<div>
<p><span style="color: #000000;"><strong>(ភ្នំពេញ)៖</strong> ទីបំផុត ចំណងស្នេហ៍ស្គាល់ចិត្តស្គាល់ថ្លើមគ្នា ប្រមាណជិត១០ឆ្នាំ របស់តារាសម្ដែង នាង គង់ ច័ន្ទស្រីមុំ និងលោក គឹម សីហា រហូតដល់ថ្នាក់ពេលខ្លះ ត្រូវរងព័ត៌មានថា ពួកគេរស់នៅ ក្រោមដំបូលផ្ទះតែមួយ ជាមួយគ្នាផងនោះ នៅថ្ងៃទី១៤ ខែមិនា ឆ្នាំ២០១៦នេះ អ្នកទាំងពីរបានដឹកដៃគ្នា ក្រាបផ្ទឹមរៀបការតាមប្រពៃណី បន្លឺសំឡេងភ្លេងការយ៉ាង អធិកអធ័ម និងទទួលពរជ័យពីមេបា ទាំងសងខាង យ៉ាងទ្រហឹងអឺងអាប់ ។</span></p>
<p><span style="color: #000000;">គង់ ច័ន្ទស្រីមុំ និងលោក គឹម សីហា បានទំនាក់ទំនងជាមួយគ្នា រួចវេញជាចំណងស្នេហ៍ ក្នុងពិភពសិល្បៈ រហូតអ្នកសិល្បៈគ្រប់មជ្ឈដ្ឋាន ទទួលស្គាល់ចំណងស្នេហ៍នេះ ហើយពួកគេឈានដល់ ការមានជំនួញរកស៊ី ជាមួយគ្នាទៀតផង ។ គូស្នេហ៍ទាំងពីត្រូវបានគេមើលឃើញថា តែងតែដឹកដៃគ្នាត្រសង ទៅចូលរួមកម្មវិធីរបស់មិត្តភក្តិ ជាហូរហែមិនដែលដាច់ ហើយជាគូស្នេហ៍មួយ អាចរក្សាបាននូវចំណងស្នេហ៍ មិនទាន់ចូលរោងការបានយូរជាងគេ ព្រោះមានគូស្នេហ៍ក្នុងសិល្បៈ ជាច្រើនមកហើយ ស្រឡាញ់គ្នាបានតែមួយឆាវ ក៏បែកគ្នាវិញ ដែលគេហៅថា «ស្នេហាបែបភ្លើងចំបើង»។</span></p>
<p><span style="color: #000000;">ប៉ុន្តែសម្រាប់ស្រីស្រស់ គង់ ច័ន្ទស្រីមុំ និងកំឡោះសង្ហា លោក គឹម សីហា នៅតែរក្សាចំណងស្នេហ៍មួយនេះ បានរហូតជិតដប់ឆ្នាំ ពិតជាមិនធម្មតាឡើយ ទោះបីពួកគេមានវ័យ នៅក្មេង បន្តិចក្ដី តែពួកគេហាក់បីដូចជាមនុស្ស ចាស់ចិត្តចាស់គំនិត ក្នុងរឿងស្នេហា ពោលមិនមានចិត្តវេចវេ ទៅរកអ្នកថ្មីឡើយ ខណៈកញ្ញា គង់ ច័ន្ទស្រីមុំ កន្លងមក ក៏មានអ្នកតូចអ្នកធំ អ្នកមានអំណាច មានលុយ ជាច្រើននាក់មកហើយ តាមស្រឡាញ់រូបនាង និងចង់បានជាគូអនាគត។</span></p>
<p><span style="color: #000000;">ជាក់ស្ដែងនៅថ្ងៃនេះ លទ្ធផលស្នេហារបស់ពួកគេ គឺទទួលបានផ្លែផ្កាគួរជាទីមោទន ដោយបានសម្រេចចិត្ត ចូលរោងជ័យ ក្រោមទឹកមុខរំភើបរីករាយគ្នាអ្វីផ្ទឹម ក្នុងនោះអ្នកទាំងពីរ បានអញ្ជើញភ្ញៀវកិត្តិយស ដែលភាគច្រើនជាអ្នកសិល្បៈ ដើម្បីចូលរួមអបអរសាទរ ឲ្យពរឲ្យជ័យ ប្រមាណ ជិត១០០តុឯណោះ។ ក្នុងកម្មវិធីទទួលទានអាហារ នឹងត្រូវធ្វើឡើងនាល្ងាចនេះ នៅឯសណ្ឋាគារលំដាប់ផ្កាយ៥ សូហ្វីតែល ភោគីត្រា ភ្នំពេញ នៅវេលាម៉ោង៥ល្ងាចតទៅ៕</span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtf1/v/t1.0-9/12814415_1373792339313739_1319273737201806992_n.jpg?oh=fe756e8a677615ac34694f4c4e5c8e04&oe=5786CB30&__gda__=1468469400_07493a3973eb5c4f426cedc43a030d22" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xla1/v/t1.0-9/10400008_1373792342647072_3961547442743127728_n.jpg?oh=8b7aacee482a137a395f0b438ab927dd&oe=575ECF38&__gda__=1468662518_2a6f9544a5350dc28d92889d27088646" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/1506601_1373792345980405_8638675784522178260_n.jpg?oh=812d701a8aad02eeb326f3fe808d16cc&oe=575E1781" alt="" width="730" /></span></p>
<p style="text-align: center;"><a class="thickbox" title="" href="/FileManager/Commons/2016/3/14/80b-14-03-2016--14-01-23.jpg"><img src="/FileManager/Articles/mce/2016/3/14/80b-14-03-2016--14-01-23.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2016/3/14/80c-14-03-2016--14-01-31.jpg"><img src="/FileManager/Articles/mce/2016/3/14/80c-14-03-2016--14-01-31.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2016/3/14/80d-14-03-2016--14-01-42.jpg"><img src="/FileManager/Articles/mce/2016/3/14/80d-14-03-2016--14-01-42.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2016/3/14/80e-14-03-2016--14-01-50.jpg"><img src="/FileManager/Articles/mce/2016/3/14/80e-14-03-2016--14-01-50.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2016/3/14/80f-14-03-2016--14-01-57.jpg"><img src="/FileManager/Articles/mce/2016/3/14/80f-14-03-2016--14-01-57.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2016/3/14/80h-14-03-2016--14-02-04.jpg"><img src="/FileManager/Articles/mce/2016/3/14/80h-14-03-2016--14-02-04.jpg" alt="" /></a><a class="thickbox" title="" href="/FileManager/Commons/2016/3/14/80f-14-03-2016--14-01-57.jpg"></a><a class="thickbox" title="" href="/FileManager/Commons/2016/3/14/80e-14-03-2016--14-01-50.jpg"></a><a class="thickbox" title="" href="/FileManager/Commons/2016/3/14/80d-14-03-2016--14-01-42.jpg"></a><a class="thickbox" title="" href="/FileManager/Commons/2016/3/14/80c-14-03-2016--14-01-31.jpg"></a><a class="thickbox" title="" href="/FileManager/Commons/2016/3/14/80b-14-03-2016--14-01-23.jpg"></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p> </p>
</div>