<p><span style="color: #000000;"><strong>(ភ្នំពេញ)៖</strong> នារីវ័យក្មេងស្រស់សោភា២នាក់ ត្រូវក្រុមចោរ ប្រដាប់អាវុធស្លៀកពាក់ ឯកសណ្ឋានជាសមត្ថកិច្ច៣នាក់ ភ្ជង់ប្លន់យកម៉ូតូមួយគ្រឿង បានសម្រេច នៅម៉ោងជាង១២ រំលងអធ្រាត្រ ឈានចូលថ្ងៃទី១៦ ខែកុម្ភៈ ឆ្នាំ២០១៦ នៅក្រោមស្ពានអាកាស៥មករា ស្ថិតក្នុងសង្កាត់ផ្សារដេប៉ូ៣ ខណ្ឌទួលគោក។</span></p>
<p><span style="color: #000000;">ភ្នាក់ងារ Fresh News បានឲ្យដឹងថា ម៉ូតូដែលក្រុមចោរប្លន់យកទៅបាត់នោះ ម៉ាកហុងដា Scopy ពណ៌ស (ស្លាកលេខ មិនចាំច្បាស់)។ ចំណែកនារីជាជនរងគ្រោះមានឈ្មោះ ហេង ស្រីស្រស់ ភេទស្រី អាយុ២០ឆ្នាំ និងម្នាក់ទៀតឈ្មោះ ស្រស់ ទាំង២នាក់ ស្នាក់នៅក្នុងសង្កាត់ផ្សារដេប៉ូ២ ខណ្ឌទួលគោក។</span></p>
<p><span style="color: #000000;">ជនរងគ្រោះទាំង២នាក់ បានឲ្យដឹងថា មុនពេលកើតហេតុរូបគេទាំង២នាក់ បានជិះម៉ូតូមួយគ្រឿង មកពីកំសាន្តតាមមាត់ទន្លេ ហើយក៏មកជួបនឹងសង្សារ នៅរង្វល់មូលទួលគោក ក្រោយពីបាននិយាយគ្នាលេង ជាមួយមិត្តប្រុសរួច រូបគេបាននាំគ្នាជិះម៉ូតូចេញមកវិញ ដោយជិះកាត់តាមក្រោមស្ពានអាកាស៥មករា ហើយត្រូវបានជនសង្ស័យជិះម៉ូតូមួយគ្រឿង ម៉ាក Suzuki ស្មាស ពណ៌ក្រហម មិនចាំស្លាកលេខ ជិះគ្នា៣នាក់ បានមកកាត់មុខភ្ជង់កាំភ្លើងដាក់ រួចយកម៉ូតូទៅបាត់ដោយសុវត្ថិភាពតែម្តង។</span></p>
<p><span style="color: #000000;">ប្រភពដដែលបានបន្តថា ដោយមុនដំបូងរូបនាងគិតស្មានថា ជានគរបាលចេញល្បាតទេ ព្រោះមានទាំងខ្នោះ មានវិទ្យុទាក់ទង និងពាក់មួកដូចជាសមត្ថកិច្ចផងដែរ តែមិននឹកស្មានថា ជាក្រុមចោរប្លន់នោះឡើយ៕</span></p>
<div class="fb-video fb_iframe_widget fb_iframe_widget_fluid_desktop" style="width: 100%;" data-allowfullscreen="1" data-href="/214423065556870/videos/vb.214423065556870/230314153967761/?type=3"></div>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/t31.0-8/12695022_230313130634530_2656189949743574117_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/t31.0-8/883611_230313113967865_8850365479408142564_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/t31.0-8/12697311_230313067301203_3776115447637176499_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/t31.0-8/10293784_230313073967869_2327802687758763378_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/t31.0-8/12716313_230313070634536_2102180077512863645_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>