<p><span style="color: #000000;"><strong>បរទេស៖</strong> បុរសម្នាក់ត្រូវបានប៉ូលិសចាប់ខ្លួនដោយចោទប្រកាន់ ពីបទឃាតកម្ម បន្ទាប់ពីគេបានសម្លាប់ប្រពន្ធយ៉ាងព្រៃ ផ្សៃថែមទាំងថតរូបសព បង្ហោះនៅលើ Facebook ទៀតផង ។</span></p>
<p><span style="color: #000000;">ហេតុការណ៍ដ៏សាហាវនេះ បានកើតឡើងនៅក្នុងរដ្ឋផ្លរីដា សហរដ្ឋអាម៉េរិក ដោយជនសង្ស័យមានអាយុ៣៣ឆ្នាំឈ្មោះ Derek Medina បានបាញ់ប្រពន្ធអាយុ២៧ឆ្នាំឈ្មោះ Jennifer Alfonso ដោយគេអះអាងប្រាប់ប៉ូលិសថា ខ្លួនធ្វើនេះ ដើម្បីការពារខ្លួនប៉ុណ្ណោះ ព្រោះតែប្រពន្ធញៀនថ្នាំ ហើយជាមនុស្សដែលគោរពខ្មោចព្រាយទៀតផង ដោយនៅថ្ងៃកើតហេតុ Medina និយាយថា នារីជាប្រពន្ធបានកាន់កាំបិតប្រុងចាក់គាត់ទើបគាត់ទាញ កាំភ្លើងបាញ់នាង ប្រហែល ៨គ្រាប់តបវិញ ។</span></p>
<p><span style="color: #000000;">ក្រោយពីសម្លាប់ប្រពន្ធរួច បុរសជាប្តីរូបនេះបានថតរូបសាកសពប្រពន្ធយកទៅបង្ហោះលើ Facebook ដោយមិនខ្លាចញ ញើតអ្វីឡើយ ។ ប៉ូលិសបានធ្វើកោសល្យវិច័យលើសាកសពនារីរងគ្រោះ ហើយនិយាយថា ជនសង្ស័យជាឃាតក សម្លាប់ប្រពន្ធដោយវា មិនមែនជារឿងការពារខ្លួនទេ ព្រោះនៅលើខ្លួនសពមានស្នាមរបួសដែលបង្កឡើងដោយប្តី ចិត្តព្រៃផ្សៃនេះ ។</span></p>
<p><span style="color: #000000;">ប្រសិនបើតុលាការរកឃើញការពិតមែន Medina ប្រឈមនឹងការជាប់ពន្ធនាគារអស់មួយជីវិត ដោយជាប់ចោទពីបទ ឃាតកម្ម ហើយតុលាការមិនតម្រូវឲ្យធានាខ្លួននៅក្រៅឃុំឡើយ ៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/11/6/15e-06-11-2015--14-32-04.jpg"><img src="/FileManager/Articles/mce/2015/11/6/15e-06-11-2015--14-32-04.jpg" alt="" /></a></span></p>
<p style="text-align: center;"><span style="color: #000000;">រូប៖ Derek Medina ជាមួយនឹង Jennifer Alfonso</span><span style="color: #000000;"><a class="thickbox" title="" href="/FileManager/Commons/2015/11/6/15e-06-11-2015--14-32-04.jpg"></a><br /></span></p>
<p style="text-align: center;"><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>