<div class="article-content">
<p><strong>ភ្នំពេញ៖</strong> បុរសម្នាក់បាន ស្លាប់ភ្លាមៗ នៅកន្លែងកើតហេតុ ក្រោយពេលដែល គេសង្ស័យថា បាន<br />លោតសម្លាប់ខ្លួន ពីលើផ្សារទំនើបសូរិយា ក្នុងខណ្ឌដូនពេញ កាលពីវេលាម៉ោង ៩៖១០នាទី យប់<br />ថ្ងៃទី៥ ខែមីនា ឆ្នាំ២០១៣ នេះ ដោយមិនទាន់ដឹង មូលហេតុ នៅឡើយទេ។ សេចក្តីរាយការណ៍<br /> ពីកន្លែងកើតហេតុ បានឲ្យដឹងថា គេមិនទាន់ស្គាល់ អត្តសញ្ញាណ ជនរងគ្រោះ នៅឡើយទេ ខណៈ<br />សមត្ថកិច្ច បានទៅជួយអន្តរាគមន៍ ប៉ុន្តែមិនឲ្យអ្នកកាសែត យកព័ត៌មានឡើយ។</p>
<p>សេចក្តីរាយការណ៍ បានបន្តទៀតថា នៅម៉ោងកើតហេតុ ស្រាប់តែមានបុរសម្នាក់ ស្លៀកខោ ខ្មៅជើង<br />វែង តែគ្មានអាវ អាយុជាង៣០ឆ្នាំ បានធ្លាក់ពីលើអគារ ផ្សារទំនើបសូរិយា បណ្តាលឲ្យស្លាប់ភ្លាមៗ តែ<br />មិនទាន់ដឹងមូលហេតុ នៅឡើយទេ ខណៈសមត្ថកិច្ច មិនបានផ្តល់ ព័ត៌មាននៅឡើយ ។</p>
<p>យ៉ាងណាក៏ដោយ គេមិនទាន់ដឹងថា តើជនរងគ្រោះពិតជាបានលោត ពីលើអគារមែនឫ មួយជាអំពើ<br />ឃាតកម្ម នោះឡើយ។ ក្រោយកើតហេតុ សមត្ថកិច្ច មូលដ្ឋាន និងសមត្ថកិច្ចជំនាញ បានចុះទៅពិនិត្យ<br /> សព និងនៅកន្លែងកើតហេតុ រកមូលហេតុពិត៕</p>
<p><a class="thickbox" title="" href="/FileManager/Commons/2013/3/6/hong-0070-06-03-2013--10-46-49.jpg"><img src="/FileManager/Articles/mce/2013/3/6/hong-0070-06-03-2013--10-46-49.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>