាញអំពីតំបន់ដែលអាចទស្សនាចន្ទ្រគ្រាស នៅទូទាំងពិភពលោក របស់គេហទំព័រ Timeanddate.com ។ តំបន់ក្រហមគឺជាតំបន់ដែលអាចគយគន់ចន្ទ្រគ្រាសទាំងស្រុង ចំណែកកម្ពុជា ស្ថិតនៅក្នុងតំបន់ដែលអាចទស្សនាបានត្រឹមតែពេល ព្រះចន្ទ្ររៀបលិច។<br /><br />ជាយចន្ទ្រគ្រាស ក៏ដូចជាចន្ទ្រគ្រាស ទាំងស្រុង ឬចន្ទ្រគ្រាសមួយផ្នែក គឺសុទ្ធតែអាចគយគន់ដោយភ្នែកធម្មតា មិនចាំបាច់ប្រើប្រាស់ឧបករណ៍ជំនួយ ដើម្បីការពារ។ ប៉ុន្ដែ ប្រសិនមានកែវយឹត តេឡេស្កូបខ្នាតតូច ឬកាមេរ៉ា នោះវានឹងជួយឱ្យអ្នកទស្សនាបានច្បាស់ និងមានភាពអស្ចារ្យជាងធម្មតា។</p>
<p> </p>
<p><strong>ព័ត៌មានផ្សេងៗគួរឱ្យចាប់អារម្មណ៍</strong></p>
<p><span style="color: #3366ff;"><a href="/News/Detail/45981/za-architects-designs-buildings-for-mars"><span style="color: #3366ff;">ស្ថាបត្យកររបស់ ZA រចនាអាគារសម្រាប់ ភពព្រះអង្គារ </span></a></span></p>
<p><span style="color: #3366ff;"><a href="/news/detail/34671/nasas-curiosity-rover-finds-water-in-martian-soil"><span style="color: #3366ff;">រកឃើញទឹកក្នុងដីស្រទាប់លើ នៅភពព្រះអង្គារ</span></a></span></p>
<p><span style="color: #3366ff;"><a href="/news/detail/79130/thousands-gather-for-stunning-total-eclipse"><span style="color: #3366ff;">រាប់ម៉ឺននាក់ ផ្អើលមើលសូរ្យគ្រាស នៅអូស្រា្តលី</span></a></span></p>
<p><br /><br /></p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Timeanddate /VACA</p>