<p><span style="color: #000000;"><strong>(ភ្នំពេញ)៖</strong> គ្រោះថ្នាក់ចរាចរណ៍គួរឲ្យរន្ធត់មួយបានកើតឡើង បង្កដោយរថយន្ត Land Cruiser បើកបុកជាមួយម៉ូតូ Dream C125 អូសជិតជាង១គីឡូម៉ែត្រ បណ្តាលឲ្យបុរសម្នាក់ស្លាប់ភ្លាមៗនៅនឹងកន្លែង ចំណែកឯម៉ូតូគៀបជាប់ក្រោមរថយន្ត រហូតជិតដល់ស្ពានតាខ្មៅ។</span></p>
<p><span style="color: #000000;">ហេតុការណ៍នេះ បានកើតឡើងនៅវេលាម៉ោង០២៖៣០នាទីរំលងអាធ្រាត ឈានចូលថ្ងៃទី០២ ខែកក្តដា ឆ្នាំ២០១៦ ស្ថិតនៅតាមបណ្តោជាតិលេខ២ ភូមិព្រែកតាឡុង សង្កាត់ចាក់អង្រែក្រោម ខណ្ឌ័មានជយ័ រាជធានីភ្នំពេញ។ ជនរងគ្រោះដែលស្លាប់មានឈ្មោះ ហេង វឌ្ឍនា ភេទប្រុស អាយុ២១ឆ្នាំ មុខរបរជំនួយការវាស់វែង នៅបុរីប៉េង ហួត មានទីលំនៅភូមិចន្លោះខាងកើត ឃុំគៀនជរ័លាំង ស្រុកត្បូងឃ្មុំ ខេត្តកំពង់ចាម។</span></p>
<p><span style="color: #000000;">បើតាមសាក្សីបានឃើញហេតុការណ៍ប្រាប់ឲ្យដឹងថា នៅវេលាម៉ោងកើតហេតុខាងលើ មានម៉ូតូ Dream C125 ពណ៌ខ្មៅ ពាក់ស្លាកលេខភ្នំពេញ 1BB-8356 បើកបរក្នុងល្បឿនយឺត ពីទិសដៅភ្នំពេញ ទៅក្រុងតាខ្មៅ ស្រាប់តែដល់កន្លែងកើតហេតុ មានរថយន្ត Land Cruiser ពណ៌ខ្មៅ ពាក់ស្លាកលេខ ភ្នំពេញ 2A-9990 បើកបរក្នុងល្បឿនលឿនពីភ្នំពេញ មកក្រុងតាខ្មៅ ក្នុងទិសដៅស្របគ្នា បានបុកចំពីក្រោយម៉ូតូ អូសជិតជាង១គីឡូម៉ែត្រ រហូតដល់ភូមិដើមគ សង្កាត់ដើមមាន ក្រុងតាខ្មៅ ទើបម្ចាស់រថយន្ត បើកទ្វាររត់គេចខ្លួនបាត់ស្រមោល។</span></p>
<p><span style="color: #000000;">ភ្លាមៗនោះត្រូវបានកម្លាំងនគរបាលក្រុងតាខ្មៅ និងចរាចរណ៍ខណ្ឌមានជ័យ ចុះមកកន្លែងហេតុការណ៍ ដើម្បីធ្វើការវាស់វែង និងយករថយន្តទៅរក្សាទុក នៅការិយាល័យក្រុង ដើម្បីចាត់ការតាមនិតិវិធីច្បាប់៕</span></p>
<p><a class="thickbox" title="" href="/FileManager/Commons/2016/7/2/1-02-07-2016--09-25-37.png"><img src="/FileManager/Articles/mce/2016/7/2/1-02-07-2016--09-25-37.png" alt="" /></a></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-59-22-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-59-22-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-59-22-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-59-22-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-59-23-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-59-23-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>