<p><span style="color: #000000;"><strong>ភ្នំពេញ៖</strong>សម្ដេចក្រុមព្រះ នរោត្តម រណឫទ្ធិ ព្រះប្រធានគណបក្ស ហ៊្វុនស៊ិនប៉ិច នៅព្រឹកថ្ងៃទី ២៤ ខែ កញ្ញា ឆ្នាំ ២០១៥ បានបដិសេធថា ព្រះអង្គមិនបានទាមទារ ប្រាក់សំណង ៣៦ម៉ឺនដុល្លារ ពីជនបង្កហេតុ ដែលបង្កឲ្យមានគ្រោះថ្នាក់ ចរាចរណ៍ កាលពីអំឡុងខែមេសា នៅខេត្តកំពង់ចាម។</span></p>
<p><span style="color: #000000;">កាលពីពេលថ្មីៗនេះ មេធាវីសម្ដេចក្រុមព្រះបានប្រកាស ទាមទារសំណងចំនួន៣៦ម៉ឺនដុល្លារ ពីជនហេតុដែលបានបើក រថយន្តដឹកដី បុករថយន្តក្បួនរបស់ព្រះអង្គ ដែលបានបណ្តាលឲ្យអ្នកម្នាង អុក ផល្លា រងរបួសយ៉ាងធ្ងន់ធ្ងរ ហើយបញ្ជូនទៅ ព្យាបាលនៅប្រទេសអស់រយៈពេលជាច្រើនខែ។</span></p>
<p><span style="color: #000000;">ពាក់ព័ន្ធនឹងករណីនេះ សម្ដេចក្រុមព្រះ បានមានព្រះបន្ទូលដោយស្រាយចម្ងល់ របស់អ្នកសារព័ត៌មាន ក្រោយពីព្រះអង្គបាន បញ្ចប់ពិធីបួងសួងសុំសេចក្តីសុខ នៅព្រឹកថ្ងៃទី២៤ កញ្ញានេះ ថា ព្រះអង្គមិនបានបញ្ជាឲ្យមានការទាមទារសំណងនោះទេ បើទោះបីជាការព្យាបាលអ្នកម្នាងត្រូវបានចំណាយប្រាក់យ៉ាងច្រើនក៏ដោយ។</span></p>
<p><span style="color: #000000;">ទ្រង់បានមានបន្ទូលបញ្ជាក់ថា “ ការពិតសម្ដេចក្រុមព្រះមិនបានទាមទារអីទេ”។</span></p>
<p><span style="color: #000000;">ប៉ុន្តែទោះបីជាយ៉ាងណា ព្រះអង្គបានលើកឡើងពីតម្លៃសេវាព្យាបាលជំងឺ អ្នកម្នាងអ៊ុក ផល្លា នៅក្នុងប្រទេសថៃគឺ អស់យ៉ាងច្រើន ដែលមានចំនួនច្រើនជាង៣៦ម៉ឺនដុល្លារទៀត។ </span></p>
<p><a class="thickbox" title="" href="/FileManager/Commons/2015/9/25/9-25-2015-9-26-40-am-25-09-2015--09-33-27.png"><img src="/FileManager/Articles/mce/2015/9/25/9-25-2015-9-26-40-am-25-09-2015--09-33-27.png" alt="" /></a></p>
<p style="text-align: right;">ផ្ដល់សិទ្ធដោយ៖ ដើមអម្ពិល</p>