<p><span style="font-size: 12px; color: #000000;">ហេតុការណ៍ផ្ទុះ នៅឯរោងចក្រគីមីមួយកន្លែង បានសម្លាប់មនុស្ស ១៩ នាក់ និង ១២ នាក់ផ្សេងទៀតរងរបួស ដែលជាឧបទ្ទវហេតុដ៏ប្រល័យផ្នែកឧស្សាហកម្មចុងក្រោយបំផុត នៅក្នុងរោងចក្រផលិតគីមីដ៏ធំបំផុតរបស់ពិភពលោក។</span></p>
<p><span style="color: #000000;">នៅក្នុងរបាយការណ៍មួយ ដែលដកស្រង់ដោយសារព័ត៌មាន រ៉យទ័រ បានឱ្យដឹងថា អាជ្ញាធរ នៅក្នុងសង្កាត់ជាំងអាន បាននិយាយថា ការផ្ទុះនោះបានកើតឡើងនៅរោងចក្រផលិតគីមីមួយកន្លែង ដែលគ្រប់គ្រងដោយដោយក្រុមហ៊ុនបច្ចេកវិទ្យា Yibin Hengda។</span></p>
<p><span style="color: #000000;"><a class="thickbox" title="" href="/FileManager/Commons/2018/7/13/14-13-07-2018--16-26-41.PNG"><img src="/FileManager/Articles/mce/2018/7/13/14-13-07-2018--16-26-41.PNG" alt="" /></a><br /></span></p>
<p><span style="color: #000000;">រូបថតបង្ហោះ នៅលើបណ្ដាញសង្គមចិន បានបង្ហាញឱ្យដឹងថា អណ្ដាតភ្លើងឆេះយ៉ាងសន្ធោសន្ធៅ ព្រមទាំងពំនូកផ្សែង បានហុយចេញពីរោងចក្រនោះ។ គេ នៅមិនទាន់ជាក់ច្បាស់ ពីមូលហេតុបង្កនៃការផ្ទុះនេះ នៅឡើយទេ។</span></p>
<p><span style="color: #000000;">យោងតាមភ្នាក់ងារសារព័ត៌មាន ស៊ីនហួ អគ្គិភ័យ ដែបានឆាបឆេះ កាលពីល្ងាចថ្ងៃព្រហស្បតិ៍ ត្រូវបានពន្លត់ នៅព្រឹកថ្ងៃសុក្រនេះ។ អ្នករងរបួស នៅក្នុងហេតុការណ៍នោះ ក្រុមគ្រូពេទ្យ អាចគ្រប់គ្រងស្ថានភាពរបួស បានល្អប្រសើរហើយ។ ភ្នាក់ងារព័ត៌មានខាងលើ និយាយថា អាជ្ញាធរបានបើកការស៊ើបអង្កេយចូលទៅក្នុងហេតុការណ៍នោះ។</span></p>
<p><span style="color: #000000;">ក្រុមហ៊ុន ផលិតគីមីដើម្បីផ្គត់ផ្គង់ឧស្សាហកម្មឱសថ និងម្ហូបអាហារ។ យោងតាមរបាយការណ៍ព័ត៌មានក្នុងស្រុក បានឱ្យដឹងថា អគារកម្ពស់បីជាន់នៃរោងចក្រ បានឆាបឆេះដល់គ្រោងដែក និងអគារជិតខាង ដែលធ្វើឱ្យបង្អួចនៃអគារទាំងនោះ បែកបាក់ខ្ទេចខ្ទី។</span></p>
<p><span style="color: #000000;">គួរបញ្ជាក់ផងដែរថា កាលពីឆ្នាំ ២០១៥ មនុស្ស ១៧៣ នាក់បានស្លាប់ នៅក្នុងការផ្ទុះមួយ នៅឃ្លាំងគីមីនាទីក្រុងកំពង់ផែ Tianjin ភាគឦសាន្ដ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/13/mekongnet-13-07-2018--16-26-50.PNG" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ ប៊ីប៊ីសុី </span></p>