<div>
<p><span style="color: #000000;"><strong>(ភ្នំពេញ)៖</strong> បន្ទាប់ពីមន្ទិលសង្ស័យ នូវវត្តមានរបស់តារាចម្រៀង ខេមរៈ ស្រីពៅ មិនបាននៅក្នុងផ្ទះឯស្រុកកំណើត និងនៅក្នុងទីក្រុងភ្នំពេញ ជាពិសេសក្ដីបារម្មណ៍ចំពោះស្ថានភាពជំងឺ កាន់តែធ្វើឲ្យអ្នកគាំទ្រ ពុះកញ្ជ្រោលខ្លាំងឡើងនោះ ថ្មីៗនេះ តារាចម្រៀងថ្ពាល់ខួច ខេមរៈ ស្រីពៅ បានបញ្ចេញសារខ្លីៗ ក្នុងPage Facebook របស់នាង បញ្ជាក់ថា នាងក៏មានក្ដីនឹករឭកដល់អ្នកគាំទ្រដូចគ្នា ហើយស្ថានភាពជំងឺរបស់នាង ក៏បានធូរស្បើយច្រើនដែរ ខណៈដែលទីតាំងដែលនាងផ្ញើសារ ត្រូវបានគេមើលដឹងថា ចេញពីប្រទេសថៃ។</span></p>
<p><span style="color: #000000;">ក្នុង Page Facebook របស់តារាចម្រៀង ខេមរៈ ស្រីពៅ ដែលកំពុងតែមានព័ត៌មានបាញ់ស្រោចលើរូបនាង ជុំវិញស្ថានភាពជំងឺ និងការបាត់មុខយ៉ាងអាថ៌កំបាំង បង្កឲ្យអ្នកគាំទ្រចោទសួរ ដេញដោលគ្នាទៅវិញទៅមកនោះ បានសរសេរសារខ្លីៗបង្ហោះ នៅម៉ោង ៨៖៤៩នាទីព្រឹក ថ្ងៃទី២៥ ខែមករានេះ ថា «Hi» ។ ដោយឡែកនៅថ្ងៃទី២៤ ខែកុម្ភៈ ម្សិលមិញនេះ នៅម៉ោង៧៖៥៨នាទីព្រឹក នាងបានសរសេរថា«ធូរហើយ Fans» និងនៅម៉ោង៧៖៣៨នាទីព្រឹក ពីម្សិលមិញដូចគ្នា នាងបានសរសេរថា «នឹកណាស់Fan» ។</span></p>
<p><span style="color: #000000;">តាមរយៈសារខ្លីៗបែបនេះ ត្រូវបានអ្នកចូលចិត្តលេង សង្គមហ្វេសប៊ុក បានលើកឡើងថា ខេមរៈ ស្រីពៅ កំពុងតែព្យាយាមចេញមុខបកស្រាយ បន្តិចម្ដងៗ ដើម្បីឲ្យមហាជនបានដឹង ពីសុខទុក្ខរបស់នាង ខណៈអ្នកគាំទ្រជាច្រើន នៅតែគិតថា បងប្អួនបង្កើត និងមាមីង ជាសាច់ញាតិរបស់នាង កំពុងតែបង្វែការពិត និងព្យាយាមលាក់បាំង រឿងរ៉ាងទាំងអស់ទាក់ទងនឹង ខេមរៈ ស្រីពៅ ។</span></p>
<p><span style="color: #000000;">សូមបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០១៦នេះ ភ្នាក់ងារព័ត៌មាន Fresh News និងគេហទំព័រ កម្សាន្ត Khmertalking បានចុះមកដល់គេហដ្ឋាន របស់នាងផ្ទាល់តែម្តង ស្ថិតនៅក្នុងភូមិគរ ឃុំគរ ស្រុកព្រៃឈរ ខេត្តកំពង់ចាម ដើម្បីបញ្ជាក់មន្ទិលសង្ស័យ ដល់មហាជនដែលធ្លាប់តែគាំទ្រនាង ទូទាំងប្រទេសឲ្យដឹងការពិត ដែលបានជួបជាមួយនឹង ជីដូន ម្តាយមីងបង្កើត និងបងប្អូនជីដូនបង្កើត របស់នាង ។</span></p>
<p><span style="color: #000000;">ជាការពិតទោះបី ជាថ្មីៗនេះ តារាចម្រៀង ខេមរៈ សិរីមន្ត បានចេញវីដេអូឃ្លីប បកស្រាយជុំវិញស្ថានភាពជំងឺ របស់ ខេមរៈ ស្រីពៅ ដើម្បីបំបាត់ពាក្យចចាមអារ៉ាម ដែលកំពុងផុសផុលពេញផ្ទៃប្រទេសនេះក្តី ក៏មហាជនទូទៅនៅតែមានចម្ងល់ និងមន្ទិលសង្ស័យឥតដាច់ និងបារម្ភកាន់តែខ្លាំង ចំពោះសុខភាពរបស់នាង ខណៈដែលនាងមិនបានចេញមុខ បំភ្លឺផ្ទាល់ ដោយខ្លួនឯង ។</span></p>
<p><span style="color: #000000;">ជាក់ស្តែងភ្នាក់ងារសារព័ត៌មាន Fresh News និងគេហទំព័រ Khmertalking បានចុះ មកដល់គេហដ្ឋានរបស់តារាចម្រៀង ខេមរៈ ស្រីពៅ និងបានជួបជាមួយបងប្អូន ដោយអ្នកទាំងអស់គ្នានោះ បានសម្ដែងការភ្ញាក់ផ្អើល ចំពោះព័ត៌មានចចាមអារ៉ាមខាងលើ និងបានបង្ហាញក្តីអាណិតអាសូរ ចំពោះ ស្រីពៅ ថា មិនគួរណាមានព័ត៌មាន បែបនេះកើតឡើងលើខ្លួននាងឡើយ ។</span></p>
