<p><span style="color: #000000;">ព័ត៌មានអន្តរជាតិ ៖ ក្រុមអ្នកគាំទ្រ រដ្ឋអ៊ីស្លាមជ្រុលនិយម ISIS កាលពីថ្ងៃអាទិត្យម្សិលមិញនេះ បានធ្វើ ការអំពាវនាវ ដល់បណ្តាអ្នកគាំទ្រឯទៀត រៀបផែនការសម្លាប់ ស្ថាបនិក និង បុគ្គលិកបណ្តាញ Twitter បន្ទាប់ពីក្រុមហ៊ុនបណ្តាញសង្គមមួយនេះ បានប្រើចំណាត់ការ បិទគណនី សមាជិក ជីហាតមួយចំនួន ដែលបានប្រើបណ្តាញរបស់ខ្លួន ក្នុងការចែករំលែកឃ្លីបវីដេអូ កាប់សម្លាប់ចំណាប់ខ្មាំងទាំងរស់មានជា ការកាត់ផ្តាច់ក្បាលជាដើម ។ </span></p>
<p><span style="color: #000000;">បន្ថែមពីលើនេះ សារព័ត៌មាន Buzzfeed News អោយដឹងថា ការបង្ហោះនៅតាមប្រព័ន្ធអនឡាញ ពីសំ ណាក់ក្រុមជីហាតមួយក្រុម អំពាវនាវដល់ក្រុមឯទៀត វាយប្រហារ គោលដៅ ស្ថាបនិក Twitter លោក Dorsey និងក្រុមបុគ្គលិកឯទៀត ថាគ្មានអោយនរណាម្នាក់ មានឱកាសរស់រានមានជីវិតនោះទេ ។ពាក់ ព័ន្ធនឹងការបង្ហោះសារឡើងនៅលើប្រព័ន្ធអនឡាញ គេឃើញមានការភ្ជាប់មកជាមួយនឹងសន្លឹករូបថត លោក Dorsey មានជាការតម្រង់បាញ់សម្លាប់ ចំកណ្តាលក្បាលតែម្តង ។ ពុំ ទាន់ជាក់ច្បាស់នៅឡើយ ទេ ថាតើ ប្រភពណាមួយជាអ្នកសរសេរ និងបង្ហោះសារព្រមាន នេះឡើងអោយពិតប្រាកដ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/3/2/82-02-03-2015--15-11-42.jpg"><img src="/FileManager/Articles/mce/2015/3/2/82-02-03-2015--15-11-42.jpg" alt="" /></a><br /></span></p>
<p><span style="color: #000000;">ជាក់ស្តែងណាស់ ការអំពាវនាវ អោយមានការចូលរួមគ្នា លើកផែនការសម្លាប់ ស្ថាបនិក Twitter លើក នេះ គឺបង្ហាញជាក់ស្តែង ជាមួយនឹងប្រតិកម្ម ក្រោយពីបណ្តាញសង្គម មួយនេះ បិទគណនីមួយចំនួន របស់សមាជិក ក្រុមឧទ្ទាន ។ </span></p>
<p><span style="color: #000000;">ការបង្ហោះផ្សាយ គម្រាមតាមប្រព័ន្ធអនឡាញនោះអោយដឹងថា ៖ ចំណាត់ ការរបស់អ្នក នឹងនាំមកនូវ ហានិភ័យ សង្គ្រាមស៊ីសាច់ហុតឈាម ទៅដល់ខ្លូនអ្នកច្បាស់ណាស់អ្នកបានចាប់ផ្តើមបរាជ័យសង្គ្រាម ឃោរឃៅមួយនេះបណ្តើរៗហើយ ។ ដូចដែលពួកយើងធ្លាប់បានប្រាប់ពីដើមរៀងមកហើយថា នេះមិន មែនជាការធ្វើសង្គ្រាមជាមួយអ្នកនោះទេ ប៉ុន្តែ មិនយល់ការ បែរជា បិទ គណនី ពួកយើងនៅលើទំព័រ Twitter ប៉ុន្តែ ពួកយើងតែបន្តមានវត្តមានដដែល តួយ៉ាងនៅពេលដែល ពួកយើងប្រើចំណាត់ការខ្លាំង និងផ្តាច់សង្ខាររបស់អ្នក នោះ អ្នកនឹងគ្មានឱកាសរស់រានមានជីវិតម្តងទៀតនោះទេ ។ </span></p>
<p><span style="color: #000000;">គួររំឮកថា ក្នុងរយៈពេល ប៉ុន្មានឆ្នាំចុងក្រោយនេះ ក្រុមសកម្មប្រយុទ្ធ បាន ប្រើ ប្រាស់បណ្តាញសង្គម ក្នុងការផ្សព្វផ្សាយ ពីសង្គ្រាមក្តៅរបស់ខ្លួន ខណៈការ វាយប្រហារចម្រុះ ដឹក នាំដោយអាមេរិក នោះ លើកឡើងអោយដឹងថា វត្តមានក្រុមសកម្មប្រយុទ្ធ នៅតាមប្រព័ន្ធអនឡាញ ត្រូវតែទប់ស្កាត់ ៕</span></p>
<p><span style="color: #0000ff;"><a href="/News/Detail/12357/cctv-shows-british-schoolgirls-at-istanbul-bus-station-on-way-to-syria" target="_blank"><span style="color: #0000ff;">- អាន ៖ យុវតី ៣ នាក់ ធ្វើដំណើរឆ្លងប្រទេស ទៅ "ការ" ប្តី ជាកំពូលអ្នកប្រយុទ្ធ ISIS ធ្វើអោយពិភពលោក តក់ស្លុត</span></a></span></p>
<p><span style="color: #0000ff;"><a href="/News/Detail/50863/jihadi-john-was-a-cold-loner-ex-is-fighter-says" target="_blank"><span style="color: #0000ff;">- អាន ៖ បែកធ្លាយ ចារិត ពិត ពិជឃាត ISIS សម្លាប់ កាត់ក្បាល មិនញញើតដៃ "ស្លូត សុភាព និង ស្រគត់ស្រគុំ"</span></a></span></p>
<p><a class="thickbox" title="" href="/FileManager/Commons/2015/3/2/81-02-03-2015--15-10-48.jpg"><img src="/FileManager/Articles/mce/2015/3/2/81-02-03-2015--15-10-48.jpg" alt="" /></a></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>