<p><span style="color: #000000;"><strong>ភ្នំពេញ៖</strong> សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា អនុញ្ញាតឲ្យយុវសិស្សខ្មែរដែលខ្លាំងពូកែ ៨រូបចូល ជួបសម្តែងការគួរសម និងសំណេះសំណាលនៅរសៀលថ្ងៃនេះ ដើម្បីជាការបន្តផ្តល់កិត្តិយស និងលើកទឹកចិត្ត ដល់ពួកគេ បន្ទាប់ពីបានប្រឹងប្រែងប្រកួតប្រជែងដណ្តើមយកមេដាយពីទឹកដីអាម៉េរិក។</span></p>
<p><span style="color: #000000;">យុវសិស្សខ្មែរទាំង ៨រូប ដែលទទួលបានឱកាសចូលជួបសម្តែងការគួរសម និង សំណេះសំណាលផ្ទាល់ ជាមួយនាយករដ្ឋមន្រ្តី នៃកម្ពុជា នៅរសៀលថ្ងៃចន្ទ ទី២៩ ខែមិថុនា ឆ្នាំ២០១៥នេះ រួមមាន៖</span></p>
<p><span style="color: #000000;">- យុវសិស្ស Lim Theanhok និង Roth Pochvichet ទទួលបានមេដាយមាស ផ្នែកវិទ្យាសាស្ត្រ</span></p>
<p><span style="color: #000000;">- យុវសិស្ស Huot Geechhor និង Heng Linna ទទួលបានមេដាយប្រាក់ ផ្នែកសិល្បៈ</span></p>
<p><span style="color: #000000;">- យុវសិស្ស Chea Soyean និង Luu Saophea ទទួលបានមេដាយប្រាក់ ផ្នែកធុរៈកិច្ច</span></p>
<p><span style="color: #000000;">- យុវសិស្ស Keang Puthina និង Chou Sahasvichni ទទួលបានមេដាយសំរឹទ្ធ ផ្នែកវិទ្យាសាស្ត្រ</span></p>
<p><span style="color: #000000;">យុវជនទាំង ៨នាក់នេះ បាននិងកំពុងសិក្សានៅសាលាអន្តរជាតិហ្សាម៉ាន់។ ពួកគេត្រូវបានសាលាបញ្ជូនទៅចូល រួមប្រកួតប្រជែងសរសេរគម្រោងក្នុងក្របខ័ណ្ឌសាលាអន្តរជាតិកម្រិតវិទ្យាល័យលើប្រធានបទបរិស្ថាន "Genius Olympiad 2015” ដែលបានប្រព្រឹត្តទៅពីថ្ងៃទី ១៤-១៩ ខែមិថុនា ឆ្នាំ ២០១៥ នៅសាកលវិទ្យាល័យរដ្ឋទីក្រុង ញូយ៉ក សហរដ្ឋអាមេរិក ដោយមានបេក្ខជនចូលរួមប្រកួតប្រមាណ ៧៤៨នាក់ មកពី ៦៩ប្រទេស។ មានបេក្ខ ជនតែ ១២៣រូបប៉ុណ្ណោះ បានទទួលជ័យលាភី។</span></p>
<p><span style="color: #000000;">យុវសិស្សខ្មែរពីររូប លីម ធានហុក និងដៃគូរបស់គេម្នាក់ទៀត ឈ្មោះ ប៉ូច រ័ត្នវិចិត្រ ត្រូវបានគណៈកម្មការផ្តល់ រង្វាន់មេដាយមាស បន្ទាប់ពីពួកគេ បានរកឃើញនូវវិធីចម្រោះទឹកប្រកបដោយគំនិតច្នៃប្រឌិតខ្ពស់ ដែលទឹកនេះ ក្រោយចម្រោះហើយ អាចយកទៅបរិភោគដូចទឹកបរិសុទ្ធផងដែរ។</span></p>
<p><span style="color: #000000;">យុវសិស្ស លីម ធានហុក ដែលទទួលបានអាហារូករណ៍តម្លៃ ៤.០០០ដុល្លារ សិក្សានៅសាលាអន្តរជាតិ ZA MAN អស់រយៈពេល ៤ឆ្នាំមកហើយនោះ បានបង្ហាញអារម្មណ៍រំភើបរីករាយយ៉ាងខ្លាំង នៅពេលទទួលបាន ដំណឹង នៃការផ្តល់ឱកាសពីសម្តេចតេជោ ហ៊ុន សែន ឲ្យបានចូលជួបសម្តែងការគួរសម និងសំណេះសំណាល ដោយផ្ទាល់។ លីម ធានហុក បានបញ្ជាក់ថា រូបគេមិនដែលស្រម័យថា បានជួបជាមួយនាយករដ្ឋមន្រ្តីបែបនេះ ឡើយ។</span></p>
<p><span style="color: #000000;">ទាំងការដណ្តើមមេដាយមាសពីអាម៉េរិក និងឱកាសចូលជួបសម្តែងការគួរសមជាមួយសម្តេចតេជោ ហ៊ុន សែន ក៏បានធ្វើឲ្យលោកឧត្តមសេនីយ៍ត្រី អ៊ុក ណារិន អនុប្រធាននគរបាលបច្ចេកទេស និងវិទ្យាសាស្រ្តក្រសួងមហាផ្ទៃ រំភើបរីករាយជាពន់ពេកផងដែរ។ លោក អ៊ុក ណារិន បានគូសបញ្ជាក់ថា អ្វីដែលធ្វើឲ្យរូបលោករំភើបកាន់តែខ្លាំង នោះ គឺកូនរបស់លោកបានប្រឹងប្រែងរហូតមានឱកាសកាន់បង្ហាញទង់ជាតិរបស់ខ្មែរ បង្ហាញទៅអន្តរជាតិឲ្យបាន ដឹងថា ខ្មែរក៏មានយុវជនដែលខ្លាំង និងមានសមត្ថភាពស្រាវជ្រាវ និងផលិតនូវឧបករណ៍បែបវិទ្យាសាស្រ្តផងដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/29/6-29-2015-12-55-01-pm-29-06-2015--13-01-56.png"><span style="color: #000000;"><img src="/FileManager/Articles/mce/2015/6/29/6-29-2015-12-55-01-pm-29-06-2015--13-01-56.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/6/29/6-29-2015-12-55-22-pm-29-06-2015--13-02-09.png"><span style="color: #000000;"><img src="/FileManager/Articles/mce/2015/6/29/6-29-2015-12-55-22-pm-29-06-2015--13-02-09.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>