<p><strong>សៀមរាប :</strong> ក្នុងព្រឹត្តិការណ៍ «អង្គរសង្រ្កាន្ដ» លើកទីពីរ ដើម្បីអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមីឆស័ក ព.ស ២៥៥៨ នៅតំបន់អង្គរ ក្រុងសៀមរាប ឆ្នាំនេះ ល្បែងចត្រង្គ ឬ ល្បែងអុក ក៏បានមកចូលរួមប្រកួតប្រជែញ ជាប្រវត្តិសាស្រ្ត ផងដែរ ។<span style="line-height: 1.8;">ដែលមានកីឡាករ មកពី ១៦ខេត្ត រាជធានី ហើយនៅក្នុងការប្រកួតផ្ដាច់ព្រ័ត្រ រវាងលោក ឈៀវ បូរ៉ា មកពីខេត្តកោះកុង និងលោក គ្រួច ចន្ថារឹទ្ធ មកពីខេត្តស្វាយរៀង ជាលទ្ធផលត្រូវបានទៅលោក ឈៀវ បូរ៉ា ក្នុងជ័យលាភីស្ដេចអុកចត្រង្គ នាឱកាសនេះ។</span></p>
<p>សម្រាប់ជ័យលាភី នៃការប្រកួតក្នុងព្រឹត្តិការណ៍នេះ គឺ ជ័យលាភីលេខ១ បានទៅលោក ឈៀវ បូរ៉ា អាយុ ២៤ឆ្នាំ មកពីខេត្តកោះកុង ហើយលោកមានមុខរបរជា ស្ថាបក្យករ មិនធ្លាប់បានចូលប្រកួតទេ កាលពីពេលកន្លងទៅ ។ លេខ២ បានទៅលោក គ្រួច ចន្ថារឹទ្ធ អាយុ ៤៧ឆ្នាំ មកពីខេត្តស្វាយរៀង ធ្លាប់ប្រកួតជាប់លេខ១ កាលពី ឆ្នាំ២០០១ និងជាប់លេខ២ កាលពីឆ្នាំ២០០៨ ។ លេខ៣ បានទៅលោក សួ សំភី អាយុ ៣៤ឆ្នាំ មកពីរាជធានី ភ្នំពេញ ធ្លាប់ប្រកួតនៅឆ្នាំ២០១០ ធ្លាក់ពីជ័យលាភី ជាមន្ដ្រីសាលាខ័ណ្ឌ ពោធិ៍សែនជ័យ ។ លេខ៤ បានទៅ លោក កែវ វឌ្ឍនា អាយុ ២៦ឆ្នាំ មកពីរាជធានីភ្នំពេញ មិនធ្លាប់ចូលប្រកួត មុខរបរជា បុគ្គលិក កំពង់ផែស្វ័យត្យ ភ្នំពេញ ។</p>
<p>ហើយសម្រាប់ជ័យលាភីលេខ១ បានទទួលប្រាក់រង្វាន់៣ពាន់ដុល្លារ និងលេខ២បានទទួល ២ពាន់ដុល្លារ ដែល ជាប្រាក់ឧបត្ថម្ភលើកទឹកចិត្តដោយផ្ទាល់ពីសម្ដេចតេជោ ហ៊ុន សែន បានប្រគល់ជូន កីឡាករជ័យលាភី លេខ១ និងលេខ២ ។ ក្នុងនោះកីឡាករ ចំណាត់ថ្នាក់ជ័យលាភីលេខ១ និងលេខ២ ព្រមទាំងលេខ៣ និងលេខ៤ ក៏បាន ទទួលពាន់រង្វាន់ ប្រាក់រង្វាន់បន្ថែម ផងដែរ ពីគណៈកម្មការរៀបចំ និងពីអស់លោក លោកស្រី លោករដ្ឋមន្ត្រី លោកអភិបាលខេត្ត និងសប្បុរស់ជន ដែលជាអ្នកស្នេហាល្បែង ល្បែងចត្រង្គ ឬ ល្បែងអុក ។</p>
<p>សូមបញ្ជាក់ថា ល្បែងចត្រង្គ ឬ ល្បែងអុក គឺជា ល្បែងដែលខ្មែរមានទាំងពីបុរាណកាលមកម៉្លេះ សម្រាប់កងទ័ព លេងឲ្យមានប្រាជ្ញាវាងវៃ គោលក្នុងការប្រើឧបាយកលក្នុងចម្បាំង។ បានជាគេហៅថា ល្បែងអុក ដោយសារ ល្បែងនេះមានគោលដៅសម្លាប់ "ខុន" បើកូនចត្រង្គណាមួយដើរដល់ក្រឡា ដែលអាចស៊ី "ខុន"បាន គេតែង បន្លឺពាក្យថា "អុក" ។ ចំពោះពាក្យ "ចត្រង្គ" ក្លាយមកពីភាសាសំស្ក្រិត និងបាលី ថា "ចតុរង្គ" ប្រែថា "មាន អង្គបួន" ។ ហើយល្បែងនេះមានវិធីលេងដូចជាចម្បាំង ដែលមានសេនាកងទ័ពប្រកបដោយអង្គ ៤ គឺ កងទ័ពដំរី កងទ័ពសេះ កងទ័ពរថ និងកងទ័ពថ្មើរជើង ៕</p>
<p><a class="thickbox" title="" href="/FileManager/Commons/2014/4/18/10-18-04-2014--11-47-29.jpg"><img src="/FileManager/Articles/mce/2014/4/18/10-18-04-2014--11-47-29.jpg" alt="" /></a></p>
<p><a class="thickbox" title="" href="/FileManager/Commons/2014/4/18/11-18-04-2014--11-47-38.jpg"><img src="/FileManager/Articles/mce/2014/4/18/11-18-04-2014--11-47-38.jpg" alt="" /></a></p>
<p><a class="thickbox" title="" href="/FileManager/Commons/2014/4/18/12-18-04-2014--11-47-54.jpg"><img src="/FileManager/Articles/mce/2014/4/18/12-18-04-2014--11-47-54.jpg" alt="" /></a></p>
<p><a class="thickbox" title="" href="/FileManager/Commons/2014/4/18/13-18-04-2014--11-48-01.jpg"><img src="/FileManager/Articles/mce/2014/4/18/13-18-04-2014--11-48-01.jpg" alt="" /></a></p>
<p style="text-align: right;"><a href="http://lookingtoday.com/index.php/technology-business-news/29486-2014-04-18-04-24-53.html" target="_blank">ផ្តល់សិទ្ធដោយ ៖ ដើមអម្ពិល</a></p>