<p><span style="color: #000000;"><strong>(បាសែល)៖</strong> ក្រុមហង្សក្រហម Liverpool របស់អង់គ្លេសនឹងត្រូវប្រជែងយកពានលំដាប់ទី២ ប្រចាំទ្វីបអឺរ៉ុប UEFA Europa League ទល់នឹងក្រុមការពារតំណែងជើងឯក Sevilla របស់អេស្ប៉ាញ ក្នុងទឹកដីកណ្តាលក្នុងទីក្រុង Basel របស់ប្រទេសស្វីសនាម៉ោង ១៖៤៥នាទីរំលងអាធ្រាត្រយប់នេះ (ម៉ោងនៅកម្ពុជា) ។</span></p>
<p><span style="color: #000000;">សារព័ត៌មាន BBC បានផ្សាយថា Liverpool បានរង់ចាំពាននេះអស់រយៈពេល១១ឆ្នាំមកហើយ គិតចាប់តាំងពីបានឈ្នះពាន UEFA Champions League កាលពីឆ្នាំ២០០៥ ដោយត្រូវតតាំងជាមួយនឹងក្រុម Sevilla ឈ្នះពាននេះ ២សម័យកាលចុងក្រោយនេះ ហើយក៏ជាលើកទី៣ផងដែរក្នុងការឈានមកដល់វគ្គផ្តាច់ព្រ័ត្រនេះ ក្នុងនាមក្រុមដែល បញ្ចប់ទៅដោយចំណាត់ថ្នាក់លេខរៀងទី៨ ក្នុងតារាង Premier League រដូវកាលនេះ គ្រាដែល Sevilla បញ្ចប់ទៅ ដោយចំណាត់ថ្នាក់លេខ៧ ក្នុង La Liga តាមពីក្រោយក្រុមការជើងឯក FC Barcelona រហូតដល់ទៅ៣៩ពិន្ទុ ។</span></p>
<p><span style="color: #000000;">ក្រុមដែលកំពុងដឹកនាំដោយគ្រូបង្វឹកជនជាតិអាល្លឹម៉ង់ Jurgen Klopp បានឈ្នះពាន UEFA Cup លើកចុងក្រោយក្នុង ឆ្នាំ២០០១ និងពានធំចុងក្រោយ Champions League នាឆ្នាំ២០០៥ បន្ទាប់ពីនោះពុំធ្លាប់ឈ្នះពានទាំងនេះឡើយ ដែលជំរុញឲ្យក្រុមនេះស្វិតស្វាញខ្លាំងឡើង និងឈ្នះកៅអីលេង Champions វគ្គចែកពូលដោយស្វ័យប្រវត្តិ ប្រសិនបើឈ្នះមែននោះ ព្រោះថា រដូវកាលឆ្នាំ២០១៦-២០១៧ Liverpool ពុំមានសិទ្ធិលេងពានណាមួយឡើយ ដោយសារតែ បញ្ចប់ក្នុងចំណាត់ថ្នាក់លេខ៨ នៅ Premier League ។</span></p>
<p><span style="color: #000000;">តែយ៉ាងណាក៏ដោយ ក្រុមហង្សក្រហមពិតជាលំបាកយកឈ្នះក្រុមដែលមានបទពិសោធន៍ និងជោគជ័យក្នុងពាននេះណាស់ ព្រោះថា Sevilla ទាំងរឹងមាំ និងខ្សែប្រយុទ្ធមុតស្រួចណាស់ឲ្យតែដល់វគ្គផ្តាច់ព្រ័ត្រនេះ ៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/1419A/production/_89703328_stats.png" alt="" width="730" /></span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/F5E0/production/_89644926_sev.jpg" alt="" width="730" /></span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/1DEC/production/_89706670_emery.png" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>