<p><span style="color: #000000;"><strong style="font-size: 12px;">(</strong><strong style="font-size: 12px;">ឡាវេហ្គាស)៖</strong><span style="font-size: 12px;"> ស្តេចប្រដាល់សកលលំដាប់លេខ២ ពិភពលោក Manny Pacquiao នឹងឡើងវ៉ៃដណ្តើមខ្សែក្រវាត់ របស់ស្ថាប័ន WBO ពីជើងខ្លាំងជនជាតិអាមេរិក Jessie Vargas ព្រឹកថ្ងៃអាទិត្យ ទី៦ ខែវិច្ឆិកា ឆ្នាំ២០១៦ ខាងមុខនេះ នៅលើទឹកដីអាមេរិកតែម្តង។</span></span></p>
<p><br /><a class="thickbox" title="" href="/FileManager/Commons/2016/10/24/20-24-10-2016--15-02-42.jpg"><img src="/FileManager/Articles/mce/2016/10/24/20-24-10-2016--15-02-42.jpg" alt="" /></a></p>
<p><span style="color: #000000;">នេះជាការសម្រេចចិត្តវិលមកកាន់សង្វៀនប្រដាល់ជាថ្មីរបស់កីឡាករនិម្មិតរូបរបស់ហ្វីលីពីន ដែលមានរហស្សនាមថា «Pacman» បន្ទាប់ពីកីឡាករវ័យ៣៧ឆ្នាំ ទម្ងន់៧០គីឡូក្រាមរូបនេះបានប្រកាសចូលនិវត្តន៍ពីអាជីពឈឺសាច់មួយរយៈ ក្រោយពេលផ្តួលជើងខ្លាំង Timothy Bradley ជាលើកទី២ ដោយពិន្ទុជាឯកច្ឆន្ទកាលពីខែមេសា ឆ្នាំ២០១៦ កន្លងទៅ ដោយមូលហេតុ យកពេលវេលាទៅបម្រើនយោបាយនៅក្នុងប្រទេសរបស់ខ្លួនវិញ។</span></p>
<p><span style="color: #000000;">អតីតម្ចាស់ជើងឯកខ្សែក្រវាត់ពិភពលោក ៨សម័យកាល Pacman បានរៀបរាប់ពីមូលហេតុនៃការសម្រេចចិត្តមកកាន់ទីលានប្រដាល់ជាថ្មីដោយសារតែបញ្ហា «លុយ» ដោយបានលើកឡើងប្រាប់ BBC ថា «ប្រដាល់ គឺជាប្រភពចំណូលដ៏សំខាន់សម្រាប់ខ្ញុំ ខ្ញុំមិនអាចពឹងពាក់ទាំងស្រុងទៅលើប្រាក់បៀវត្សរ៍នៃមន្រ្តីសាធារណៈឡើយ។ បច្ចុប្បន្ន ខ្ញុំកំពុងចិញ្ចឹមគ្រួសារ និងប្រពន្ធ ហើយក៏មានប្រជាជនហ្វីលីពីនជាច្រើនរូបទៀតមកសុំជំនួយពីខ្ញុំផងដែរ»។</span></p>
<p><span style="color: #000000;">តែយ៉ាងណាក៏ដោយ រហូតមកទល់នឹងពេលនេះពុំមានលេចលឺព័ត៌មានណាមួយទម្លាយពីប្រាក់រង្វាន់ដែល Pacquiao នឹងទទួលបានពីមួយប្រកួតដ៏សំខាន់នាថ្ងៃទី៦ ខែវិច្ឆិកាទល់នឹងកីឡាករម្ចាស់ផ្ទះ Jessie Vargas នៅសង្វៀន MGM Grand Arena ស្ថិតក្នុងទីក្រុង Las Vegas សហរដ្ឋអាមេរិកនៅឡើយទេ គ្រាដែលរូបគេទទួលបានប្រាក់រង្វាន់រហូត ដល់ទៅ ១៥០លានដុល្លារ ទោះចាញ់ជើងខ្លាំង Floyd Mayweather ដោយពិន្ទុក៏ដោយ។</span></p>
<p><span style="color: #000000;">សូមបញ្ជាក់ផងដែរថា ក្នុងជីវិតជាកីឡាករប្រដាល់អាជីពរយៈពេល ២១ឆ្នាំ គិតចាប់តាំងពីឆ្នាំ១៩៩៥មក Manny Pacquiao កម្ពស់ ១.៦៩ម៉ែត្រ បានឡើងវ៉ៃចំនួន ៦៦ដងមកហើយ ក្នុងនោះធ្លាប់ឈ្នះ៥៨ប្រកួត ចាញ់៦ប្រកួត និងស្មើ២ប្រកួត និងផ្តួលដៃគូឲ្យសន្លប់នៅលើសង្វៀនបាន ៣៨ដង គ្រាដែលកីឡាករ Jessie Vargas ជនជាតិអាមេរិក វ័យ២៧ឆ្នាំ កម្ពស់ ១.៧៨ម៉ែត្រ ឡើងវាយបាន២៨ដង ក្នុងនោះធ្លាប់ឈ្នះ២៧ដង ចាញ់១ដង មិនដែលស្មើ និងធ្លាប់ផ្តួលដៃគូឲ្យសន្លប់បាន១០ដង កំពុងតែគ្រប់គ្រងខ្សែក្រវាត់ WBO ក្នុងដៃ៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/24/20a-24-10-2016--15-02-31.jpg"><img src="/FileManager/Articles/mce/2016/10/24/20a-24-10-2016--15-02-31.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>