<p><span style="color: #000000;">ម្តាយមីងបង្កើតរបស់ ខេមរៈ ស្រីពៅ គឺអ្នកស្រី ធុច ស្រីនាង បានប្រាប់ដោយផ្ទាល់ថា «ចា៎ ទេ! ស្រីពៅ អត់មានឈីអីទេ ខ្ញុំមានអារម្មណ៍ឆ្ងល់ថា ម៉េចក៏មានព័ត៌មាន គេនិយាយបំផ្លើសចឹង? ប៉ុន្តែខ្ញុំគិតថា គេចង់និយាយអី ក៏និយាយទៅ ។ ស្រីពៅ ពិតជាឈឺមែន ខ្ញុំអត់ប្រកែកទេ វារលាកបំពង់ក ក្រពះ និងពោះវៀន អត់ស្រួល ណាមួយគ្នាមិនសូវហូបបាយផងអូន..! បើខែនេះរវល់អ៉ីចឹងទៀត គឺអត់សូវញ៉ាំបាយតែម្តង» ។</span></p>
<p><span style="color: #000000;">ទោះជាយ៉ាងណា ម្តាយមីងរូបនេះ បានអះអាងថា ខេមរៈ ស្រីពៅ មិនបាននៅផ្ទះនោះទេ ទោះជាមានរឿងផ្ទុះឡើង លើរូបនាងក្តី ពោលគឺនាងកំពុងរស់នៅភ្នំពេញ និងចេញចូល ទៅកាន់ប្រទេសថៃញឹកញាប់ ដើម្បីព្យាបាលជំងឺរលាកក្រពះ ពោះវៀន និងបំពង់ក ។</span></p>
<p><span style="color: #000000;">សាច់ញាតិខាងលើ បានបញ្ជាក់ទៀតថា ស្ថានភាពជំងឺរលាកក្រពះ ពោះវៀន និងបំពង់ករបស់ ខេមរៈ ស្រីពៅ បានធូរស្រាលច្រើនជាងមុនហើយ និងសូមបដិសេធទាំងស្រុងចំពោះព័ត៌មានថា នាងឈឺធ្ងន់ ហើយអ្នកជិតខាងដែលទម្លាយព័ត៌មាននេះ គឺដោយសារភាពច្រណែន ក៏គ្មាននោះដែរ។</span></p>
<p><span style="color: #000000;">ព័ត៌មាននេះ គ្រាន់តែជាការអះអាងផ្ទាល់ របស់សាច់ញាតិនាង នៅឯស្រុកកំណើតតែប៉ុណ្ណោះ ដោយឡែកទស្សនិកជន ដែលធ្លាប់គាំទ្រនាងគ្រប់មជ្ឈដ្ឋានទាំងអស់ នៅតែទទូចចង់ឲ្យ ខេមរៈ ស្រីពៅ ចេញមុខបកស្រាយដោយផ្ទាល់ ដើម្បីបង្ហាញការពិត ឲ្យសាធារណជនទូទៅដឹងថា «នាងពុំមានជំងឺធ្ងន់ធ្ងរ ប្រាកដមែន»៕</span></p>
<span style="color: #000000;">~</span>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/12495156_935939639857299_8188589541006902283_n.jpg?oh=3c7197a64243e58591e2791d2e27a6be&oe=57621FD1" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12510332_933012243483372_8405940264355382461_n.jpg?oh=2075099b68b8f934bf3896175c900eed&oe=5723A145" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/12359856_918065388311391_3869510444970394049_n.jpg?oh=ed4865de84dac96914e72dedafa560b8&oe=574FD849&__gda__=1466175224_740599276f9af8d7a7c91d621dd17d71" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xpl1/v/t1.0-9/12321133_909998945784702_5478998212103062212_n.jpg?oh=a98aa8374aedb766abceb5d9530c4f05&oe=57664CCC&__gda__=1464848960_0c9cef70dffb833bb3c7b8e68132f27e" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/10393905_806754709442460_2569063092907426052_n.jpg?oh=5d421da6c034fc546741751a3adc8783&oe=5750EF17" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>