<p><span style="color: #000000;"><strong>(ព្រះសីហនុ)៖</strong> កម្លាំងនគរបាលការិយាល័យកណ្តាលព្រហ្មទណ្ឌ សហការជាមួយកម្លាំងនគរបាលក្រុងព្រះសីហនុ នៅថ្ងៃទី២៧ ខែកុម្ភៈ ឆ្នាំ២០១៧នេះ បានឃាត់ខ្លួនជនសង្ស័យចំនួន ២នាក់ ក្រោយធ្វើសកម្មភាពប្លន់ ដោយប្រើកាំបិតចុងស្រួច ភ្ជង់ទៅលើនារីរងគ្រោះ ២នាក់ផ្សេងទៀត យកអស់ទូរស័ព្ទ លុយ និងរបស់របរមួយចំនួនទៀត ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី។</span></p>
<p><span style="color: #000000;">ស្នងការនគរបាលខេត្តព្រះសីហនុ លោកឧត្តមសេនីយ៍ ជួន ណារិន្ទ បានបញ្ជាក់ថា ជនសង្ស័យទាំង២នាក់បានធ្វើសកម្មភាពប្លន់ទៅលើពួកនាង កាលពីនៅថ្ងៃទី២៥ ខែកុម្ភៈ ឆ្នាំ២០១៧ កន្លងទៅ ស្ថិតនៅភូមិ៥ សង្កាត់លេខ៤ ក្រុងព្រះសីហនុ យកអស់ទូរស័ព្ទដៃម៉ាក IPhone5s ១គ្រឿង ទូរស័ព្ទដៃម៉ាក IPhone5 ១គ្រឿង ទូរស័ព្ទចុចពិល១គ្រឿង អត្តសញ្ញាណប័ណ្ណ១សន្លឹក លុយខ្មែរ ១៣០,០០០រៀល លុយដុល្លារ ២០ដុល្លា កាតធនាគារ១សន្លឹក កាបូបស្ពាយ១។</span></p>
<p><span style="color: #000000;">លោកឧត្តមសេនីយ៍ស្នងការ បានបន្តថា ជនសង្ស័យមានគ្នា២នាក់ ម្នាក់ឈ្មោះ គង់ កីឡាកាស អាយុ១៨ឆ្នាំ មានទីលំនៅភូមិ២ សង្កាត់លេខ២ ក្រុងព្រះសីហនុ ជាជនដៃដល់ និងឈ្មោះ ង៉ែត ឡែន អាយុ៣១ឆ្នាំ មានទីលំនៅជាមួយគ្នា។</span></p>
<p><span style="color: #000000;">ចំណែកជនរងគ្រោះមានគ្នា២នាក់ដែរម្នាក់ឈ្មោះ ខុំ ភាព អាយុ២៦ឆ្នាំ មានទីលំនៅក្រុម៤៧ ភូមិ៥ សង្កាត់លេខ៤ ក្រុងព្រះសីហនុ និងឈ្មោះ ហែម ស្រីមុំ អាយុ២៥ឆ្នាំ នៅជាមួយគ្នា។</span></p>
<p><span style="color: #000000;">វត្ថុតាងដែលដកហូតបានពីជនសង្ស័យ រួមមាន ដាវមុខរណាចុងស្រួច ១ដើម ម៉ូតូម៉ាក JUPITER ១គ្រឿង ទូរស័ព្ទដៃម៉ាក អាយហ្វូនហ្វាយអេស១គ្រឿង ទូរស័ព្ទដៃម៉ាក អាយហ្វូនហ្វាយ១គ្រឿង។</span></p>
<p><span style="color: #000000;">បច្ចុប្បន្ន ជនសង្ស័យ និងវត្ថុតាង ត្រូវបានកម្លាំងជំនាញកំពុងបន្តនីតិវិធី បញ្ជូនទៅសាលាដំបូងខេត្ត៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-02-27-21-40-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-27-21-40-24-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-27-21-40-24-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>