<p><span style="color: #000000;"><strong>(ភ្នំពេញ)៖</strong> ថ្មីៗនេះ អ្នកលេងបណ្ដាញសង្គម Facebook បានប្រទះឃើញសារដ៏គួរឲ្យភ្ញាក់ផ្អើលមួយ បន្ទាប់ពីកំពូលតារាចម្រៀង ដ៏ល្បីរបស់ប្រទេសកូរ៉េខាងត្បូង គឺលោក Rain បានប្រកាសនៅក្នុងទំព័រ Facebook របស់ខ្លួន ជាភាសាអង់គ្លេសថា<strong> «Hi, Cambodia. I’m coming to see you again» ដែលមានន័យជាភាសាខ្មែរ«សួស្ដី កម្ពុជា! ខ្ញុំនឹងទៅជួបអ្នកម្ដងទៀត»</strong>។</span></p>
<p><span style="color: #000000;">ការបង្ហាញសារដ៏គួរឲ្យភ្ញាក់ផ្អើល ក្នុងទំព័រហ្វេសប៊ុក របស់កំពូលតារាចម្រៀង K-pop វ័យ ៣៤ ឆ្នាំរូបនេះ បានធ្វើឲ្យអ្នកគាំទ្រជាច្រើន នៅក្នុងប្រទេសកម្ពុជា សម្ដែងការចាប់អារម្មណ៍យ៉ាងខ្លាំង ដោយពួកគេបានបញ្ជូនសារនេះ ឲ្យគ្នាទៅវិញទៅមក និងរង់ចាំស្វាគមន៍ដោយក្ដីរីករាយបំផុត ចំពោះវត្តមានរបស់តារាចម្រៀង ដ៏ល្បីរបស់ប្រទេសកូរ៉េ រូបនេះ មកកាន់កម្ពុជា។</span></p>
<p><span style="color: #000000;">យ៉ាងណាមិញ បើយោងតាមគេហទំព័រ RAINCOMPANY ដែលជាក្រុមហ៊ុនរបស់តារាចម្រៀង រ៉េន បានបញ្ជាក់ថា លោកនឹងបង្ហាញវត្តមានក្នុងការប្រគំន្ត្រី របស់ក្រុមហ៊ុនស្មាត មានឈ្មោះថា «Smart Mega Concert with Rain» នៅថ្ងៃទី ៣០ ខែមីនា ឆ្នាំ ២០១៧ នៅមជ្ឈមណ្ឌលកោះពេជ្រ។</span></p>
<p><span style="color: #000000;">សូមបញ្ជាក់ថា កំពូលតារាចម្រៀង Rain បានសម្រេចចិត្តចូលរោងការ ជាមួយនឹងតារាសម្ដែងដ៏ល្បី គឺនាង Kin Tae Hee កាលពីថ្ងៃទី១៩ ខែមករា ឆ្នាំ២០១៧ នេះ នៅឯវិហារ Gaoe Catholic ដោយក្នុងនោះ ក៏មានមិត្តភក្តិជាអ្នកសិល្បៈ ចូលរួមយ៉ាងច្រើនកុះករដូចជា ក្រុម JYP, PSY និង Honey Lee ជាដើម។</span></p>
<p><span style="color: #000000;">ក្រោយពីសច្ចាក្នុងនាម ជាប្តីប្រពន្ធហើយនោះ តារាប្រុសស្រីដ៏ល្បីរបស់កូរ៉េទាំងពីរដួងនេះ ក៏បានថតរូប និងសរសេរលិខិតផ្ទាល់ដៃ ផ្ញើទៅកាន់អ្នកគាំទ្រ ដើម្បីថ្លែងអំណរគុណផងដែរ។ នៅក្នុងពិធីរៀបការរបស់ Rain និង Kin Tae Hee ក៏មានសន្តិសុខយាមកាមយ៉ាងម៉ត់ចត់ មិនឲ្យមនុស្សដែលគ្មានការអញ្ជើញ ចូលរួមពិធីឡើយ ចៀសវាង កើតមានបញ្ហាជាយថាហេតុណាមួយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/9/1-09-03-2017--13-19-20.png"><img src="/FileManager/Articles/mce/2017/3/9/1-09-03-2017--13-19-20.png" alt="" /></a></span></p>
<p><br /><a class="thickbox" title="" href="/FileManager/Commons/2017/3/9/2-09-03-2017--13-19-30.png"><img src="/FileManager/Articles/mce/2017/3/9/2-09-03-2017--13-19-30.png" alt="" /></a></p>
<p><br /><a class="thickbox" title="" href="/FileManager/Commons/2017/3/9/2-09-03-2017--13-19-30.png"></a><span style="color: #000000;"><a class="thickbox" title="" href="/FileManager/Commons/2017/3/9/1-09-03-2017--13-19-20.png"></a><a class="thickbox" title="" href="/FileManager/Commons/2017/3/9/3-09-03-2017--13-19-45.png"><img src="/FileManager/Articles/mce/2017/3/9/3-09-03-2017--13-19-45.png" alt="" /></a></span></p>
<p><br /><a class="thickbox" title="" href="/FileManager/Commons/2017/3/9/4-09-03-2017--13-19-53.png"><img src="/FileManager/Articles/mce/2017/3/9/4-09-03-2017--13-19-53.png" alt="" /></a></p>
<p><br /><a class="thickbox" title="" href="/FileManager/Commons/2017/3/9/5-09-03-2017--13-20-01.png"><img src="/FileManager/Articles/mce/2017/3/9/5-09-03-2017--13-20-01.png" alt="" /></a><a class="thickbox" title="" href="/FileManager/Commons/2017/3/9/4-09-03-2017--13-19-53.png"></a><span style="color: #000000;"><a class="thickbox" title="" href="/FileManager/Commons/2017/3/9/3-09-03-2017--13-19-45.png"></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>