<p>វីដេអូអប់រំមួយ សំរាប់មនុស្សទូទៅ ស្តីពីលទ្ធផល នៃទង្វើរបស់ខ្លួនដែលបានធ្វើ បាន និងកំពុង<br />ទទួលបានការចាប់អារម្មណ៍ គាំទ្រពីសំណាក់អ្នកទស្សនា រាប់លាននាក់ ដែលបានធ្វើឲ្យបេះដូង<br />របស់ពួកគេ មានភាពរំជួលយ៉ាងខ្លាំង ដែលអ្នកខ្លះ បានស្រក់ទឹកភ្នែក ពេលបានទស្សនាវីដេអូ<br />នេះរួចហើយ ថែមទៀតផង។</p>
<p>វីដេអូអប់រំ ដ៏មានអត្ថន័យសំរាប់មនុស្សទូទៅ ហើយបានធ្វើឲ្យមនុស្សជាច្រើននាក់ រំជួលចិត្តយ៉ាង<br />ខ្លាំងនេះ គឺជាវីដេអូមួយដែលនិយាយពី ការប្រព្រឹត្តិអំពើល្អនៅក្នុងសង្គម។</p>
<p>ក្មេងប្រុសម្នាក់ ដោយសារតែភាពក្រីក្រ និងអាណិតម្តាយរបស់ខ្លួន ដែលកំពុងមានជម្ងឺ រូបគេក៏ដាច់<br />ចិត្ត ចូលលួចថ្នាំ នៅក្នុងផ្ទះអ្នកលក់ថ្នាំមួយកន្លែង ហើយត្រូវម្ចាស់គេចាប់បាន ទាញដៃមកសួរនាំ<br />នៅខាងក្រៅផ្ទះ និងយកថ្នាំមកវិញ។ ដោយឃើញទិដ្ឋភាពបែបនេះ បុរសចិត្តល្អម្នាក់ដែលជាអ្នក<br />លក់គុយទាវ នៅជិតនោះ បានចេញមកសួរនាំ ហើយបានជួយចេញលុយថ្លៃថ្នាំ ឲ្យម្ចាស់លក់ថ្នាំ<br />ពេទ្យ ជំនួសក្មេងប្រុសម្នាក់នោះ ហើយថែមទាំងឲ្យកូនស្រីរបស់ខ្លួន ច្រកគុយទាវ និងទឹកស៊ុប ឲ្យ<br />ទៅក្មេងនោះ មួយថង់ថែមទៀតផង។</p>
<p><a class="thickbox" title="" href="/FileManager/Commons/2013/9/22/clip-2-8378-1379724195-22-09-2013--11-50-57.jpg"><img src="/FileManager/Articles/mce/2013/9/22/clip-2-8378-1379724195-22-09-2013--11-50-57.jpg" alt="" /></a></p>
<p>៣០ ឆ្នាំក្រោយមក បុរសលក់គុយទាវនោះមានសុខភាពមិនល្អ ដោយសារភាពចាស់របស់ខ្លួន។ ក្នុង<br />ពេលកំពុងឈរលក់គុយទាវ គាត់ក៏មានអារម្មណ៍មិនស្រួលខ្លួន ហើយក៏ដួលបោកក្បាល នឹងជ្រុងតុ<br />របួសយ៉ាងធ្ងន់ធ្ងរ ចាំបាច់ត្រូវធ្វើការវះកាត់ និងត្រូវចំណាយប្រាក់ អស់ជាច្រើន។ ថ្លៃព្យាបាល ដ៏ច្រើន<br />លើសលប់នេះ បានធ្វើកូនស្រីរបស់គាត់ ពិបាកចិត្តយ៉ាងខ្លាំង ហើយក៏បង្ខំចិត្ត លក់ផ្ទះ ដែលជាហាង<br />គុយទាវផងនោះ ជាបន្ទាន់ផងដែរ។</p>
<p>ភាពភ្ញាក់ផ្អើលមួយបានកើតមានឡើង បន្ទាប់កូនស្រីរបស់លោកអ៊ំចិត្តល្អលក់គុយទាវ ភ្ញាក់ពីដំណេក<br />ហើយសម្លឹងមើលទៅក្រដាសទូទាត់លុយ ថ្លៃព្យាបាលឪពុកម្តងទៀត គឺថ្លៃព្យាបាលដ៏ច្រើននោះ ប្រែ<br />ក្លាយជា តំលៃ ០ បាត (មានន័យថា ព្យាបាលមិនគិតថ្លៃ) ទៅវិញ។</p>
<p>ការព្យាបាលមិនគិតថ្លៃវិញនេះ គឺជាផលតបស្នងសំរាប់ ទង្វើល្អក្នុងសង្គមរបស់ អ៊ំប្រុសលក់គុយទាវ<br />ចិត្តល្អម្នាក់នេះ ដែលតែងតែជួយផ្តល់ជាអាហារ ដល់អ្នកក្រីក្រ អត់ឃ្លាន និងឈឺឆ្អាលដល់អ្នកដទៃ<br /> (តាមតែលទ្ធភាព ដែលគាត់ធ្វើបាន) នេះឯង។ ហេតុអ្វីបានជា គ្រូពេទ្យនោះ បែរជាមិនគិតថ្លៃព្យាបាល<br />វិញដូច្នេះ? ចម្លើយគឺ លោកគ្រូពេទ្យ ដែលវះកាត់ព្យាបាលគាត់នោះ គឺជាក្មេងប្រុសម្នាក់ ដែលគាត់បាន<br />ជួយចេញលុយ ថ្លៃថ្នាំពេទ្យ ដែលក្មេងប្រុសនោះបានលួច ពីគេ និងឲ្យគុយទាវមួយថង់ កាលពី៣០ ឆ្នាំ<br />មុន នោះឯង។</p>
