<p><strong>"ដាប់ប៊ែលយូប៊ី ហ្វាយនែន និង លី ហួរ ផេប្រ៉ូ ចុះអនុស្សរណៈយោគយល់</strong><strong style="font-size: 12px;">នៃការសហការគ្នាជាផ្លូវការ លើសេវាហិរញ្ញវត្ថុទូទាត់កម្ចីសម្រាប់អតិថិជន"</strong></p>
<p><br /><span style="color: #000000;">រាជធានីភ្នំពេញថ្ងៃទី ០៣ ខែសីហា ឆ្នាំ២០២០ - <strong>ដាប់ប៊ែលយូប៊ី ហ្វាយនែន</strong> ដែលជាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើឈានមុខគេមួយនៅកម្ពុជា និង<strong>ក្រុមហ៊ុន លី ហួរ ផេប្រ៉ូ</strong> (លី ហួរ វេរលុយ) ដែលជាក្រុមហ៊ុនផ្តល់សេវាទូទាត់ប្រាក់ដ៏ធំមួយនៅកម្ពុជា បានចុះហត្ថលេខាលើអនុស្សរណៈយោគយល់ នៃការសហការគ្នាជាផ្លូវការ ដែលអនុញ្ញាតឱ្យអតិថិជនទាំងអស់របស់ ដាប់ប៊ែលយូប៊ី ហ្វាយនែន ទូទាត់ប្រាក់កម្ចីប្រកបដោយភាពងាយស្រួលតាម រយៈភ្នាក់ងារ លី ហួរ វេរលុយ ទូទាំងប្រទេស ដោយមិនគិតកម្រៃសេវា។</span></p>
<p><span style="color: #000000;"><a class="thickbox" title="" href="/FileManager/Commons/2020/8/3/img8351-03-08-2020--16-59-11.jpg"><img src="/FileManager/Articles/mce/2020/8/3/img8351-03-08-2020--16-59-11.jpg" alt="" /></a><br /></span></p>
<p> <strong style="color: #000000; font-size: 12px;"><em>លោក គីម ស៊ុន</em></strong><strong style="color: #000000; font-size: 12px;"><em>ឃ្យូ</em></strong><em style="color: #000000; font-size: 12px;"> </em><em style="color: #000000; font-size: 12px;">អគ្គនាយកប្រតិបត្តិ </em><em style="color: #000000; font-size: 12px;">ដាប់ប៊ែលយូប៊ី ហ្វាយនែន បានមានប្រសាសន៍ថា </em><em style="color: #000000; font-size: 12px;">“</em><em style="color: #000000; font-size: 12px;">ដាប់ប៊ែលយូប៊ី ហ្វាយនែន</em><em style="color: #000000; font-size: 12px;"> </em><em style="color: #000000; font-size: 12px;">ប្តេជ្ញាអភិវឌ្ឍន៍សេវាហិរញ្ញវត្ថុឱ្យកាន់តែមានភាពងាយស្រួលបន្ថែមទៀតសម្រាប់អតិថិជន តាមរយៈការផ្តល់នូវជម្រើសសម្បូរបែបក្នុងការធ្វើប្រតិបត្តិការហិរញ្ញវត្ថុ និងដើម្បីបំពេញតម្រូវការរបស់អតិថិជនបានកាន់តែប្រសើរ។ ភាពជាដៃគូនេះបានពង្រឹង និងពង្រីកបណ្តាញទូទាត់ប្រាក់កម្ចីឱ្យកាន់តែមានភាពងាយស្រួល និងមានសុវត្ថិភាពសម្រាប់អតិថិជនរបស់</em><em style="color: #000000; font-size: 12px;">ដាប់ប៊ែលយូប៊ី ហ្វាយនែន</em><em style="color: #000000; font-size: 12px;"> </em><em style="color: #000000; font-size: 12px;">ក្រៅពីការទូទាត់ប្រាក់កម្ចី តាមរយៈបណ្តាយសាខាទាំង ១៣៦ ទូទាំងប្រទេស </em><em style="color: #000000; font-size: 12px;">សេវា</em><em style="color: #000000; font-size: 12px;">ធនាគារចល័ត និងភាគីដៃគូដទៃទៀត។ យើងកំពុងរង់ចាំការចាប់ផ្តើមធ្វើ ប្រតិបត្តិការសេវាហិរញ្ញវត្ថុ ជាមួយ </em><em style="color: #000000; font-size: 12px;">លី ហួរ វេរលុយ</em><em style="color: #000000; font-size: 12px;"> ដែលនេះជាការផ្តល់នូវសេវាហិរញ្ញវត្ថុដ៏ប្រសើរមួយដល់អតិថិជនរបស់យើង។ យើងនឹងបន្តចាប់ដៃគូលើកិច្ចសហប្រតិបត្តិការសេវាហិរញ្ញវត្ថុថ្មីៗបន្ថែមទៀតនាពេលខាង មុខ។</em><em style="color: #000000; font-size: 12px;">”</em></p>
