<p><span style="color: #000000;"><strong>(ភ្នំពេញ)៖</strong> ពិតជាមិនគួរឲ្យជឿមែនថា ទ្រនំដ៏ល្បីនៅក្នុងប្រទេសមួយ បែរជាត្រូវបានតារាចម្រៀង ដើរចេញជាបន្តបន្ទាប់ ជាក់ស្ដែងក្រោយពីតារាចម្រៀង ឈិត សុវណ្ណបញ្ញា, អ្នកនាង យក់ ឋិតរដ្ឋា, អ្នកគ្រង់គ្រង គឺលោក អ៊ិន ទីតូ ដើរចេញពីហង្សមាស ហើយនោះ មកដល់ពេលនេះ គឺដល់វេនតារាចម្រៀងបែបស្រទន់ កញ្ញា សុន ស្រីពេជ្រ ម្ដងហើយ ដែលត្រូវដើរចេញ ពីហង្សមាស ដូចតារាខាងលើនោះដែរ។</span></p>
<p><span style="color: #000000;">មួយរយៈនេះ មហាជនបានសង្កេតឃើញថា តារាចម្រៀងល្បីៗ អ្នកដឹកនាំសម្ដែងដ៏ល្បីល្បាញ លោក អ៊ីន ទីតូ អ្នកនាង យក់ ឋិតរដ្ឋា កញ្ញា ឈិត សុវណ្ណបញ្ញា បាននាំគ្នាចាកចេញ ពីផលិតកម្មហង្សមាស ជាបន្តបន្ទាប់ ហើយក៏បានបង្អួតស្នាដៃថ្មី នៅផលិតកម្ម ថោន យ៉ាងព្រោងព្រាត ហើយពួកគេហាក់មានរំពឹងថា បានជោគជ័យច្រើន ក្នុងផលិតកម្មថ្មីជាងផលិតកម្មចាស់ ពិសេសបទចម្រៀងចូលឆ្នាំ ដែលប្រុងហ្នឹងចេញលក់ ក៏ហាក់ប្រកួតប្រជែងគ្នាយ៉ាងស្វិតស្វាញ។</span></p>
<p><span style="color: #000000;">ដោយឡែកតារាចម្រៀងស្រីដ៏អភ័ព្វ កញ្ញា សុន ស្រីពេជ្រ ឯណោះវិញ មិនត្រឹមតែគ្មានការងារថ្មី ក្នុងផលិតកម្មចាស់ទេ តែនាងបែរជាលាឈប់ ពីផលិតកម្មហង្សមាសហើយ ព្រោះរូបថតតារាចម្រៀង ក្នុងផលិតកម្ម ត្រូវបានចេញជាផ្លូវការកាលពីប៉ុន្មានម៉ោងមុន។ ក្នុងរូបភាពថ្មី តារាចម្រៀងទាំងអស់ ដែលស្ថិតក្នុងផលិតកម្ម មានវត្តមានទាំងអស់ ប៉ុន្តែគ្មានរូបថត សុន ស្រីពេជ្រ នោះទេ។ នេះបញ្ជាក់ថា នាងបានចាកចេញពីផលិតមួយនេះទៅហើយ ខណៈដែលគេដឹងថា នាងចូលសិល្បៈដំបូង គឺជ្រកកោនក្នុងផលិតកម្មនេះតែម្ដង។</span></p>
<p><span style="color: #000000;">យ៉ាងណាមិញ រយៈពេលបីឆ្នាំមកហើយ សុន ស្រីពេជ្រ គ្មានបទចម្រៀងថ្មីចេញលក់លើទីផ្សារនោះទេ ក្រៅពីបទចូលឆ្នាំខ្មែរ ហើយមិនមែនជាបទចម្រៀងផ្ទុះនោះទេ ទើបធ្វើឲ្យនាងអាក់អន់ចិត្ត ហើយដើរចេញទាំងមិនស្ដាយស្រណោះ។ ម្យ៉ាងការដើរចេញរបស់តារាផ្សេង ទើបធ្វើឲ្យនាងគិតថា នាងក៏មិនគួរនៅយកប្រាក់ខែ មិនដល់២០០ដុល្លារពីហង្សមាសតទៅទៀតទេ។</span></p>
<p><span style="color: #000000;">តារាចម្រៀង សុន ស្រីពេជ្រ ត្រូវបានគេមើលឃើញថា រយៈកាលប៉ុន្មានខែចុងក្រោយនេះ មិនត្រឹមតែស៊យខ្លាំងទេ ក្នុងឆ្នាំនេះ នាងហាក់យីអ៊ុនដាក់អារក្សជាន់ខ្លាំងមែនទែន ព្រោះឪពុករបស់នាង លោកតា សង់ស៊ីស ធ្លាក់ខ្លួនឈឺ រហូតមិនអាចទាន់និយាយបាននៅឡើយ ថែមទាំងគូដណ្ដឹងផ្ដាច់ពាក្យ ទាំងពាក់កណ្ដាលទី ឥឡូវនេះ នាងដើរចេញពីហង្សមាសទៀត។ សរុបមកនាងហាក់រងរឿង ស៊យផ្ទួនៗតែម្ដងក្នុងឆ្នាំនេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/2/1-02-03-2017--10-35-15.png"><img src="/FileManager/Articles/mce/2017/3/2/1-02-03-2017--10-35-15.png" alt="" /></a><br /></span></p>
