<p><span style="color: #000000;">ព័ត៌មានកីឡា៖ តើការរំពឹងទុកកន្លងមក ធ្លាប់មានដែរទេថា ខ្សែប្រយុទ្ធជម្រើសជាតិអាហ្ស៊ង់ទីន ដែលលេងឲ្យក្លឹប Barcelona នឹងប្ដូរជើងមកលេងឲ្យក្លឹបនៅលើអង់គ្លេស? មិនទាន់ហ៊ានសម្រេចចម្លើយទេ ថាអាចឬមិនអាច ប៉ុន្ដែបើយោងតាមសម្ដីរបស់កីឡាករបញ្ជាក់ដោយផ្ទាល់ក្នុងព្រឹត្ដិការណ៍ទទួលរង្វាន់ បានថ្លែងថា កីឡាករនឹងមិនប្ដូរទៅណាជាដាច់ខាត ពោលកីឡាករ នឹងចូលនិវត្ដក្នុងទឹកដីក្លឹប Barcelona ។ </span></p>
<p><span style="color: #000000;">Lionel Messi ទើបតែលើកពានជើងឯកកីឡាករឆ្នើមពិភពលោក ប្រចាំឆ្នាំ ២០១៥ ហើយក៏ជាជ័យជំនះលើកទី៥ ផងដែរ ក្នុងអាជីពជាកីឡាករបាល់ទាត់។ ជាមួយនឹងកម្មវិធីយ៉ាងអធឹកអធម កីឡាករក៏បានស្រាយបញ្ជាក់អំពីពេលវេលាទៅថ្ងៃអនាគត ដែលកន្លងមកតែងមានដំណឹងថា កីឡាករ មានបំណងចង់ទៅលេងឲ្យក្លឹប នៅអង់គ្លេសច្រើន ជាពិសេសក្លឹប Man City តែម្ដង។ ទន្ទឹមនឹងពេលនោះផងដែរ កីឡាករបានថ្លែងថា » ខ្ញុំតែងតែនិយាយថាខ្ញុំមិនចង់ចាកចេញពី Barcelona នោះទេ ហើយរហូតមកទល់ ពេលនេះ នៅតែរក្សាពាក្យសម្ដីដដែល។ គំនិតរបស់ខ្ញុំចង់ព្យួរស្បែកជើងនៅ Barcelona ព្រោះ Barcelona គឺជាផ្ទះរបស់ខ្ញុំ ខ្ញុំចង់បញ្ចប់នៅកន្លែងដែលខ្ញុំចាប់ផ្ដើម»។</span></p>
<p><span style="color: #000000;"><a class="thickbox" title="" href="/FileManager/Commons/2016/1/12/1-12-2016-9-15-08-am-12-01-2016--10-45-08.png"><span style="color: #000000;"><img src="/FileManager/Articles/mce/2016/1/12/1-12-2016-9-15-08-am-12-01-2016--10-45-08.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ soccer.nbcsports </span></p>