<div class="article-content">
<p><strong>បាត់ដំបងៈ</strong> នៅល្ងាចថ្ងៃទី២៥ ខែមិនា ឆ្នាំ២០១៣ នៅស្រុកចំនួន៦ ក្នុងខេត្តបាត់ដំបង ទទួល<br />រងគ្រោះធម្មជាតិ ខ្យល់ព្យុះ លាយភ្លៀង បណ្តាលឲ្យខូចផ្ទះ ១៧២ខ្នង មនុស្ស របួស២នាក់ <br />ខូចខាត់សម្ភារៈមួយចំនួនទៀត។</p>
<p>យោងតាមរបាយការណ៍ របស់ស្នងការនគរបាល ខេត្តបាត់ដំបង បានឲ្យដឹងថា នៅល្ងាចថ្ងៃទី<br />២៥ ខែមីនា ឆ្នាំ២០១៣ មានស្រុកចំនួន៦ ទទួលរងការខូចខាត ដោយ សារ ខ្យល់ព្យុះមាន៖<br /> ទី១ស្រុកសង្កែក្នុង ឃុំអន្លង់វិល ខូចខាតប៉ើង ដំបូល ១០ខ្នង ទី២នៅស្រុកមោងឬស្សី ក្នុងឃុំ<br />ព្រៃស្វាយ ខូចខាតប៉ើងដំបូល១៤ខ្នង ដួលរលំទាំង ស្រុង៤ខ្នង ទី៣នៅស្រុកសំពៅ លូនក្នុង<br />ឃុំសេរីមានជ័យ ខូចខាតប៉ើងដំបូលអស់៧៨ខ្នង ដួលរលំទាំងស្រុង ចំនួន២៤ខ្នង របួសមនុស្ស<br />២នាក់ ខូចម៉ូតូ២គ្រឿង និងគោយន្ត១គ្រឿង ទី៤នៅស្រុកគាស់ក្រឡ ក្នុងឃុំធិបតីខូចខាតប៉ើង<br />ដំបូល៣០ខ្នង ដួលរលំទាំងស្រុងចំនួន៧ខ្នង ទី៥នៅស្រុកថ្មគោលក្នុងឃុំអូតាគី ឃុំតាពូង ខូច<br />ខាត១៨ខ្នង ដួលរលំទាំងស្រុង៣ខ្នងនិងទី៦ នៅស្រុកកំរៀងក្នុងឃុំតាហែនខូចខាតប៉ើងដំបូល<br />២២ខ្នង ដួលរលំទាំងស្រុងចំនួន៤ខ្នង។</p>
<p>គួរបញ្ជាក់ថា នៅក្នុងខែមិនាឆ្នាំ២០១៣ មានភ្លៀង និងខ្យល់ព្យុះបានកើតឡើង ជាបន្តបន្ទាប់នៅ<br />តាមបណ្តាស្រុកផ្សេងទៀតក្នុងខេត្ត ទទួលរងការខូចខាតផ្ទះ ប្រជាពលរដ្ឋជាច្រើន ខ្នងទៀតផង<br />ដែរ។</p>
<p>បច្ចុប្បន្ន សមត្ថកិច្ចនិងអាជ្ញាធរ មូលដ្ឋានកំពុងចុះស្រង់ស្ថិតិ ពីការខូចខាតផ្ទះ សំបែងរបស់ ប្រជា-<br />ពលរដ្ឋ និងធ្វើរបាយ ការណ៍ ជូនដល់ថ្នាក់លើ។</p>
<p>អាជ្ញាធរខេត្តបាត់ដំបង បានធ្វើការអំពាវនាវ ដល់ប្រជាពលរដ្ឋទូទៅ ក្នុងខេត្តបាត់ដំបងថា សូម<br />ប្រជាពលរដ្ឋ ទាំងអស់ ត្រូវមានការប្រុងប្រយ័ត្នបំផុត រាល់ពេល មានភ្លៀង និងខ្យល់ព្យុះទាំង<br />ឡាយ ដែលកើតមាន ឡើង គឺត្រូវរតរកទីកន្លែង មានសុវត្តិភាព ដើម្បីការពារអាយុជីវិត ដែល<br />បណ្តាលមកគ្រោះថ្នាក់មានរន្ទះបាញ់ ជាដើម និងត្រូវនៅឲ្យឆ្ងាយ ពីវត្ថុដែល មានជាតិដែក មិន<br />ត្រូវ បើកទូរស័ព្ទដៃ និងវិទ្យុនៅពេល មានភ្លៀងឡើយ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0391.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0392.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0393.jpg" alt="Photo by DAP-NEWS" width="400" /></p>
<p style="text-align: center;"><img title="" src="http://111.92.240.170:81/dap-news/dap-images/2013/March/id-011/Hong-0392.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>