<p><span style="color: #000000;"><strong>(មេនឆេស្ទើ)៖</strong> អ្នកចាំទីដៃទី១ Claudio Bravo របស់ក្លឹប FC Barcelona បានធ្វើដំណើរមកដល់ទឹកដីនៃក្លឹប Manchester City របស់អង់គ្លេសហើយ និងត្រៀមចុះកិច្ចសន្យាឆាប់ៗខាងមុខនេះ ក្រោយពីពិនិត្យសុខភាពរួចរាល់។</span></p>
<p><span style="color: #000000;">សារព័ត៌មាន BBC បានចុះផ្សាយឲ្យដឹងថា កីឡាករជនជាតិឈីលី វ័យ៣៣ឆ្នាំខាងលើនេះបានធ្វើដំណើរមកទីក្រុង Manchester នៃចក្រភពអង់គ្លេសនាថ្ងៃអង្គារម្សិលមិញនេះ ដើម្បីធ្វើការពិនិត្យសុខភាព មុននឹងចុះកិច្ចសន្យាក្រោមការ ដឹកនាំរបស់គ្រូបង្វឹកថ្មី Pep Guardiola បន្ទាប់ពីចូលរួមលេងឲ្យក្លឹប Barcelona របស់អេស្ប៉ាញបាន ២ឆ្នាំ តាំងពីឆ្នាំ ២០១៤ មក ពីក្លឹបលេងក្នុង La Liga ដូចគ្នា Real Sociedad។</span></p>
<p><span style="color: #000000;">ការទិញកីឡាករ Bravo នេះដែរ គ្រូបង្វឹកជនជាតិអេស្ប៉ាញ Pep Guardiola ចង់ជំនួសកន្លែងអ្នកចាំទី Joe Hart ដែលត្រៀមនឹងលក់ចេញ ឬក៏ផ្ទេរជាលក្ខណៈខ្ចីជើងក្នុងរដូវកាលនេះ ក្រោយពីមើលឃើញថា កីឡាករវ័យ២៨ឆ្នាំ ជនជាតិអង់គ្លេសរូបនេះ (Joe Hart) មានទម្រង់លេងធ្លាក់ចុះ និងចាំទីអន់មែនទែនកាលលេងក្នុង Euro 2016 នៅ ប្រទេសបារាំង។</span></p>
<p><span style="color: #000000;">តែយ៉ាងណាមិញ Guardiola នឹងដាក់ Joe Hart ឲ្យកសាងស្នាដៃនារាត្រីនេះ ក្នុងវគ្គជម្រុះ Champions League ជើងទី២ ពេលជួបប្រកួតទល់នឹងក្រុម Steaua Bucharest មុននឹងធ្វើសេចក្តីសម្រេចចុងក្រោយនោះ៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/18112/production/_90887589_bravo_epa.jpg" alt="" width="730" /></span></p>
<p style="text-align: center;"><span style="color: #000000;">Bravo</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/11313/production/_90891407_bravo3.png" alt="" width="730" /></span></p>
<p><span style="color: #000000;"><img src="http://cdn.empireofthekop.com/wp-content/uploads/2016/08/hart.jpg" alt="" width="730" /></span></p>
<p style="text-align: center;"><span style="color: #000000;">Joe Hart</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>