<p> <a class="thickbox" title="" href="/FileManager/Commons/2020/8/3/img8327-03-08-2020--16-57-48.jpg"><img src="/FileManager/Articles/mce/2020/8/3/img8327-03-08-2020--16-57-48.jpg" alt="" /></a></p>
<p><span style="color: #000000;"><em>ដោយឡែក <strong>លោក ឧកញ្ញ៉ា លី សុភាព</strong> ប្រធានក្រុមប្រឹក្សាភិបាលក្រុមហ៊ុន លី ហួរ វេរលុយ និងជាអនុប្រធានក្រុមហ៊ុន លីហួរគ្រុប មានប្រសាសន៍ថា </em><em>“</em><em>លី ហួរ វេរលុយ</em><em> គឺជាក្រុមហ៊ុនផ្ទេរប្រាក់ដ៏ធំមួយនៅកម្ពុជា ដែលត្រូវបានបង្កើតឡើង នៅថ្ងៃទី២០ ខែមករា ឆ្នាំ២០១៦ ដោយឈរលើចក្ខុវិស័យ ច្បាស់លាស់ និងរឹងមាំ ដើម្បីជួយលើកកម្ពស់ជីវភាពប្រជាជនកម្ពុជា តាមរយៈការផ្តល់សេវាហិរញ្ញវត្ថុក្រៅប្រព័ន្ធធនាគារ មានដូចជា សេវាផ្ទេរប្រាក់ ដាក់ប្រាក់ ដកប្រាក់ បង់ទឹក បង់ភ្លើង សំរាម បសស បញ្ចូលទឹកប្រាក់ក្នុងទូរសព្ទ ទូទាត់វិក្កយបត្រ</em><em> សេវាបើកប្រាក់បៀវត្ស និងសេវាទូទាត់ជាច្រើនទៀត ជាមួយកម្រៃសេវាសមរម្យ ។ លីហួរ វេរលុយ មានបំណងពង្រីកភ្នាក់ងារឱ្យបានចំនួន ១០.០០០ ទីតាំងនៅទូទាំងប្រទេសក្នុងឆ្នាំ២០២១។ លើសពីនេះ យើងមានគម្រោងដាក់ឱ្យដំណើរការកម្មវិធី លី ហួរ ផេ (APP) ដើម្បីឱ្យអតិថិជន និងអ្នកប្រើប្រាស់ដទៃទៀតមានជម្រើសសម្បូរបែប និងមានភាពងាយស្រួលក្នុងកាប្រើប្រាស់សេវារបស់យើង តាមរយៈទូរសព្ទដៃផ្ទាល់ខ្លួន។ យោងតាមចក្ខុវិស័យ និងបេសកម្មនេះ យើងជឿជាក់ថា លី ហួរ ផេប្រ៉ូ និងដាប់ប៊ែលយូប៊ី ហ្វាយនែន នឹងសហការគ្នាលើផ្នែកដទៃទៀតនៃសេវាហិរញ្ញវត្ថុដែលខ្លួនមាន ក្នុងន័យជួយសន្សំសំចៃ និងផ្តល់ភាពងាយស្រួលជូនអតិថិជន។</em></span></p>
<p><span style="color: #000000;"><em><br /><a class="thickbox" title="" href="/FileManager/Commons/2020/8/3/img8331-03-08-2020--16-58-05.jpg"><img src="/FileManager/Articles/mce/2020/8/3/img8331-03-08-2020--16-58-05.jpg" alt="" /></a><br /></em></span></p>
<p><span style="color: #000000;">ដើម្បីអបអរសាទរ ការចាប់ផ្តើមកិច្ចសហប្រតិបត្តិការភាពជាដៃគូនេះ អតិថិជនរបស់ដាប់ប៊ែលយូប៊ី ហ្វាយនែន ដែលធ្វើការទូទាត់ប្រាក់កម្ចីតាមរយៈភ្នាក់ងារលី ហួរ វេរលុយ នឹងមានឱកាសឈ្នះរង្វាន់ទូរសព្ទស្មាតហ្វូនជាច្រើនគ្រឿង រយៈពេលបីខែ ចាប់ពីខែសីហា រហូតដល់ ខែតុលា ឆ្នាំ ២០២០។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/8/3/img8339-03-08-2020--16-58-25.jpg"><img src="/FileManager/Articles/mce/2020/8/3/img8339-03-08-2020--16-58-25.jpg" alt="" /></a><br /></span></p>
<p><span style="color: #000000;"><strong> </strong><strong></strong></span></p>
<p><span style="color: #000000;"><strong> </strong></span><strong style="color: #000000; font-size: 12px;">អំពី </strong><strong style="color: #000000; font-size: 12px;">ដាប់ប៊ែលយូប៊ី ហ្វាយនែន</strong></p>
