<p><span style="color: #000000;">ព័ត៌មានកីឡា៖ សន្និសិទ្ធការសែតតាមទូរស័ព្ទត្រូវបានរៀបចំឡើងដោយ កីឡាករល្បីជនជាតិ ហ្វីលីពីន ឈ្មោះ ប៉ាក់គឺអៅ ត្រូវបានរំសាយបិទជាប្រញាប់ ក្រោយមានការប្រតិកម្មពីលោក Bob Arum ជាមួយសំណួររបស់ប្រិយមិត្ដចោទសួរខុសគោលដៅកម្មវិធីទំាំងមូល។ </span></p>
<p><span style="color: #000000;">សន្និសិទ្ធការសែតតាមទូរស័ព្ទ ដែលស្ថិតក្រោមការរៀបចំរបស់លោក ប៉ាក់គីអៅ ត្រូវបានធ្វើឡើងកាលពីថ្ងៃច័ន្ទម្សិលមិញ ស្ដីពីព្រឹត្ដិការណ៍នៃការប្រកួតនៅថ្ងៃទី ២ ខែក្រោយនេះ ទើបតែដំណើរការបានប្រហែលជា ៥-៦ នាទីប៉ុណ្ណោះត្រូវបានលោក Bob Arum បញ្ជាឲ្យរំសាយចោលជាប្រញាប់ ខណៈដែលប្រិយមិត្ដម្នាក់ដំបូងគេបង្អស់បានចោទសួរសំណួរខុស គោលដៅកម្មវិធី ដែលរៀបចំ ។ មួយសំណួរដែល លោក Bob Arum គិតថាជាសំណូរចម្រូងចម្រាសនោះគឺលើកឡើងថា "តើការរៀបចំក្នុងក្លឹបហ្វឹកហាត់មុនការប្រកួតយ៉ាងម៉េចទៅហើយ? " ដែលសំណួរនេះ ផ្ទុយស្រឡះទៅនឹងគោលដៅតួនាទីរបស់វាគ្មិន តែបែជាបង្វែទិសដៅមកចំលោក Bob Arum ទៅវិញ។ ហើយមិនត្រឹមតែប៉ុណ្ណោះ សម្រាប់វាគ្មិនវិញ ក៏បានចេះតែឆ្លើយប្រាប់ទៅ វិញដែរថា "គ្រប់យ៉ាងគឺល្អខ្លាំងណាស់"។ </span></p>
<p><span style="color: #000000;">យោងតាមសម្ដីរបស់អ្នកនាំពាក្យម្នាក់ក្នុងកម្មវិធីនោះបានបង្ហាញឲ្យដឹងដែរថា កម្មវិធីសន្និសិទ្ធិការសែតតាមទូរស័ព្ទនេះ មានការចាប់អារម្មណ៍ច្រើនខ្លាំងណាស់ ពីសំណាក់ប្រិយមិត្ដគាំទ្រ ដោយជាក់ស្ដែងមានការខលចូលរួមជាច្រើន ប៉ុន្ដែ ប៉ាក់គីអៅ ចាប់ផ្ដើមទទួលប្រិយមិត្ដម្នាក់ដំបូងគឺលោក Michael Marleyដែលជាអ្នកការសែត របស់គេហទំព័រ Examiner.com ក៏ស្រាប់តែចោទសួរនូវសំណួរនេះឡើងមក ធ្វើឲ្យប្រតិកម្មដល់លោក Bob Arum ក៏បញ្ជាឲ្យ<span>រំសាយ</span>កម្មវិធីចោលទាំងស្រុង ។ ចំណែកប៉ាក់គីអៅ ក៏បានធ្វើការសូមអភ័យទោសសម្រាប់ការខកខានមិនបានទទួល ទូរស័ព្ទព្រោះតែមានបញ្ហានេះកើតឡើង ។ </span></p>
<p><span><span><span><a class="thickbox" title="" href="/FileManager/Commons/2015/4/21/4-21-2015-12-27-17-pm-21-04-2015--12-34-12.png"><img src="/FileManager/Articles/mce/2015/4/21/4-21-2015-12-27-17-pm-21-04-2015--12-34-12.png" alt="" /></a></span></span></span></p>
<p style="text-align: right;">ដោយ៖ អឿ អ៊ុយ</p>
<p style="text-align: right;">ប្រភព៖ ibtimes</p>