<p>ព័ត៌មានអន្តរជាតិ ៖ យ៉ាងហោចណាស់ មនុស្ស ៣ នាក់បានស្លាប់បាត់បង់ជីវិតនៅនឹងកន្លែង<br />បន្ទាប់ពីខ្មាន់កាំភ្លើង បានបើកការវាយប្រហារបាញ់គ្រាប់ពិត ចំក្បាលជនស្លូតត្រង់ដល់ទៅ<br />៥ នាក់ កាលពីវេលាល្ងាចម្សិលមិញនេះ នៅឯក្រុង Houston រដ្ឋ តិចសាស់ សហរដ្ឋអាមេរិក<br />នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស nbcnews ។</p>
<p>ប្រភពសារព័ត៌មានដដែលបន្ថែមថា ភ្លាមៗនោះ ក៏មានកិច្ចអន្តរាគមន៍ចុះជួយសង្គ្រោះជា<br />បន្ទាន់ ពីសំណាក់សមត្តកិច្ចប្រចាំតំបន់ តែជាអកុសល មនុស្ស ៣ នាក់បានស្លាប់បាត់បង់<br />ជីវិតបាត់ទៅហើយ ខណៈពេលដែលពីរនាក់ផ្សេងទៀត ត្រូវបានសមត្តកិច្ចបញ្ជូនទៅ<br />សង្គ្រោះបន្ទាន់ នៅឯមន្ទីរពេទ្យក្នុងស្រុកមួយកន្លែង Memorial Hermann Texas Trauma<br /> Institute តាមរយៈជើងហោះហើរឧទ្ធម្ភាគចក្រ។</p>
<p><a class="thickbox" title="" href="http://camnews.com.kh/FileManager/Commons/2013/11/21/houston-21-11-2013--10-29-05.jpg"><img src="http://camnews.com.kh/FileManager/Articles/mce/2013/11/21/houston-21-11-2013--10-29-05.jpg" alt="" width="445" height="330" /></a></p>
<p>បន្ថែមពីលើនេះ ប្រភពព័ត៌មានច្បាស់ការណ៍មួយនេះ អះអាងបន្ថែមថា ករណីខ្មាន់កាំភ្លើង<br />ដៃប្រដាប់ដោយអាវុធ ចេញធ្វើសកម្មភាពវាយប្រហារ បាញ់គ្រាប់ពិតលើកនេះ បានកើត<br />ឡើងកាលពីវេលាល្ងាចម្សិលមិញនេះ ពោលគឺវេលាម៉ោង ៤និង ៣០ នាទី (ម៉ោងក្នុងស្រុក<br />សហរដ្ឋអាមេរិក ) នៅឯតំបន់ទីប្រជុំជន Peppermill Place ភាគពាយព្យក្រុង Houston រដ្ឋ<br />តិចសាស់ សហរដ្ឋអាមេរិក។ ផ្ទុយទៅវិញ ខ្មាន់កាំភ្លើង ដែលត្រូវបានគេជឿថា ជាមនុស្ស<br />ប្រុស ពេញវ័យ នោះ បានរត់គេចខ្លួនដោយសុវត្ថិភាព បន្ទាប់ពីមានការវាយប្រហារលើក<br />នេះ តែទោះជាយ៉ាងណា ក្រុមមន្រ្តីប៉ូលីស ក៏កំពុងតែធ្វើការតាមដាន ស៊ើបអង្កេត រកតំរុយ<br /> និងកំណត់អត្តសញ្ញាណ ដើម្បីឈានទៅដល់ការចាប់ឃាត់ខ្លួន៕</p>
<p style="text-align: right;">ប្រែសម្រួល ៖ កុសល<br />ប្រភព ៖ nbcnews</p>