<div class="article-content">
<p><strong>បន្ទាយមានជ័យ ៖</strong> ក្មេងស្ទាវ ៣នាក់ ត្រូវកម្លាំង អ ហ ក្រុងប៉ោយប៉ែត ឃាត់ខ្លួនញាត់ទ្រុង កាល<br />ពីយប់ថ្ងៃទី១០ ខែមិថុនា ឆ្នាំ ២០១៣ នៅចំណុចផ្លូវទៅវត្តថ្មី ម្តុំស្តង់កាប់ជ្រូក ក្នុងភូមិបាលិលេយ្យ១<br /> សង្កាត់ប៉ោយប៉ែត ខេត្ត បន្ទាយមានជ័យ ក្រោយពីធ្វើសកម្មភាព ដេញកាប់ភាគីជម្លោះរបស់ខ្លួន <br />ឲ្យរបួស ព្រោះរឿងប្រចាន់ខឹងគេ ញ៉ែមិត្ត ស្រីរបស់ខ្លួន។</p>
<p>លោក ហម ម៉ុត បានឲ្យដឹងនៅថ្ងៃទី១១ ខែមិថុនា ឆ្នាំ ២០១៣នេះថា ជនសង្ស័យ ទី១ ឈ្មោះ ឡេង<br /> ប៊ុនធឿន ហៅអាតយ ភេទប្រុស អាយុ ២០ ឆ្នាំ ទី២ ឈ្មោះ ម៉េង ខេម ភេទប្រុស អាយុ ១៨ ឆ្នាំ ជា<br />ជនដៃដល់ និងទី៣ ឈ្មោះ ប៊ុន ពៅ ភេទប្រុស អាយុ ២១ ឆ្នាំ ពួកគេទាំងនេះរស់នៅក្រុងប៉ោយប៉ែត<br /> មានមុខរបរ មិនពិតប្រាកដ។ ក្រៅពីនេះដកហូតបាន កាំបិតផ្គាក់១ ។</p>
<p>លោក ហម ម៉ុត បានបន្តថា ការឃាត់ខ្លួនជនសង្ស័យ ត្រូវបានធ្វើឡើង កាលពីវេលាម៉ោង១១ យប់ <br />ថ្ងៃទី១០ ខែ មិថុនា ឆ្នាំ ២០១៣ ក្រោយពីទទួលបានពាក្យបណ្តឹង ពីពលរដ្ឋរងគ្រោះម្នាក់ ឈ្មោះ លឹម<br /> សោភ័ណ ភេទប្រុស អាយុ ២៦ ឆ្នាំ រស់នៅភូមិមិត្តភាព សង្កាត់ប៉ោយប៉ែត រងរបួសខ្នងត្រង់បោះដៃ<br />ផុត រយះធ្ងន់ធ្ងរ ដោយគាត់បានអះ អាងថា មានជនសង្ស័យទាំង ៣ នាក់ ដេញកាប់ប៉ងសម្លាប់គាត់<br /> ខណៈដែលកំពុងរត់ម៉ូតូឌុប ។</p>
<p>តាមចម្លើយសារភាព របស់ជនសង្ស័យទាំង ៣ នាក់ បានឲ្យដឹងថា មុនពេលកើតហេតុឈ្មោះ ឡេង<br /> ប៊ុនធឿន ស្រវឹងស្រា ខឹងគេញ៉ែមិត្តស្រីរបស់ខ្លួនម្នាក់ នៅចំណុចបរិវេណកាស៊ីណូ ក្រោយមកបាន<br />រត់ទៅហៅបក្ខពួក របស់ ខ្លួនមកដេញកាប់ជនរងគ្រោះម្នាក់ នៅចំណុចផ្លូវទៅវត្តថ្មី តែត្រូវបុរសមិន<br />ស្គាល់ឈ្មោះបានលោតចុះពីម៉ូតូឌុបរួចរត់គេចខ្លួនបាត់ ពួកគេក៏ដេញកាប់ទាំងអ្នកម៉ូតូឌុប បណ្តាល<br />ឲ្យជនរងគ្រោះរបួសធ្ងន់ធ្ងរ ។</p>
<p>ក្រោយសួរនាំជនសង្ស័យទាំង ៣ នាក់ រួមជាមួយវត្ថុតាង ត្រូវបានបញ្ជូនទៅទីបញ្ជាការដ្ឋាន អ ហ<br /> ខេត្តបន្ទាយមាន ជ័យ ដើម្បីឲ្យការិយាល័យជំនាញ កសាងសំណុំរឿង បញ្ជូនទៅតុលាការចាត់ការ<br />តាមច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0306.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0307.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0308.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>