<p><span style="color: #000000;"><img class="aLF-aPX-J1-J3 aLF-aPX-aLK-ayr-auR" title="" src="https://mail.google.com/mail/u/0/?ui=2&ik=0b0cdd0f1e&view=fimg&th=15a89547376738b1&attid=0.0&disp=inline&safe=1&attbid=ANGjdJ_6uY79QkxDj7DkSqijWLbryNAIRkfFcakdVuddIDsgGinCgglmWEzM6q4xYx8JJnm37Ju9wWYyg7Ktj5-qIFcVaxmcwMyIPq5u7Z0dItJ1SeslCGhg1-t2OeE&ats=1488382603287&rm=15a89547376738b1&zw&sz=w1365-h610" alt="Displaying image1.jpeg" width="715" height="952" /><img class="aLF-aPX-J1-J3 aLF-aPX-aLK-ayr-auR" title="" src="https://mail.google.com/mail/u/0/?ui=2&ik=0b0cdd0f1e&view=fimg&th=15a89547376738b1&attid=0.1&disp=inline&safe=1&attbid=ANGjdJ-GJ7GHo8gXduIDw6kWO7bMT_rXoeMqrk-iRCZO6V6-kzN7gmWfSOubQDKXkAAF03_IHSfXDK_cha1LFMosgUSnDZe2NavKwj_VzgBI9gjCOv2L2Sll0_D-Vbc&ats=1488382603287&rm=15a89547376738b1&zw&sz=w1365-h610" alt="Displaying image2.jpeg" width="715" height="952" /><img class="aLF-aPX-J1-J3 aLF-aPX-aLK-ayr-auR" title="" src="https://mail.google.com/mail/u/0/?ui=2&ik=0b0cdd0f1e&view=fimg&th=15a89547376738b1&attid=0.4&disp=inline&safe=1&attbid=ANGjdJ8IB3ZDcshCIGkdVTyve--Pt0M2r2OVFYnJvW0tIiSzj1B2DKM4RpvCpcLMa7TTqLurFUu6STwlZhYUpRr6BQ6yfpCsYZKNula1s4t3vzKBOUYdinpXcFb3nUo&ats=1488382603288&rm=15a89547376738b1&zw&sz=w1365-h610" alt="Displaying image5.jpeg" /><img class="aLF-aPX-J1-J3 aLF-aPX-aLK-ayr-auR" title="" src="https://mail.google.com/mail/u/0/?ui=2&ik=0b0cdd0f1e&view=fimg&th=15a89547376738b1&attid=0.7&disp=inline&safe=1&attbid=ANGjdJ_KwfxtNfiybjnJVJGFiC4FwFoooxjEsJz_mCDA1yNDss1SWLvOYougkzYmZ1pGo-phdV_9PqOW8OP6HB9xuc7Ct1HKDRsZdM7bERfrBBepcD5xiiwu10z57QE&ats=1488382603288&rm=15a89547376738b1&zw&sz=w1365-h610" alt="Displaying image8.jpeg" width="739" height="984" /><img class="aLF-aPX-J1-J3 aLF-aPX-aLK-ayr-auR" title="" src="https://mail.google.com/mail/u/0/?ui=2&ik=0b0cdd0f1e&view=fimg&th=15a89547376738b1&attid=0.10&disp=inline&safe=1&attbid=ANGjdJ8T5zFA3mcH5_3GYiQ3ZxIYpyVrvRL_n1bhJ4nacGOK0Mk-xMw8x7kB9ccg3coGDrMxZ22LO4lXmuTrSHnmVV-pv7m1USR-7WS8oRFajQZ8IgY0khMCXBR742s&ats=1488382603289&rm=15a89547376738b1&zw&sz=w1365-h610" alt="Displaying image11.png" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>