<p><span style="color: #000000;"><strong>(ម៉ិចស៊ិកូ)៖</strong> អាជ្ញាធរសុខាភិបាល ប្រទេសម៉ិចស៊ិកូ បានប្រកាសឲ្យដឹងថា បច្ចុប្បន្នប្រទេសអាមេរិក ខាងជើងមួយនេះ មានមនុស្សឆ្លងវីរុស ហ្ស៊ីកា (Zika) ចំនួន ១២១ករណី ក្នុងនោះមានស្ត្រីមាន ផ្ទៃពោះចំនួន ១១នាក់។ នេះបើតាមការ ផ្សាយរបស់សារព័ត៌មាន Channel News Asia នៅថ្ងៃអង្គារ ទី០១ ខែមីនា ឆ្នាំ២០១៦។</span></p>
<p><a class="thickbox" title="" href="/FileManager/Commons/2016/3/2/14a-02-03-2016--10-39-02.jpg"><img src="/FileManager/Articles/mce/2016/3/2/14a-02-03-2016--10-39-02.jpg" alt="" /></a></p>
<p><span style="color: #000000;">អាជ្ញាធរខាងលើបន្ថែមទៀតថា ភាគច្រើននៃអ្នកឆ្លងវីរុស គឺជាប្រជាជនដែលរស់នៅ ភាគខាងត្បូងប្រទេសដូចជា នៅរដ្ឋ Chiapas និង Oaxaca ជាដើម។ ក្រសួងសុខាភិបាល ម៉ិចស៊ិកូ កំពុងតែព្រួយបារម្ភយ៉ាងខ្លាំង ចំពោះការកើនឡើង នៃចំនួនស្ត្រីមានផ្ទៃពោះ ដែលបានឆ្លងវីរុសនេះ ជាពិសេសនៅរដ្ឋ Chiapas ព្រោះថា ទារកក្នុងផ្ទៃរបស់ពួកគេនឹង ទទួលរងគ្រោះ ជាក់ជាមិនខាន។</span></p>
<p><span style="color: #000000;">គួរបញ្ជាក់ថា បណ្តាប្រទេសនៅទ្វីបអាមេរិក ដែលកំពុងទទួលរងគ្រោះខ្លាំង ជាងគេដោយសារវីរុសហ្ស៊ីកា រួមមាន ប្រេស៊ីល កូស្តារីកា និង ម៉ិចស៊ិកូ។ ដោយឡែកប្រទេសមួយចំនួនទៀត ដែលអាចនឹងទទួលរង ការគម្រាមពីជំងឺ ដែលបង្កឡើងដោយសត្វមូសនេះ មានដូចជា អាមេរិក កូឡុំប៊ី គុយបា ប៉េរូ និង អាហ្សង់ទីន ជាដើម៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/2/14-02-03-2016--08-57-47.jpg"><img src="/FileManager/Articles/mce/2016/3/2/14-02-03-2016--08-57-47.jpg" alt="" /></a><br /></span></p>
<p> </p>
<p> </p>
<p style="text-align: right;"><span style="color: #000000;">ប្រភព ៖ CNA<br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>