<p><span style="color: #000000;"><strong>(ចិន)៖</strong> នារីជនជាតិចិនម្នាក់ ពិតជាភ្ញាក់ផ្អើលណាស់ នៅពេលដែលនាងដឹងថា កំពុងស្ថិតនៅលើយន្តហោះមួយ ដែលធ្វើដំណើរពី Wuhan ទៅកាន់ Guangzhou តែម្នាក់ឯង ជាមួយនឹងជើងហោះហើរ របស់ក្រុមហ៊ុនអាកាសចរណ៍ China Southern ។</span></p>
<p><span style="color: #000000;">ហេតុការណ៍នេះកើតឡើង បន្ទាប់ពីកើតមាន ព្យុះបោកបក់ដ៏ខ្លាំងមួយ ក្នុងតំបន់បណ្តាលឲ្យជើងហោះហើរ លេខ CZ2833 ត្រូវពន្យារពេលប្រមាណ ១០ម៉ោង ហើយនារីវ័យក្មេងឈ្មោះ Zhang ដែលកំពុងស្ថិតនៅលើយន្តហោះ ដែលមានតែខ្លួនឯងម្នាក់ ជាអ្នកដំណើរនេះ ទទួលបានសេវាព្យាបាលខ្លួន លំដាប់ VIP ផងដែរ។ Zhang ចំណាយប្រាក់ត្រឹមតែ៧០០យន់ ប្រហែលនឹង $106 ដើម្បី ទិញសំបុត្រយន្តហោះ ធ្វើដំណើរហើយនាង ពិតជារីករាយណាស់ ដែលដឹងថាមានតែខ្លួនឯងម្នាក់ កំពុងជិះយន្តហោះ ធ្វើដំណើរប្រៀបដូចវាជាយន្តហោះឯកជនផ្ទាល់អ៊ីចឹង។</span></p>
<p><span style="color: #000000;">Zhang បានថតរូប selfie ខណៈពេលកំពុងធ្វើដំណើរ តាមយន្តហោះម្នាក់ឯង បង្ហោះលើប្រព័ន្ធអ៊ីនធឺណេត ហើយនាងនិយាយថា នេះបទពិ សោធន៍លើកទី១ហើយ ដែលនាងមានអារម្មណ៍ថា សប្បាយចិត្តបំផុត ព្រោះនាងគឺជាមនុស្សតែម្នាក់គត់ នៅពេលនេះដែលទទួលបានការបម្រើសេវា លើយន្តហោះជាពិសេស។ នេះជាលើកទី២ហើយដែល Zhang ក្លាយជាអ្នកដំណើរលើយន្តហោះតែម្នាក់ឯង បន្ទាប់ពីមានបុរសម្នាក់ក៏ធ្លាប់ ជាអ្នកដំណើរលើយន្តហោះមួយ នៅទីក្រុងញូវយ៉ក តែម្នាក់ឯងដែរ៕</span></p>
<p><a class="thickbox" title="" href="/FileManager/Commons/2016/2/5/07a-05-02-2016--10-40-01.jpg"><img src="/FileManager/Articles/mce/2016/2/5/07a-05-02-2016--10-40-01.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>