<p><span style="color: #000000;"><strong>(បាត់ដំបង)៖ </strong>មានខិតប័ណ្ណជាច្រើនសន្លឹក ត្រូវបានជនអនាមិក យកទៅបាចចែកចាយ នៅតាមដងផ្លូវសាធារណៈ ស្ថិតនៅចំណុចម្តុំដើមពោធិនាគបាញ់ទឹក នាក្រុងបាត់ដំបង នាព្រឹកថ្ងៃទី២ ខែមិថុនា ឆ្នាំ២០១៦ ដែលមានខ្លឹមសារទាំងស្រុងស្តីពីភាពមិនប្រក្រតីមួយចំនួន និងការប្រព្រឹត្តអំពើពុករលួយ របស់អភិបាលថ្មគោល គឺលោក គង់ លី។</span></p>
<p><span style="color: #000000;">យោងតាមខ្លឹមសារខិតប័ណ្ណ ដែលអង្គភាព Fresh News ទទួលបាននៅរសៀលថ្ងៃនេះ បានលើកឡើង ពីបៀបដឹកនាំ មានលក្ខណៈផ្តាច់ការ និងបក្ខពួកនិយម ព្រមទាំងមានរឿងមិនប្រក្រតីជាច្រើនទៀតផ្សេងទៀតផងដែរ។</span></p>
<p><span style="color: #000000;">ជនអនាមិក បានបន្តទៀតថា <strong>«ភាពមិនប្រក្រតីរបស់លោក គង់ លី បានកើតឡើងហើយ ជាក់ស្តែងមានផ្ទៃក្នុងបានទម្លាយរាយការណ៍មកថា ចុងក្រោយនេះ លោកអភិបាលស្រុកថ្មគោល បានយកថវិកាស្រុកមួយចំនួន ទៅចាយវាយខុសខ្ទង់ ដោយមិនមានការពិគ្រោះ និងឆ្លងយោបល់ពីក្រុមប្រឹក្សាស្រុកឡើយ»</strong>។</span></p>
<p><span style="color: #000000;">យ៉ាងណាក៏ដោយ ជាមួយខ្លឹមសារវាយប្រហារទៅលើលោក គង់ លី ខាងលើនេះ អង្គភាព Fresh News មិនទាន់អាចស្វែងរកការបកស្រាយពីអភិបាលរូបនេះ នៅឡើយទេ៕</span></p>
<p><span style="color: #000000;"><img src="http://image.freshnewsasia.com/2016/020/fn-2016-07-02-15-24-15-0.png" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>