<p>Apple នឹងប្រើប្រាស់លោហធាតុអាលុយមីញ៉ូមថ្មីធ្វើជាសំបក ដែលជួយឲ្យ iPhone អាចចាប់សេវា ទូរស័ព្ទបានល្អជាងមុន ដោយមិនចាំបាច់មានខ្សែជ័រប្លាស្ទិច (អង់តែង) ពីរខ្សែដូច iPhone សព្វថ្ងៃនេះ ទេ។</p>
<p>ខុសប្លែកពីបណ្តាទូរស័ព្ទសំបកជ័រ ស្មាតហ្វូនសំបកធ្វើពីលោហធាតុស្ទើរតែទាំងអស់នៅលើទីផ្សារ សុទ្ធតែមានផ្នែកធ្វើពីជ័រប្លាស្ទិចជាប់មកជាមួយ។ សម្រាប់នៅលើ iPhone ខ្សែជ័រប្លាស្ទិចកាត់ទទឹងនេះ គឺមានតួនាទីចាប់សេវាទូរស័ព្ទ ដោយសារតែ សំបកអាលុយមីញ៉ូម Anodized មិនមែនជាលោហធាតុ ដើរតួនាទីជាអង់តែនបាន នោះទេ។</p>
<p><a href="http://www.camnews.com.kh/News/Detail/86950/iphone7c-screen-4-inch-will-be-introduced-in-2016"><span style="color: #3366ff;"><em>អាន៖ iPhone 7c អេក្រង់ ៤អ៊ីន នឹងបង្ហាញខ្លួន នៅក្នុងឆ្នាំ ២០១៦</em></span></a></p>
<p style="text-align: center;"><a class="thickbox" title="" href="/FileManager/Commons/2015/6/24/138-24-06-2015--18-02-27.jpg"><img src="/FileManager/Articles/mce/2015/6/24/138-24-06-2015--18-02-27.jpg" alt="" /></a></p>
<p style="text-align: center;"><span style="color: #999999;"><em>Apple នឹងបោះចោលខ្សែជ័រប្លាស្ទិចនៅលើ iPhone ដើម្បីធ្វើការកែលំអ រចនាម៉ូតផលិតផលថ្មី របស់ខ្លួនកាន់ស្អាត (រូបភាព៖ BGR)</em></span></p>
<p>ជាក់ស្តែង ការដែលប្រើបណ្តាសារធាតុជ័រប្លាស្ទិច មិនមែនជាវិធីសាស្រ្តដែលផ្តល់នូវការរចនាម៉ូតបាន ស្អាត សម្រាប់ផលិតផលឡើយ។ ពេលខ្លះពួកវាក៏ធ្វើឲ្យប្រឡាក់ជាប់ស្នាមពណ៌ ពីខោខូវបយ ឬបណ្តា សាច់ក្រណាត់ដែលមានពណ៌។ បើតាមប្រភពពី Business Insider ក្រុមហ៊ុន Apple ទើបទទួលបាន ប័ណ្ណប៉ាតង់ ដែលក្នុងនោះពួកគេនឹងអាចប្រើប្រាស់លោហធាតុប្រភេទថ្មី ដល់បណ្តាជំនាន់ iPhone ស៊េរីបន្ទាប់ៗ ហើយសារធាតុនេះមិនបានរារាំងបង្អាក់ដំណើរការ ចាប់សេវាទូរស័ព្ទនោះទេ។</p>
<p><a href="http://www.camnews.com.kh/News/Detail/49652/the-reason-apple-sale-iphone-gold-color"><span style="color: #3366ff;"><em>អាន៖ បែកធ្លាយហេតុផលដែល Apple ផលិត iPhone ពណ៌ទឹកមាស</em></span></a></p>
<p style="text-align: center;"><a class="thickbox" title="" href="/FileManager/Commons/2015/6/24/139-24-06-2015--18-04-57.jpg"><img src="/FileManager/Articles/mce/2015/6/24/139-24-06-2015--18-04-57.jpg" alt="" /></a></p>
<p>ប័ណ្ណប៉ាតង់របស់ Apple ត្រូវបានស្នើសុំតាំងពី ខែកុម្ភះ ឆ្នាំ២០១៤ មកម្ល៉េះ ហើយទើបតែត្រូវបាន ការិយាល័យប៉ាតង់ និងស្លាកយីហោអាមេរិច ប្រកាសឲ្យប្រើកាលពីសប្តាហ៍មុនកន្លងទៅនេះ។ ដូច្នេះ លទ្ធភាពច្រើនគំរូ iPhone 6S នៅមិនទាន់ត្រូវបានបំពាក់ នូវការកែលំអនេះនោះទេ៕</p>
<p><a href="http://www.camnews.com.kh/News/Detail/74582/iphone-6-has-price-more-than-47000-usd-in-venezuela"><span style="color: #3366ff;"><em>អាន៖ អីក៏ថ្លៃម៉្លេះ! iPhone 6 ធម្មតានៅប្រទេស Venezuela លក់មួយគ្រឿងថ្លៃជាង 47,000 USD</em></span></a></p>
<p> </p>
<p style="text-align: right;">ប្រែសម្រួល៖ ករុណា<br /> ប្រភព៖ <em>PhoneArena, Zing</em></p>