<p><span style="color: #000000;"><strong>(សៀមរាប)៖</strong> ខ្សែភាពយន្តបែបប្រវត្តិសាស្ត្រ ដែលរំឭកអំពីប្រវត្តិដ៏ជូរចត់ នៃរបបវាលពិឃាត ដឹកនាំផលិតដោយកំពូលតារា Hollywood ដ៏ល្បី នៅអាមេរិក គឺលោកស្រី Angelina Jolie និងជាផលិតករ នឹងត្រូវចាក់បញ្ចាំងជាលើកដំបូងបង្អស់ នៅលើវាលស្មៅនៃព្រះលានជល់ដំរី នាថ្ងៃទី១៨-១៩ ខែកុម្ភៈ ឆ្នាំ២០១៧ ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃព្រះករុណាព្រះបាទសម្តេចព្រះនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនីនាថ សីហនុ។</span></p>
<p><br /><a class="thickbox" title="" href="/FileManager/Commons/2017/2/14/08c-14-02-2017--14-09-25.jpg"><img src="/FileManager/Articles/mce/2017/2/14/08c-14-02-2017--14-09-25.jpg" alt="" /></a></p>
<p><span style="color: #000000;">ខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» ត្រូវបានថតនៅក្នុងទីតាំងសំខាន់ៗ ជាប្រវត្តិសាស្ត្រចំនួន២ គឺខេត្តសៀមរាប និងខេត្តបាត់ដំបង ជាពិសេស តំបន់រមណីយដ្ឋានអង្គរ ក៏ជាផ្នែកមួយដ៏សំខាន់ ដែលខ្សែភាពយន្តបានផ្តិតយកទិដ្ឋភាព ជាប្រវត្តិសាស្ត្រមួយចំនួនធំ។ ដូចនេះហើយ បានជាផលិតករភាពយន្ត សម្រេចចិត្តជ្រើសរើសយករមណីយដ្ឋានអង្គរ ជាទីតាំងចាក់បញ្ចាំងមុនដំបូងបំផុត ដែលជាពិធីសម្ពោធផ្លូវការ មុននឹងខ្សែភាពយន្តនេះចាក់បញ្ចាំង នៅរោងភាពយន្តផ្សេងៗទៀត។</span></p>
<p><span style="color: #000000;">អាជ្ញាធរជាតិអប្សរា ដែលជាស្ថាប័នគ្រប់គ្រងរមណីយដ្ឋានអង្គរ ក្រោយពីបានទទួលការអនុញ្ញាត ពីសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសហការរៀបចំ ក្នុងការផលិតភាពយន្ត ដោយជួយសម្របសម្រួលផ្នែកឯកសារ និងទីតាំងថតជាដើម។ ក្នុងព្រឹត្តិការណ៍បញ្ចាំងនេះដែរ អាជ្ញាធរជាតិអប្សរា បានត្រៀមសហការផ្តល់ទីតាំង ដើម្បីរៀបចំពិធី ការសម្អាតបរិស្ថាន ការសម្រួលលំហូរទស្សនា ក៏ដូចជារៀបចំកិច្ចការទូទៅផ្សេងៗជាច្រើនទៀត។</span></p>
<p><span style="color: #000000;">នេះគឺជាព្រឹត្តិការណ៍ ដ៏សំខាន់មួយទៀត សម្រាប់រមណីយដ្ឋានអង្គរ ដែលកន្លងមកតែងទទួលរៀបចំនូវព្រឹត្តិការណ៍ ដែលមានការយាងចូលរួម ពីសំណាក់ព្រះមហាក្សត្រ ថ្នាក់ដឹកនាំកំពូលរបស់រាជរដ្ឋាភិបាល និងឥស្សរជនល្បីៗលើពិភពលោកជាច្រើនរូបទៀត។ ព្រឹត្តិការណ៍ដ៏សំខាន់នេះ ក៏ជាផ្នែកមួយដែលជួយស្រូបទាញ ទេសចរឲ្យមកទស្សនាកម្ពុជា ជាពិសេស រមណីយដ្ឋានអង្គរកាន់តែច្រើនឡើងៗ៕</span></p>
<div class="fluid-width-video-wrapper"><span style="color: #000000;"><iframe id="fitvid469278" src="https://www.youtube.com/embed/m-NfO3upu6A" frameborder="0" width="480" height="380"></iframe></span></div>
<p> </p>
<p><span style="color: #000000;"><img src="http://image.freshnewsasia.com/2017/113/fn-2017-02-14-12-39-01-0.jpg" alt="" width="730" /></span></p>
<p><span style="color: #000000;"><img class="irc_mi" src="http://images.indianexpress.com/2015/12/angelinajolie759.jpg" alt="Image result for angelina jolie" width="707" height="393" /></span></p>
<p><span style="color: #000000;"><img class="irc_mi alignleft" src="https://s-media-cache-ak0.pinimg.com/originals/03/90/ed/0390edb59d4a43749629253fc639f863.jpg" alt="Image result for angelina jolie" width="735" height="406" /></span></p>
<p><span style="color: #000000;"><img class="irc_mi alignleft" src="http://www.todayincity.com/wp-content/uploads/2016/06/sexy-hot-spicy-pics-of-angelina-jolie.jpg" alt="Related image" width="738" height="392" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>