<p><span style="color: #000000;"><strong>ភ្នំពេញ៖</strong> សាលាដំបូងរាជធានីភ្នំពេញ កាលពីព្រឹកថ្ងៃទី២៤ ខែធ្នូ ឆ្នាំ២០១៤ បានបើកសវនាប្រកាសសាលក្រម លើសំណុំរឿង ជនជាប់ចោទម្នាក់ ដែលជាប់ចោទ ពីបទ «មនុស្សឃាតមានស្ថានទម្ងន់ទោស» ទាក់ទងនឹងករណី ចាក់សម្លាប់ស្ត្រីជនជាតិហូឡង់ម្នាក់ និងកូនស្រីរបួសធ្ងន់ ដើម្បីលួចយកទ្រព្យសម្បត្តិ ក្នុងផ្ទះជួល មួយកន្លែង ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃ ទី ២៧ ខែ មេសា ឆ្នាំ ២០១៤ ដោយ តុលាការសម្រេផ្តន្ទាទោស ដាក់់ពន្ធនាគារ ចំនួន១៣ឆ្នាំ។ </span></p>
<p><span style="color: #000000;">លោកនូ វាសនា ប្រធានចៅក្រមប្រឹក្សាជំនុំជម្រះនៃ សាលាដំបូងរាជធានីភ្នំពេញ បានឲ្យដឹងថា ជនជាប់ចោទរូបនេះ មានឈ្មោះជា ភិន ហៅពៅ ធិន ហៅតា ហៅ តុញ ធិន ហៅជា សុភាព ភេទប្រុស អាយុ៣៥ឆ្នាំ ជាជនអានាថា ស្នាក់នៅក្នុងវត្តថាន់ក្នុងខណ្ឌចំការមន។</span></p>
<p><span style="color: #000000;">លោកបានបញ្ជាក់ថា ជនជាប់ចោទ ត្រូវបានចាប់ខ្លួន ដោយសមត្ថកិច្ចនគរបាលរាជធានីភ្នំពេញ កាលពីថ្ងៃទី ២ ខែមេសា ឆ្នាំ ២០១៤ បន្ទាប់ពីបានប្រព្រឹត្តអំពើឃាតកម្ម ទៅលើជនរងគ្រោះ នៅថ្ងៃ កើតហេតុដូចទីតាំងខាងលើនេះ៕ </span></p>
<p><span style="color: #000000;"><a class="thickbox" title="" href="/FileManager/Commons/2014/12/25/12-25-2014-10-25-28-am-25-12-2014--10-30-00.png"><img src="/FileManager/Articles/mce/2014/12/25/12-25-2014-10-25-28-am-25-12-2014--10-30-00.png" alt="" /></a></span></p>
<p style="text-align: right;"><span style="color: #000000;">ផ្ដល់សិទ្ធដោយ ៖ ដើមអម្ពិល</span></p>