<p>ព័ត៌មានអន្តរជាតិ ៖ ទីភ្នាក់ងារព័ត៌មានចិនស៊ិនហួ ចេញផ្សាយថ្ងៃទី ១៥ ខែកក្កដា ឆ្នាំ២០១៤ បានឲ្យ ដឹងថា កម្លាំងរដ្ឋាភិ បាលស៊ីរី ចេញ ប្រតិបត្តិការណ៍បង្រ្កាប ជំរុំរបស់ក្រុមបះបោរ រស់នៅខុសច្បាប់ តាមបន្ទាត់ព្រំដែនជាប់ប្រទេសលី បង់ ព្រមទាំងបានសម្លាប់ មនុស្ស ២៣ នាក់ ។ នេះបើយោង តាម សេចក្តីរាយការណ៍របស់សារព័ត៌មានគាំទ្ររដ្ឋាភិ បាល Al-Khabar នាថ្ងៃអង្គារ៍នេះ។</p>
<p><a class="thickbox" title="" href="/FileManager/Commons/2014/7/16/syria231662529f-16-07-2014--09-16-21.jpg"><img src="/FileManager/Articles/mce/2014/7/16/syria231662529f-16-07-2014--09-16-21.jpg" alt="" /></a></p>
<p>សេចក្តីរាយការណ៍បានឲ្យដឹងថា កម្លាំង យោធាបានវាយប្រហារតំបន់ Zamrani តំបន់ Mira តំបន់ Martiba តំបន់ Hamra និងតំបន់ Romiyat ដែលស្ថិតនៅតាមបណ្តោយ បន្ទាត់ព្រំដែន ជាប់ប្រទេស លីបង់។ នេះជាការវាយប្រ ហារ ដោយធ្វើឡើងរួមគ្នាជាមួយកងកម្លាំងប្រទេសលីបង់។</p>
<p><a class="thickbox" title="" href="/FileManager/Commons/2014/7/16/bucketbrigade-16-07-2014--09-16-32.jpg"><img src="/FileManager/Articles/mce/2014/7/16/bucketbrigade-16-07-2014--09-16-32.jpg" alt="" /></a></p>
<p>កន្លងមករដ្ឋាភិបាលស៊ីរី បានសម្តែងការប្រឆាំង ចំពោះការហូរចូលនូវក្រុមបះបោរ ចូលក្នុងប្រទេស ស៊ីរី តាមបន្ទាត់ ព្រំដែននៃប្រទេសជិតខាង។ សូមបញ្ជាក់ថាតំបន់នានាជាប់បន្ទាត់ព្រំដែន ជាចំណុច សំខាន់មួយសម្រាប់ក្រុមបះ បោររស់នៅ និង វាយប្រហារប្រឆាំងនឹងកម្លាំងយោធាប្រទេសស៊ីរី ដែល ស្ថិតនៅកណ្តាល និង តំបន់ភាគខាងត្បូងប្រទេសស៊ីរី។ ប៉ុន្តែនាពេលថ្មីៗកន្លងទៅនេះ កម្លាំង ប្រ ទេសស៊ីរី បានទទួលជោគជ័យក្នុងការវាយបណ្តេញក្រុម បះបោរទាំងនោះពីតំបន់សំខាន់ៗ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ ដើមអម្ពិល និង wn</p>