<div class="item-page">
<p><span style="color: #000000;"><strong>(ឧត្តរមានជ័យ)៖</strong> ប្រជាពលរដ្ឋដែលជាអ្នករកស៊ីដឹកផ្សិតប៉ក់ ទៅលក់នៅប្រទេសថៃ បានសម្តែងការរីករាយ និងថ្លែងអំណរគុណដល់ លោក ស ថាវី អភិបាលខេត្តឧត្តរមានជ័យ ដែលបានជួយអន្តរាគមន៍ ឲ្យពួកគាត់បានយកផ្សិតទៅលក់នៅថៃ តាមច្រកជាំ បន្ទាប់ពីទាហ៊ានមួយក្រុមហាមឃាត់។</span></p>
<p><span style="color: #000000;">ប្រជាពលរដ្ឋបានឱ្យដឹងថា នៅព្រឹកថ្ងៃទី២៦ ខែឧសភា ឆ្នាំ២០១៦នេះ ពួកគាត់ បានដឹកផ្សិតប្រមាណ ១០រថយន្តទៅលក់ដូចសពដងនៅក្នុងប្រទេសថៃ តាមច្រកជាំ ស្រាប់តែមានទាហ៊ានឈុតខ្មៅមួយក្រុម ហាមឃាត់មិនឱ្យចូលទៅលក់។ ភ្លាមៗនោះ មន្ដ្រីច្រកព្រំដែនបានរាយការណ៍ទៅលោកអភិបាលខេត្ត ហើយលោកអភិបាលខេត្ត បានទាក់ទងទៅភាគីថៃ និងបានណែនាំឱ្យសមត្ថកិច្ចខ្មែរ ធ្វើការជាមួយទាហ៊ានថៃ។</span></p>
<p><span style="color: #000000;">ប្រជាពលរដ្ឋបានបន្ដថា បន្ទាប់ពីមានកិច្ចអន្តរាគមន៍ពីលោកអភិបាលខេត្ត មួយសន្ទុះក្រោយមកខាងទាហ៊ានថៃ ក៏បានអនុញ្ញាតឱ្យរថយន្ដដឹកផ្សិត របស់ពួកគាត់ចូលទៅលក់ធម្មតាវិញ។</span></p>
<p><span style="color: #000000;">ប្រជាពលរដ្ឋមានចិត្តត្រេកអរ និងរំភើបយ៉ាងខ្លាំង ព្រោះថា បើមិនបានដឹកផ្សិតចូលក្នុងថ្ងៃនេះ ផ្សិតច្បាស់ជារលួយខូចមិនខាន ហើយពួកគាត់នឹងខាតបង់ថវិកា។ ជាចុងក្រោយពួកគាត់ បានថ្លែងអំណរគុណយ៉ាងជ្រាលជ្រៅ ចំពោះលោកអភិបាលខេត្តឧត្តរមានជ័យ ក៏ដូចជាសមត្ថកិច្ចខ្មែរនៅច្រកជាំ ដែលបានខិតខំដោះស្រាយជូនពួកគាត់ បានយកផ្សិត ចូលលក់ក្នុងប្រទេសថៃ៕</span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13305234_1607255916255440_1196926178110236287_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13235099_1607255906255441_3833909065460173468_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xlt1/t31.0-8/13268570_1607255909588774_5496170525041293893_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
<div></div>
</div>