<p style="text-align: center;"><object width="500" height="400" data="http://www.youtube.com/v/iZ6sDq2yK1w&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/iZ6sDq2yK1w&rel=1" /></object></p>
<p><br />វីដេអូនេះ គឺជាមេរៀនជីវិត ដ៏មានអត្ថន័យមួយ សំរាប់ការរស់នៅរបស់មនុស្សយើង បច្ចុប្បន្ននេះ។ <br />ចូរធ្វើអំពើល្អ នៅក្នុងសង្គមឲ្យបានច្រើន ឃើញអ្នកដទៃជួបគ្រោះអាសន្ន បើអាចជួយគ្នាបាន គួរ<br />ណាស់តែជួយ តាមលទ្ធភាព ដែលខ្លួនអាចធ្វើបាន។ "ធ្វើល្អ បានល្អ ធ្វើអាក្រក់ នឹងទទួលបានផល<br />អាក្រក់ មិនខាន" ៕</p>
<p><strong>ព័ត៌មានគួរឲ្យចាប់អារម្មណ៍ដទៃទៀត៖</strong></p>
<div><a href="/News/Detail/37921/the-dog-received-a-master-of-the-us-government"><span style="color: #0000ff;">- សុនខមួយក្បាលទទួលបានសញ្ញាប័ត្រ អនុបណ្ឌិត ពីរដ្ឋាភិបាលអាមេរិច</span></a></div>
<p><a href="/News/Detail/49138/brave-neighbours-rescue-man-from-burning-manhattan-apartment" target="_blank"><span style="color: #0000ff;">- កំពូលអ្នកជិតខាង ក្លាហាន ជួយសង្គ្រោះបុរសម្នាក់ ពីគ្រោះអគ្គីភ័យ (មានវីដេអូ)</span></a><a href="/News/Detail/91653/nokia-quietly-producing-10000-android-smartphone"><span style="color: #0000ff;"><br />- Nokia សម្ងំផលិត ស្មាតហ្វូនប្រើ Android ចំនួន ១ ម៉ឺនគ្រឿង</span></a><a href="/News/Detail/45367/ios-7-has-been-hacked-through-the-control-center"><span style="color: #0000ff;"><br />- iOS 7 ទើបតែបង្ហាញខ្លួន ក៏ត្រូវ Hack បានទៅហើយ តាមរយះ Control Center (មានវីដេអូ)</span></a><strong></strong><a href="/News/Detail/13089/testing-drop-iphone-5s-and-5c"><span style="color: #0000ff;"><br />- iPhone 5S និង 5C ទើបតែដាកើលក់ភ្លាម ត្រូវបានគេយកមកធ្វើ ទារុណកម្មទៅហើយ(មានវីដេអូ)<strong></strong></span></a><a href="/News/Detail/89054/iphone-5-recede-a-little-price--before-close-arrival-of-iphone-5s-and-iphone-5c"></a></p>
<p><span style="color: #000000;">ព័ត៌មានស្តីពីជីវិតរស់នៅ ចំណេះដឹងផ្សេងៗ និងព័ត៌មានសុខភាព គួរឲ្យចាប់អារម្មណ៍ជាច្រើនទៀត</span><br /><a href="/News/Category/11/lifestyle"><strong><span style="color: #0000ff;">សូមចុចត្រង់នេះ !!!</span></strong></a></p>
<p> </p>
<p style="text-align: right;">ដោយ៖ សិលា</p>