<p><span style="color: #000000;"><strong>(ភ្នំពេញ)៖</strong> លោក ឃួង ស្រេង អភិបាលរងរាជធានីភ្នំពេញ បានបញ្ជាក់ប្រាប់អង្គភាព Fresh News នៅមុននេះបន្តិចថា នៅរសៀលម៉ោង៣៖០០នាទី ថ្ងៃទី១៥ ខែកក្កដា ឆ្នាំ២០១៦នេះ សាលារាជធានីភ្នំពេញ នឹងដឹកនាំកិច្ចប្រជុំមួយដើម្បីពិភាក្សាលើសំណើគ្រួសារសពលោក កែម ឡី ដែលបានស្នើឲ្យជួយសម្រូល និង រក្សាសណ្តាប់ធ្នាប់ពេល ដង្ហែសពទៅខេត្តតាកែវ។ តាមការគ្រោងទុកការដង្ហែសព លោក កែម ឡី នឹងធ្វើឡើង នៅវេលាម៉ោង ៧៖០០នាទីព្រឹក ថ្ងៃទី១៧ ខែកក្កដា ឆ្នាំ២០១៦។</span></p>
<p><span style="color: #000000;">លោក ឃួង ស្រេង អភិបាលរងរាជធានីភ្នំពេញ បានបញ្ជាក់ថា<strong> «នៅម៉ោង៣រសៀលនេះ ខ្ញុំនឹងដឹកនាំកិច្ចប្រជុំមួយ ពិភាក្សាលើសំណើក្រុមគ្រួសារសព លោក កែមឡី ឲ្យសាលារាជធានីជួយសម្រូល ការធ្វើដំណើរ និង រក្សាសណ្តាប់ធ្នាប់ពេល ដង្ហែសពទៅខេត្តតាកែវ។ គ្រួសារសពបញ្ជាក់ថា ចង់ឲ្យសាលារាជធានីជួយសម្រូល ពីព្រោះខ្លាច ពេលដង្ហែមានបញ្ហាអីកើតឡើង ដោយមិនដឹងជាមុន»</strong>។</span></p>
<p><span style="color: #000000;">លោក ឃួង ស្រេង អភិបាលរងរាជធានីភ្នំពេញ រៀបចំដឹកនាំកិច្ចប្រជុំនេះ ក្រោយពីទទួលបានលិខិតស្នើសុំពីក្រុមគ្រួសារសព លោក កែម ឡី ស្នើឲ្យឲ្យជួយសម្រូល និង រក្សាសណ្តាប់ធ្នាប់ពេលដង្ហែសព ទៅខេត្តតាកែវ នាថ្ងៃទី១៧ ខែកក្កដា ឆ្នាំ២០១៦។ លិខិតខាងលើនេះ សាលារាជធានីភ្នំពេញ បានទទួលរួចរាល់ហើយ។</span></p>
<p><span style="color: #000000;">គួរបញ្ជាក់ថា សពលោក បណ្ឌិត កែម ឡី នឹងដង្ហែរទៅកាន់ខេត្តតាកែវ នៅថ្ងៃអាទិត្យទី១៧ ខែកក្កដា ឆ្នាំ២០១៦ ដោយមានក្បួនរថយន្ត និងថ្មើរជើង តាមផ្លូវសំខាន់ៗមួយចំនួន។ យ៉ាងណាក៏ដោយ គ្រួសារលោក កែម ឡី នៅមិនទាន់ច្បាស់ថា នឹងបញ្ចុះថ្ងៃណាឡើយ។ ប៉ុន្តែអ្នកគាំទ្រលោក កែម ឡី នៅតែទទូចស្នើសុំឲ្យគ្រួសារសព បន្តរក្សាសាកសព លោក កែម ឡី ទៀត ដើម្បីឲ្យបងប្អូនប្រជាពលរដ្ឋ អាចមកអុកធូប និងគោរពវិញ្ញាណក្ខន្ធបានក្នុងរយៈពេលយូរទៀត៕</span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xlt1/t31.0-8/13738248_1715323832062491_8410003836593969924_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlf1/t31.0-8/13690931_1715323818729159_7755750910208979636_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xlf1/t31.0-8/13710588_1715323465395861_472827952555638645_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpt1/v/t1.0-9/13654147_1715333628728178_299862154904613314_n.jpg?oh=acb4cc3ee04a2ba7e2d4eb9457dabbf1&oe=57F5632F&__gda__=1475931179_93d8a3cf590ee02a7ae7f2165bc9ed22" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13726749_1715332638728277_4931029647144933613_n.jpg?oh=78b53d389e2aebebf099493bc84da2f7&oe=582EF33D" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xtl1/t31.0-8/13719614_1715392768722264_1235417506198690007_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>