<p><span style="color: #000000;"><strong>ភ្នំពេញ៖</strong> តារាបង្ហាញម៉ូដ និងជាពិធីការិនីវ័យក្មេង រូបស្រស់ប្រៀបដូចជា បុប្ផាក្រពុំពេញលម្អង រំសាយភាយគន្ធពិដោរក្រអូបឈ្ងុយឈ្ងប់ ទៅដល់ហ្វូងកន្លង់កញ្ញាឌួង ហ្សូរីម៉ា ត្រូវបានគេមើលឃើញថា នាងកំពុងតែសំបូរ ទៅដោយមន្តស្នេហ៍ អន្ទងទាញបេះដូង និងអារម្មណ៍មនុស្សប្រុស ឲ្យឈ្លក់វង្វេងលង់ស្នេហ៍លើនាងមិនថា អ្នកនៅក្នុងស្រុក ឬក្រៅ ស្រុកឡើយ ។</span></p>
<p><span style="color: #000000;">ភាពជោគជ័យ នៅក្នុងអាជីពជាតារាបង្ហាញម៉ូដ និងធ្វើជាពិធីការិនី បូករួមជាមួយរូបស្រស់ផូរផង់ផងនោះ បច្ចុប្បន្នកញ្ញា ឌួង ហ្សូរីម៉ា ហាក់កំពុងតែត្រូវប៉ាន់គួរសម នៅក្នុងការរកចំណូល ពីទីផ្សារការងារសិល្បៈរបស់ខ្លួន។ មិនតែប៉ុ ណ្ណោះថ្មីៗ កន្លេងមកនេះ ឌួង ហ្សូរីម៉ា ក៏ទើបក្រសោបបាន ឱកាសចេញទៅគ្រងតំណែង ជាពិធីការិនីនៅទូរទស្សន៍ PPN ផងដែរ។</span></p>
<p><span style="color: #000000;">ស្របពេលដែលតារាស្រីរូបនេះ កំពុងតែឡើងកូដបណ្តើរ ស្រាប់ពេលនេះមា នដំណឹងថា ស្រីស្អាតសម្បុរស្រអែមកញ្ញា ឌួង ហ្សូរីម៉ា កំពុងតែមានភាពស្និទ្ធស្នាល ចម្លែកលើសពីមិត្តភាព ជាមួយនឹងតារាប្រុសវ័យ ក្មេងរូបសង្ហាម្នាក់។ ពួកគេតែងបណ្តើរគ្នា យ៉ាងត្រសង និងយ៉ាងស្អិតល្មួតទៀតផង ពេលដែលចេញទៅកំសាន្ត នៅខាងក្រៅ ព្រោះជារឿយៗ ពួកគេតែងដឹកដៃគ្នា យ៉ាងល្អូកល្អឺន ជាទីបំផុត ។</span></p>
<p><span style="color: #000000;">ប្រភពចេញពីរង្វង់ អ្នកធ្លាប់សិ្នទ្ធស្នាល ជាមួយតារារូបនេះ បាននិយាយថា កំលោះសង្ហាដែលកំពុង ជាប់ការសង្ស័យថា បានលួចលាក់ភ្ជាប់សម្ព័ន្ធភាព ស្នេហាជាមួយកញ្ញា ឌួង ហ្សូរីម៉ា នោះ គឺជាតារាសម្តែងនឹងម៉ូឌែលស្ថិត នៅក្នុងក្រុម បងស្រីរបស់នាង ព្រោះអ្នកទាំងពីរ បានចាប់ផ្តើមសាងចំណងស្នេហានេះ ជាង១ឆ្នាំមកហើយ តែរាល់លើកពេលអ្នក ទាំងពីរបណ្តើគ្នាម្តងៗ ពុំសូវមានការចាប់អារម្មណ៍ សង្ស័យនោះឡើយ ទើបតែរយៈពេលប៉ុន្មានខែ ចុងក្រោយនេះទើប គេដឹងថា ពួកគេស្រលាញ់គ្នា លក្ខណៈស្នេហា។</span></p>
<p><span style="color: #000000;">ប្រភពបានបញ្ជាក់ថា ជាប្រចាំឲ្យតែ ឌួង ហ្សូរីម៉ា ចេញទៅដើរកំសាន្ត និងចូលផ្សារទំនើបៗ គេតែងឃើញបុរសម្នាក់ នេះមកចាំទទួល បណ្តើរគ្នាយ៉ាងស្និទ្ធស្នាលបំផុត។ ទោះបីជាយ៉ាងណា ប្រភពមិនបានបញ្ជាក់ប្រាប់ ពីឈ្មោះ បុរសម្នាក់នោះទេ គឺគ្រាន់តែបង្ហើបថា បុរសគូស្នេហ៍របស់នាង គឺជាតារាសម្តែង និងបង្ហាញម៉ូដវ័យក្មេង កំពុងរះពន្លឺ ក្នុងសិល្បៈ។</span></p>
<p><span style="color: #000000;">ជុំវិញព័ត៌មានលេចឮខាងលើនេះ កាលពីរសៀលថ្ងៃទី១៤ ខែ សីហា ឆ្នាំ២០១៥នេះ LookingTODAY មិនទាន់អាចស្វែងរកការបកស្រាយ ពីតារាស្រីវ័យក្មេងកញ្ញា ឌួង ហ្សូរីម៉ា បានទេ។ គេហទំព័រ LookingTODAY និងព្យាយាមស្វែងការបំភ្លឺពីកញ្ញា ឌួង ហ្សូរីម៉ា ដោយផ្ទាល់មាត់ ដើម្បីឲ្យទស្សនិកជន បានដឹងច្បាស់ពីការពិត នៅពេលក្រោយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/16/10-16-08-2015--09-47-35.jpg"><img src="/FileManager/Articles/mce/2015/8/16/10-16-08-2015--09-47-35.jpg" alt="" /></a></span></p>
<p><a class="thickbox" title="" href="/FileManager/Commons/2015/8/16/11-16-08-2015--09-47-41.jpg"><img src="/FileManager/Articles/mce/2015/8/16/11-16-08-2015--09-47-41.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/16/10-16-08-2015--09-47-35.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>