<p>ក្រុមអ្នកវិទ្យាសាស្ដ្រជប៉ុន ទើបតែបង្កើតជណ្ដើរយោងឡើងទៅកាន់លំហអាកាសដំបូងគេលើ<br />ពិភពលោក ហើយត្រៀមខ្លួននឹងដំណើរការសាកល្បង។</p>
<p>តាមទ្រឹស្ដី ភ្ញៀវដែលប្រើប្រាស់ជណ្ដើរយោងនេះនឹងត្រូវធ្វើដំណើរនៅលើប្រអប់ដែលតភ្ជាប់<br />ដោយខ្សែកាបដែលភ្ជាប់ពីផែនដី ទៅកាន់ទីតាំងនៅក្នុងលំហអាកាសដែលមិនមានទំនាញផែន<br />ដី។ ជណ្ដើរយោងនេះ មិនប្រើប្រាស់កាំជ្រួចនោះទេ ដូច្នេះ វានឹងមិនស៊ីប្រេងច្រើននោះដែរ។</p>
<p style="text-align: center;"><a class="thickbox" title="" href="/FileManager/Commons/2016/7/9/space-09-07-2016--10-45-13.jpg"><img src="/FileManager/Articles/mce/2016/7/9/space-09-07-2016--10-45-13.jpg" alt="" /></a></p>
<p style="text-align: center;">ក្រុមអ្នកវិទ្យាសាស្ដ្រគ្រោងនឹងធ្វើការសាកល្បងជណ្ដើរយោងអវកាស នៅលើស្ថានិយអវកាស<br />អន្តរជាតិ<br /><br /></p>
<p>ទំព័រ Tech Insider បានឱ្យដឹងថា អ្នកវិទ្យាសាស្ដ្រជប៉ុនមួយក្រុម នៅសកលវិទ្យាល័យ Shizuoka<br /> បានបង្កើតជណ្ដើរយោងអវកាសដែលមានឈ្មោះថា STAR-C ។ STAR-C ត្រូវបានគេបង្កើត<br />ឡើងទៅតាមបែបបទនៃផ្កាយរណប មានខ្សែកាបតភ្ជាប់ពីផែនដី ទៅកាន់ស្ថានិយអវកាសដែល<br />ហោះទៅតាមគន្លងគោចររបស់វា ស្ថិតនៅពីលើស្រទាប់បរិយាកាសរបស់ផែនដី។</p>
<p>ម៉ូដែលសាកល្បង STAR-C ត្រូវបានគេឧទ្ទេសនាមនៅជប៉ុន កាលពីថ្ងៃទី ៨មិថុនាកន្លងទៅ។ <br />STAR-C មានផ្ទុកផ្កាយរណបមួយដែលមានទម្ងន់ ២,៦៦គីឡូក្រាម។ ផ្កាយរណបនេះរួមមានពីរ<br />ប្រអប់ ប្រវែង 10cm ដែលតភ្ជាប់នឹងខ្សែយោងប្រវែង ១០០ម៉ែត្រធ្វើអំពីសរសៃ Kevlar ជាធាតុ<br />ម្យ៉ាងដែលរឹងមាំ និងធុននឹងកំដៅ។</p>
<p>STAR-C នឹងត្រូវបាននាំទៅកាន់ស្ថានិយអវកាសអន្តរជាតិ ហើយដាក់ចុះទៅលើ Kibo (បន្ទប់មួយ<br />របស់ទីភ្នាក់ងារអវកាសជប៉ុន នៅលើស្ថានិយអវកាសអន្តរជាតិ)។ នៅពេលហោះហើរក្នុងលំហ<br />អាកាស ប្រអប់ទាំងពីរបស់ STAR-C នឹងត្រូវបានបំបែកចេញពីគ្នា ដើម្បីពិសោធទៅលើខ្សែកាប<br /> Kevlar។</p>
<p>លទ្ធផលនៃការពិសោធនឹងនាំមកនូវព័ត៌មានដ៏សំខាន់អំពីលទ្ធភាពនៃការកែលំអជណ្ដើរយោង<br />អវកាស ក៏ដូចជាបញ្ហាដែលអាចកើតមាន មុននឹងរចនា និងអភិវឌ្ឍកំណែស្ថាពរ។ ក្រៅពីនេះ ការ<br />ពិសោធក៏នឹងត្រូវបានធ្វើឡើងដើម្បីពិនិត្យមើលទៅលើលទ្ធភាពនៃការប្រមូលសំរាមក្នុងអវកាស<br />ផងដែរ។</p>
<p style="text-align: right;">ប្រែសម្រួល ៖ បុត្រា</p>