<p>ថ្មីៗនេះ អ្នកផ្សងព្រេង Jonathan Trappe បានបន្ដធ្វើឱ្យមានឈ្មោះនៅក្នុងបញ្ជីឯតទគ្គកម្មពិភពលោក ដោយបានឆ្លងកាត់មហាសមុទ្រ Atlantic តាមរយៈការប្រើប្រាស់ប៉េងប៉ោងហោះ ចំនួន ៣៦៥ ជំនួសឱ្យបាឡុងហោះបែបបុរាណ។</p>
<p style="text-align: center;"><a class="thickbox" title="" href="/FileManager/Commons/2013/9/13/jonathan-trappe-1-13-09-2013--22-22-12.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/13/jonathan-trappe-1-13-09-2013--22-22-12.jpg" alt="" /></a><em>នេះគឺជាឯតទគ្គកម្មទីពីររបស់ Jonathan Trappe ដែលបានប្រើប្រាស់ប៉េងប៉ោងហោះ</em></p>
<p>ដោយយកលំនាំតាមផ្ទះ និងប៉េងប៉ោងហោះរបស់ព្រឹទ្ធាចារ្យ Carl Fredricksen ក្នុងខ្សែភាពយន្ដជីវចល "Up" របស់ក្រុមហ៊ុន Pixar ថ្មីៗនេះ កំពូលអ្នកផ្សងព្រេង Jonathan Trappe អាយុ ៣៩ឆ្នាំ ជនជាតិអាមេរិក ជាថ្មីម្ដងទៀត បានបង្កើតឯតទគ្គកម្មមួយទៀត ដោយបានប្រើប្រាស់ប៉េងប៉ោងហោះ ចំនួន ៣៦៥ ដើម្បីហោះឆ្លងកាត់មហាសមុទ្រ Atlantic ។</p>
<p style="text-align: center;"><a class="thickbox" title="" href="/FileManager/Commons/2013/9/13/jonathan-trappe-2-13-09-2013--22-25-03.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/13/jonathan-trappe-2-13-09-2013--22-25-03.jpg" alt="" /></a><em>ប៉េងប៉ោងហោះចំនួន ៣៦៥ របស់ Jonathan Trappe</em></p>
<p>Jonathan Trappe អ្នកគ្រប់គ្រងគម្រោងបច្ចេកវិទ្យាព័ត៌មាន រស់នៅក្នុងក្រុង Raleigh រដ្ឋ Carolina នៃប្រទេសអាមេរិក ធ្លាប់ត្រូវបានគេស្គាល់ច្រើន តាមរយៈការបង្កើតឯតទគ្គកម្ម ហោះឆ្លងកាត់ព្រែកជីករបស់អង់គ្លេស ដោយកញ្ចុំប៉េងប៉ោងហោះ កាលពីខែឧសភា ឆ្នាំ ២០១។ ប៉ុន្ដែ លើកនេះ Jonathan Trappe ត្រូវឆ្លងកាត់ផ្លូវដែលមានប្រវែង ៤,០២៣ គីឡូម៉ែត្រ ក្នុងរយៈពេល ៧ថ្ងៃ អណ្ដែតនៅលើមេឃ និងមានកំពស់ប្រហែល ពី ៥,៥០០ ទៅ ៧,៦០០ម៉ែត្រ។</p>
<p style="text-align: center;"><a class="thickbox" title="" href="/FileManager/Commons/2013/9/13/jonathan-trappe-3-13-09-2013--22-28-37.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/13/jonathan-trappe-3-13-09-2013--22-28-37.jpg" alt="" /></a><em>ផ្ទះ និងប៉េងប៉ោងហោះរបស់ព្រឹទ្ធាចារ្យ Carl Fredricksen ក្នុងរឿង "Up"</em></p>
<p>ការផ្សងព្រេងរបស់ Jonathan Trappe បានចាប់ផ្ដើមពីទីក្រុង Caribou ក្នុងរដ្ឋ Maine របស់អាមេរិក។ ក្នុងដំណើរផ្សងគ្រោះថ្នាក់នេះដែរ លោក Jonathan Trappe ក៏អាចឈប់នៅកន្លែងណាក៏បាន ចន្លោះប្រទេស ន័រវែស និងអាហ្វ្រិកខាងជើង ឬក៏អាចចុះចតនៅកណ្ដាលសាគរ។</p>
<p><a class="thickbox" title="" href="/FileManager/Commons/2013/9/13/jonathan-trappe-4-13-09-2013--22-30-07.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/13/jonathan-trappe-4-13-09-2013--22-30-07.jpg" alt="" /></a><br />គួររំឭកថា មុននេះ ក៏ធ្លាប់មានអ្នកផ្សងព្រេងចំនួន ៥នាក់ ដែលបានសាកល្បងផ្សងគ្រោះថ្នាក់បែបនេះ ប៉ុន្ដែពួកគេទាំងអស់ បានបាត់បង់ជីវិត។ ប្រការនេះ នាំឱ្យ Jonathan Trappe មានការព្រួយបារម្ភ នៅមុនពេលចេញដំណើរ។ Jonathan Trappe ថ្លែងថា ៖ “ខ្ញុំចេះតែព្រួយភ័យ ខ្លាចខ្លួននឹងត្រូវស្លាប់ដូចអ្នកមុន” ។</p>
<p style="text-align: center;"><br /><a class="thickbox" title="" href="/FileManager/Commons/2013/9/13/jonathan-trappe-5-13-09-2013--22-32-49.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/13/jonathan-trappe-5-13-09-2013--22-32-49.jpg" alt="" /></a><em>បើទោះជាធ្លាប់មានបទពិសោធកាលពីមុន ប៉ុន្ដែលើកនេះ Jonathan Trappe នៅតែព្រួយបារម្ភ</em></p>
<p style="text-align: center;"><a class="thickbox" title="" href="/FileManager/Commons/2013/9/13/jonathan-trappe-6-13-09-2013--22-36-00.jpg"><img src="/FileManager/Articles/mce/2013/9/13/jonathan-trappe-6-13-09-2013--22-36-00.jpg" alt="" /></a><br /><em>ប៉េងប៉ោងទាំងឡាយ កំពុងត្រូវបានបញ្ចូលខ្យល់ heli</em></p>
<p style="text-align: center;"><a class="thickbox" title="" href="/FileManager/Commons/2013/9/13/jonathan-trappe-7-13-09-2013--22-35-19.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/13/jonathan-trappe-7-13-09-2013--22-35-19.jpg" alt="" /></a><em>កញ្ចុំប៉េងប៉ោងហោះ ចំនួន ៣៦៥ ដែលនាំអ្នកផ្សងព្រេង Jonathan Trappe ឆ្លងកាត់មហាសមុទ្រ Atlantic ។</em></p>
<p style="text-align: right;"><br />ដោយ ៖ តារា<br />ប្រភព ៖ mirror<br /><br /></p>