<p><strong>ភ្នំពេញៈ</strong> ថ្មីៗនេះមានព័ត៌មានថា ពិធីការិនីល្បីឈ្មោះ នៃស្ថានីយទូរទស្សន៍បាយ័ន អ្នកនាង<br /> សុខ សោម៉ាវត្តី កំពុងតែមានគម្រោង សម្ពោធសណ្ឋាគារ លំដាប់ផ្កាយបី នៅក្នុងខេត្តក្រចេះ<br /> និងអាចផ្អាកពី ការងារសិល្បៈទាំងស្រុង ទៅសម្ងំធ្វើជាថៅកែ ស្រីហ៊ឺហារ មានសុភមង្គល <br />ជាមួយស្វាមី និងកូន ដោយមិនបាច់ខ្វល់ ចំណូលពី ការងារសិល្បៈ សន្សំប្រាក់ល្អិតទៀត<br />ឡើយ ។</p>
<p>អ្នកនាង សុខ សោម៉ាវត្តី បន្ទាប់ពីរៀបការ តាមប្រពៃណី ជាមួយកូនប្រុស បណ្តូលចិត្តរបស់ <br />អតីតស្នងការ រាជធានីភ្នំពេញ លោក ទូច ណារ៉ុថ គឺ លោក ទូច ដាណារ៉ា រួចមក គេសង្កេត<br />ឃើញថា នាងនិងស្វាមីបានទទួល ទ្រព្យសម្បត្តិជាច្រើនម៉ឺនដុល្លារ និងវីឡារស់នៅយ៉ាងសុខ<br />ស្រួល ជាមួយស្វាមីបើទោះបី ជាពេលនេះ នាងមិនចូលប្រឡូក ក្នុងវិស័យសិល្បៈវិញ ក៏មិន<br />ខ្វល់រឿងលុយកាក់ ចាយវាយប្រចាំថ្ងៃដែរ។</p>
<p>ជាមួយគ្នានោះ ថ្មីៗនេះក៏មានប្រភព ពីអ្នករស់នៅ ខេត្តក្រចេះ បង្ហើបប្រាប់ឲ្យដឹងថា តារាស្រី<br />រូបស្រស់ សាច់ម៉ដ្ឋរលោង អ្នកនាង សុខ សោម៉ាវត្តី កំពុងតែសម្ងំសាងសង់ សណ្ឋាគារ ដ៏<br />ប្រណិតធំស្រស់ស្អាត លេចធ្លោខ្លាំងជាងគេ នៅលើទឹកដីខេត្តក្រចេះ ដោយបោះទុនជាង១<br />លានដុល្លារ ដោយរហូតមកដល់ ពេលនេះ នាងនិងស្វាមី ក៏កំពុងតែមាន គម្រោងដាក់សម្ពោធ<br />បើក ទទួលភ្ញៀវស្នាកនៅ ជាផ្លូវការក្នុងពេលឆាប់ៗ ខាងមុខនេះ ។</p>
<p>ជួបជាមួយ LookingTODAY តាមទូរស័ព្ទ កាលពីពេលថ្មីៗកន្លង ទៅនេះ ម្តាយរបស់ពិធីការិនី<br />កូនមួយ អ្នកនាង សោម៉ាវត្តី បានប្រាប់ឲ្យដឹងថា កូនស្រីរបស់គាត់ មិនបានផ្អាកពីការងារសិល្បៈ<br /> ដូចការលើកឡើង របស់ទស្សនិកជនទេ ។"ចំពោះព័ត៌មានថា កូនខ្ញុំឈប់ពីសិល្បៈនោះ មិនមែន<br />ជាការពិតទេ ប្រហែលជា គេយល់ច្រឡំ ដោយសារតែកូនខ្ញុំផ្អាក ការងារសិល្បៈយូរពេក ទើប<br />ធ្វើឲ្យទស្សនិកជន គិតថាអាតីឈប់ពីសិល្បៈ..!" ។</p>
<p>ម្ដាយ សុខ សោម៉ាវត្តី បន្តថា "តាមពិតទៅ អាតី ត្រៀមចូលសិល្បៈយូរហើយ គ្រាន់តែមិនទាន់<br />ដល់ថ្ងៃ ព្រោះខាងស្ថានីយទូរទស្សន៍ កំពុងបង្កើតកម្មវិធីថ្មី ឲ្យកូនខ្ញុំ តែមិនទាន់ដល់ថ្ងៃ ទើបត្រូវ<br />រង់ចាំមួយរយៈពេលទៀត។ សម្រាប់កូនខ្ញុំនាងស្រឡាញ់សិល្បៈណាស់ ដាច់ខាតនាងមិនបោះ<br />បង់ចោល អាជីពនេះទេ..!" ។</p>
<p>ម្តាយរបស់ សោម៉ាវត្តី បានប្រាប់ឲ្យដឹងទៀតថា "ចំណែករឿងល្បីថា អាតី ត្រៀមសម្ពោធ<br />សណ្ឋាគារធំជាងគេ នៅខេត្តក្រចេះ មិនមែនជាការពិតទេ សណ្ឋាគារនោះជា របស់ឪពុក<br />ម្តាយ ក្មេករបស់អាតីតើក្មួយ…! អាតី និងប្តីគ្រាន់តែជួយ មើលការខុសត្រូវ សម្រាលការលំបាក<br /> ឪពុកម្តាយក្មេក មិនមែនដូច ពាក្យចចាមអារ៉ាម លើកឡើងនោះទេ ..! " ៕</p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0233.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0234.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>