<p><br />នៅក្នុងឯកសារ ដែលត្រូវបានបញ្ជូនទៅអោយគណៈកម្មការមូលបត្រដើម្បីសុំចុះឈ្មោះលក់ភាគ<br />ហ៊ុនជាសាធារណៈ ក្រុមហ៊ុន Facebook បានបង្ហាញអោយដឹងថា ប្រាក់ចំណូលប្រចាំឆ្នាំ ២០១១ របស់ខ្លួនគឺមានចំនួន ៣.៧១១លានដុល្លារ រីឯប្រាក់ចំណេញសុទ្ធ គឺ ១.០០០លានដុល្លារ។</p>
<p><a class="thickbox" title="" href="/FileManager/Commons/2012/5/8/zuckerberg-420x0-08-05-2012--14-21-18.jpg"><img src="/FileManager/Articles/mce/2012/5/8/zuckerberg-420x0-08-05-2012--14-21-18.jpg" alt="" width="465" height="298" /></a></p>
<p>គេបានដឹងជាទូទៅហើយថា ប្រាក់ចំណូលចម្បងរបស់គេហទំព័រមួយគឺបានមកពីការផ្សព្វផ្សាយ<br />ពាណិជ្ជកម្មផលិតផល ឬសេវាកម្មរបស់ក្រុមហ៊ុននានា ដូច្នេះ Facebook ក៏រកប្រាក់បានដោយសារ<br />ប្រការខាងលើនេះដែរ។ ក្នុងឆ្នាំ ២០១១ Facebook ទទួលបានប្រាក់ចំនួន ៣.១៥០ លានដុល្លារពី<br />ការផ្សាយពាណិជ្ជកម្ម គឺប្រមាណជា ៨៥% នៃប្រាក់ចំណូលសរុបប្រចាំឆ្នាំ នេះគឺជាប្រាក់ចំណូល<br />សំខាន់បំផុតរបស់គេហទំព័រសង្គមនេះ។ ក្រៅពីការផ្សាយពាណិជ្ជកម្ម Facebook ក៏អាចរកប្រាក់<br />បាន ១២% នៃប្រាក់ចំណូលសរុបប្រចាំឆ្នាំ ២០១១ តាមរយៈក្រុមហ៊ុន ផលិតហ្គេមអ៊ីនធើរណែត Zynga ។</p>
<p>បើទោះជា Facebook រកបានប្រាក់ចំណូលដល់ទៅ ៣.៧១១លានដុល្លារក្នុងមួយឆ្នាំៗក៏ដោយ ប៉ុន្ដែ លោក Mark Zuckerberg ជាស្ថាបនិក និងជាអគ្គនាយករបស់ Facebook ក៏មិនទទួលបានប្រាក់ច្រើន<br />ប៉ុន្មាននោះដែរ ព្រោះថា លោកមិនមែនជាម្ចាស់ភាគហ៊ុនទាំងមូលរបស់ក្រុមហ៊ុននេះនោះទេ។ ភាគហ៊ុនរបស់លោក Mark Zuckerberg មានចំនួន ២៨,៤% ដូច្នេះ បើគិតទាំងប្រាក់ខែ រួមជាមួយ<br />និងប្រាក់ចំណូលបានមកពីភាគហ៊ុន នោះលោក Mark Zuckerberg ទទួលបានប្រាក់ចំណូលសរុប<br />(សម្រាប់ឆ្នាំ ២០១១) គឺ ១.៤៩០.០០០ ដុល្លារអាមេរិក៕</p>
<p style="text-align: right;">ដោយ ៖ សូរីយ៉ា<br />ប្រភព ៖ <cite>pnmt</cite> </p>