<p><span style="color: #000000;">គ្រឹះស្ថានមីក្រូហិរញ្ញវត្ថុ ដាប់ប៊ែលយូប៊ី ហ្វាយនែន ជាគ្រឹះស្ថានទទួលបានអាជ្ញាប័ណ្ណទទួលប្រាក់បញ្ញើ ដែលកំពុងប្រតិបត្តិការនៅ ២៥ ខេត្ត ក្រុង តាមរយៈ ១៣៦ សាខាទូទាំងប្រទេស។ ដាប់ប៊ែលយូប៊ី ហ្វាយនែន គឺជាសមាជិកគ្រួសាររបស់ ធនាគារ អ៊ូរី ដែលជាធនាគារឈានមុខគេមួយនៅប្រទេសកូរ៉េខាងត្បូង។ ដាប់ប៊ែលយូប៊ី ហ្វាយនែន បាននឹងកំពុងបម្រើសេវាហិរញ្ញវត្ថុដល់ប្រជាជនកម្ពុជាជាង 20 ឆ្នាំ មកហើយ ជាមួយនឹងការផ្តល់ជូនផលិតផល និងសេវាហិរញ្ញវត្ថុដ៏សម្បូរបែប រួមមាន ប្រាក់កម្ចី ប្រាក់បញ្ញើសន្សំ សេវាផ្ទេរប្រាក់ សេវាធនាគារចល័ត សេវាទូទាត់វិក្កយបត្រ និងសេវាអេធីអឹម។ គិតត្រឹមខែមិថុនា ឆ្នាំ២០២០ ដាប់ប៊ែលយូប៊ី ហ្វាយនែន មានទ្រព្យសកម្មសរុបមានចំនួន ៦១២.៩៨ លានដុល្លារអាមេរិក និងផលប័ត្រឥណទានសរុបចំនួន ៥០៦.៣១ លានដុល្លារ អាមេរិក។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/8/3/img8340-03-08-2020--16-58-52.jpg"><img src="/FileManager/Articles/mce/2020/8/3/img8340-03-08-2020--16-58-52.jpg" alt="" /></a><br /></span></p>
<p> <strong style="color: #000000; font-size: 12px;">អំពី </strong><strong style="color: #000000; font-size: 12px;">លី ហួរ ផេប្រ៉ូ</strong></p>
<p><span style="color: #000000;">ក្រុមហ៊ុន លី ហួរ ផេប្រ៉ូ<strong> </strong>ជាក្រុមហ៊ុនបុត្រសម្ព័ន្ធរបស់ក្រុមហ៊ុន លី ហួរ គ្រុប ដែលមានលោក <strong>ឧកញ៉ា លី ហួរ</strong> ជាប្រធាន។ នៅឆ្នាំ ២០១៥ លោកបានទទួលពានរង្វាន់អន្តរជាតិ “ISQ” ស្តីពីភាពជាអ្នកដឹកនាំ និងគុណភាព អន្តរជាតិ ពីទីក្រុងហ្សឺណែវ ប្រទេសស្វីស និងពានរង្វាន់ “សហគ្រាសឆ្នើម” ពីចក្រភពអង់គ្លេស។ ក្រុមហ៊ុន លី ហួរ ផេប្រ៉ូ<strong> </strong>ក្រោមនិមិត្តសញ្ញាពាណិជ្ជកម្ម “លី ហួរ វេរលុយ” ទទួលបានអាជ្ញាប័ណ្ណពីធនាគារជាតិនៃកម្ពុជាលេខ ២០-០១-១៦ ចុះថ្ងៃទី២០ ខែមករា ឆ្នាំ២០១៦ ដើម្បីផ្តល់សេវាផ្ទេរប្រាក់ ដាក់ប្រាក់ ដកប្រាក់ សេវាបើកប្រាក់បៀវត្ស សេវាទូទាត់វិក្កយបត្រ និងសេវាទូទាត់ជាច្រើនផ្សេងទៀត។ លី ហួរ វេរលុយ គឺជាក្រុមហ៊ុនផ្តល់សេវាទូទាត់ប្រាក់ឈានមុខគេមួយ ដែលបាននឹងកំពុងបម្រើអតិថិជនប្រកបដោយសុវត្ថិភាព និងគួរឱ្យទុកចិត្តទ្វេដងតាមរយៈភ្នាក់ងារទូទាំងប្រទេសកម្ពុជា៕</span></p>
<p><span style="color: #000000;"><a class="thickbox" title="" href="/FileManager/Commons/2020/8/3/telegramlnk-03-08-2020--16-57-34.jpg"><img src="/FileManager/Articles/mce/2020/8/3/telegramlnk-03-08-2020--16-57-34.jpg" alt="" /></a><br /></span></p>
<p><a class="thickbox" title="" href="/FileManager/Commons/2020/8/3/photo2020-08-0309-07-29-03-08-2020--16-59-52.jpg"><img src="/FileManager/Articles/mce/2020/8/3/photo2020-08-0309-07-29-03-08-2020--16-59-52.jpg" alt="" /></a><a class="thickbox" title="" href="/FileManager/Commons/2020/8/3/img8377-03-08-2020--16-59-21.jpg"></a><span style="color: #000000;"><a class="thickbox" title="" href="/FileManager/Commons/2020/8/3/img8351-03-08-2020--16-59-11.jpg"></a><br /></span></p>
<p> </p>