<p><span style="color: #000000;"><strong>(ភ្នំពេញ)៖</strong> វគ្គជម្រុះពានរង្វាន់អាស៊ាន AFF Suzuki Cup 2016 ដែលមានកម្ពុជាធ្វើម្ចាស់ផ្ទះនឹងបញ្ចប់ទៅវិញល្ងាចថ្ងៃសុក្រ ទី២១ ខែតុលានេះហើយ គ្រាដែលក្រុមបាល់ទាត់កម្ពុជា ត្រូវជួបទីម័រឡេស្តេ និងឡាវ ប៉ះប្រ៊ុយណេនាម៉ោង ៦៖៣០នាទីដូចគ្នា។</span></p>
<p><span style="color: #000000;">មិនលំបាកនោះទេសម្រាប់ក្រុមគោព្រៃកម្ពុជា ដែលត្រូវជួបក្រុមបាតតារាងទំម័រឡេស្តេក្នុងពហុកីឡដ្ឋានជាតិអូឡាំពិក ដែលមានអ្នកទស្សនាច្រើនកុះករ ក្រោមតម្លៃសំបុត្រ ១ម៉ឺនរៀល ក្រោមដំបូល និង ៥ពាន់រៀល នៅក្រៅដំបូល ជាមួយនឹងក្តីសង្ឃឹមខ្ពស់ឡើងទៅវគ្គចែកពូលនៅប្រទេសម្ចាស់ផ្ទះមីយ៉ាន់ម៉ា បន្ទាប់ពីកម្ពុជារកបាន៦ពិន្ទុពេញ ពីការឈ្នះ២ប្រកួតជាប់ៗគ្នាទៅលើក្រុមឡាវ ២-១ មុនបំបាក់ប្រ៊ុយណេ ៣-០ ទៀត។</span></p>
<p><span style="color: #000000;">ប្រវត្តិជួបគ្នា៥ដង គិតចាប់តាំងពីឆ្នាំ២០០៨មក កម្ពុជា បានយកឈ្នះទីម័រឡេស្តេ (Timor Leste) ៣ដងដោយលទ្ធផល ៣-២ ៤-២ និងមិត្តភាពចុងក្រោយនាពេលថ្មីៗនេះឈ្នះ ២-០ ក្រៅពីស្មើ១ដង ដោយលទ្ធផល ២-២ និងចាញ់១ប្រកួត ដោយលទ្ធផល ៥-១។</span></p>
<p><span style="color: #000000;">សូមបញ្ជាក់ផងដែរថា លេង២ប្រកួតមកនេះ កម្ពុជារបូតតែ១គ្រាប់គត់ ក្រៅពីស៊ុតបញ្ចូលទីគេបាន ៥គ្រាប់ ខណៈទីម័រស៊ុតបញ្ចូលទីគេបាន២គ្រាប់ និងរបូតវិញ៤គ្រាប់។ កម្ពុជាប្រាថ្នាត្រឹមស្មើប៉ុណ្ណោះ ដើម្បីផ្តាច់ក្តីសង្ឃឹមរបស់ឡាវ និងប្រ៊ុយណេ ដែលប្រកួតគ្នានៅពហុកីឡដ្ឋាន RSN របស់ក្លឹបភ្នំពេញក្រោនដែលមាន៣ពិន្ទុក្នុងដៃដូចគ្នានោះ។ តែយ៉ាងក៏ដោយ កម្ពុជាត្រូវតែឈ្នះ ដើម្បីទទួលបានប្រាក់រង្វាន់ ៥ម៉ឺនដុល្លារពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដែលបានប្រកាសផ្តល់ប្រាក់រង្វាន់លើកទឹកចិត្ត ចំពោះជ័យជំនះទៅលើប្រ៊ុយណេ និងទីម័រឡេស្តេ៕</span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xlt1/t31.0-8/14706963_1793015514271299_1029848643068633898_o.jpg" alt="" width="730" /></span></p>
<p style="text-align: center;"><span style="color: #000000;">ក្រុមជម្រើសជាតិកម្ពុជា</span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14713045_1793015507604633_293040633774849719_o.jpg" alt="" width="730" /></span></p>
<p style="text-align: center;"><span style="color: #000000;">ក្រុមជម្រើសជាតិទីម័រឡេស្តេ</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14716086_1806050849632415_3262072641292483748_n.jpg?oh=8c40d7886591ff55ca624ddb9c859b4f&oe=58A3DD19" alt="" width="730" /></span></p>
<p style="text-align: center;"><span style="color: #000000;">តារាងពិន្ទុបណ្តោះអាសន្ន</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>