<p>គ្រប់សាលាទាំងអស់នៅក្នុងប្រទេសនីហ្សេរីយ៉ា ត្រូវបានបញ្ជាឲបិទរហូតដល់ថ្ងៃទី ១៣ តុលា ជាផ្នែកមួយ នៃវិធានការក្នុងការទប់ស្កាត់ការរាតត្បាតនៃមេរោគដ៏សាហាវនេះ។<br /> <object width="500" height="400" data="http://www.youtube.com/v/LcogN4FhqkU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/LcogN4FhqkU&rel=1" /></object><br /><br /><a class="thickbox" title="" href="/FileManager/Commons/2014/8/28/1-28-08-2014--09-52-39.jpg"><img src="/FileManager/Articles/mce/2014/8/28/1-28-08-2014--09-52-39.jpg" alt="" /></a><br /><br /><a class="thickbox" title="" href="/FileManager/Commons/2014/8/28/2-28-08-2014--09-52-59.jpg"><img src="/FileManager/Articles/mce/2014/8/28/2-28-08-2014--09-52-59.jpg" alt="" /></a><br /><br /><a class="thickbox" title="" href="/FileManager/Commons/2014/8/28/4-28-08-2014--09-53-22.jpg"><img src="/FileManager/Articles/mce/2014/8/28/4-28-08-2014--09-53-22.jpg" alt="" /></a><br /><br /> ឆ្នាំសិក្សាថ្មី នឹងចាប់ផ្តើមនៅថ្ងៃច័ន្ទ ប៉ុន្តែមន្ត្រីក្រសួងអប់រំ បានបង្គាប់ថា ក្នុងកំឡុងពេលបិទនេះ បុគ្គលិកសាលា នឹងត្រូវបានបណ្តុះបណ្តាលពីរបៀប ដោះស្រាយករណីជំងឺ Ebola។ <br /> <br /> មនុស្សចំនួន ៥នាក់ហើយ ដែលបានស្លាប់ដោយសារ មេរោគ Ebola នៅក្នុង ប្រទេសនីហ្សេរីយ៉ា។ ការផ្ទុះឡើង នៅអាហ្រ្វិចខាងលិច បានក្តោបយកប្រទេសហ្គីណេ លីបេរីយ៉ា និងសេរ៉ាលីអន ដែលបាន សំលាប់មនុស្សអស់ជាង ១,៤០០ នាក់។ វាគឺជាការផ្ទុះឡើង ដ៏ធំបំផុតដែលមិនធ្លាប់មាន ហើយមាន មនុស្សរហួតដល់ ២,៦១៥ នាក់បានឆ្លងជំងឺនេះ ហើយពាក់កណ្តាលបានបាត់បង់ជីវិត។<br /> <br /> ប្រធានធនាគារអភិវឌ្ឍន៏អាហ្រ្វិច Donald Kaberuka បានអំពាវនាវដល់ ក្រុមហ៊ុន អាកាសចរ ឲចាប់ផ្តើម ដំណើរការសេវាកម្មរបស់ខ្លួនឡើងវិញ ចំពោះប្រទេស ដែលបានឆ្លងជំងឺនេះ។ ក្រុមហ៊ុនអាកាសចរ និង ប្រទេសនៅទ្វីបអាហ្រ្វិចមួយចំនួន បានផ្អាកជើងហោះហើរ ទៅកាន់ប្រទេស ហ្គីណេ លីបេរីយ៉ា និងសេរ៉ាលីអន ទោះបីអង្គការសុខភាពពិភពលោក ឲយោបល់ថា ការផ្អាកនេះវាមិនមានប្រសិទ្ធិភាព ឡើយ។ ម្សិលមិញ អាកាសចរប្រទេសបារាំង បានប្រកាសផ្អាកជើងហោះហើរ ទៅកាន់ប្រទេស សេរ៉ាលីអន ដោយធ្វើតាមបង្គាប់រដ្ឋាភិបាលបារាំង។<br /> <br /> រដ្ឋាភិបាលប្រទេសនីហ្សេរីយ៉ា សង្ឃឹមថា រាល់ការខិតខំប្រឹងប្រែងទាំងអស់ អាចជួយ បង្រ្កាបការរាតត្បាត មេរោគនេះបាន។ មន្ត្រីក្រសួងអប់រំ Ibrahim Shekarau បាននិយាយថា៖ ក្រសួងអប់រំនៅក្នុងរដ្ឋ ទាំងអស់ ត្រូវរៀបចំជាបន្ទាន់ និង ធានាថា យ៉ាងហោចណាស់ត្រូវមានបុគ្គលិក ២នាក់មកពីសាលា នីមួយៗ ទាំងសាលារដ្ឋ និង ឯកជន ត្រូវបានបណ្តុះបណ្តាលដោយបុគ្គលិកសុខភាព។ <br /> <br /> លោក Kaberuka បាននិយាយថា៖ ធនាគារអភិវឌ្ឍន៏អាហ្រ្វិច AFDB បានចុះ កិច្ចព្រមព្រៀង ជាមួយ អង្គការសុខភាពពិភពលោក ក្នុងការផ្តល់ថវិការ ៦០លានដុល្លារអាមេរិក ដើម្បីជាជំនួយក្នុងការប្រយុទ្ធ ប្រឆាំង នឹងមេរោគ Ebola នេះ។<br /> <br /> កាលពីថ្ងៃ អង្គារ អង្គការសុខភាពពិភពលោក បាននិយាយថា៖ ចំនួនវេជ្ជបណ្ឌិត និង គិលានុប្បដ្ឋាយិកា បានឆ្លងមេរោគនេះ មិនធ្លាប់កើតមានពីមុនមកទេ ដោយសារតែ កង្វះខាតបុគ្គលិក និងឧបករណ៏ការពារ។ នៅក្នុ្ងងប្រទេសមួយចំនួន ដែលបានឆ្លង ជំងឺនេះ មាន វេជ្ជបណ្ឌិតតែ ម្នាក់ រឺ២នាក់ប៉ុណ្ណោះសំរាប់ ព្យាបាល អ្នកជំងឺ ១០០,០០០នាក់។</p>
<p> </p>
<p style="text-align: right;"><br />ប្រែសំរួលដោយ៖ មុន្នី<br />ប្រភព៖ bbc </p>
<p><strong> </strong></p>