<p><span style="color: #000000;">ព័ត៌មានអន្តរជាតិ ៖ ហោចណាស់ មនុស្ស ១០ នាក់បានស្លាប់បាត់បង់ជីវិតបាត់ទៅហើយ បន្ទាប់ពីមាន គ្រោះថ្នាក់ដែនអាកាស ឧទ្ធម្ភាគចក្រ ២ គ្រឿង បុកគ្នា អំឡុង ពេល ថតកម្មវិធីទូរទស្សន៍ នៅភាគខាង ជើងឆៀងខាងលិច ប្រទេស អាហ្សង់ទីន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/3/10/51-10-03-2015--09-00-23.jpg"><img src="/FileManager/Articles/mce/2015/3/10/51-10-03-2015--09-00-23.jpg" alt="" /></a><br /></span></p>
<p><span style="color: #000000;">ប្រភពពីមន្រ្តីផ្លូវការ គូសបញ្ជាក់អោយដឹងថា ក្នុងចំណោមជនរងគ្រោះ ១០ នាក់ស្លាប់បាត់បង់ជីវិតទាំង អស់នោះ មាន ៨ នាក់ជាជនជាតិ បារាំង ខណៈ ២ នាក់ ជាពីលុតនោះ ជាជនជាតិ អាហ្សង់ទីន ។យ៉ាង ណាមិញ អត្តសញ្ញាណរបស់ពួកគេ ពុំទាន់ត្រូវបានបញ្ជាក់ច្បាស់នៅឡើយទេ ។ សេចក្តីរាយការណ៍ អះ អាងបន្ថែមអោយដឹងថា ៖ ឧទ្ធម្ភាគចក្រខាងលើ បានបុកគ្នាលើអាកាស នៅក្នុងក្រុង Villa Castelli មាន រយៈចម្ងាយឆ្ងាយដល់ទៅ ១,១៧០ គ.ម ពីទីក្រុង Buenos Aires ។</span></p>
<p><span style="color: #000000;">ប្រធានសន្តិសុខប្រចាំតំបន់ លោក Cesar Angulo ផ្តល់ជាកិច្ចសម្ភាសន៍ ដល់ សារព័ត៌មាន Reuters អោយដឹងថា ៖ ជាក់ស្តែងមនុស្ស ទាំង ១០ នាក់ បានស្លាប់បាត់បង់ជីវិត គ្មាននរណាម្នាក់ មានឱកាស រស់រានមានជីវិតនោះទេ នេះបើយោងតាមសេចក្តីរាយការណ៍ ដែលក្រុមការងារ យើងខ្ញុំ ទទួលបាន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/3/10/50-10-03-2015--09-00-32.jpg"><img src="/FileManager/Articles/mce/2015/3/10/50-10-03-2015--09-00-32.jpg" alt="" width="492" height="276" /></a><br /></span></p>
<p><span style="color: #000000;">បន្ថែមពីលើនេះ ប្រភពបន្តអោយដឹងថា មួយក្នុងចំណោម ឧទ្ធម្ភាគចក្រ ២ គ្រឿងនោះគឺជាសម្បត្តិរបស់ រដ្ឋាភិបាលថ្នាក់ខេត្ត ។ ដោយឡែក មូលហេតុបណ្តាលអោយមាន គ្រោះ ថ្នាក់កម្រនេះ ពុំទាន់ដឹងជាក់ ច្បាស់នៅឡើយទេ ស្របពេលដែល មន្រ្តីគូសបញ្ជាក់អោយដឹងថា លក្ខខ័ណ្ឌអាកាសធាតុនៅតំបន់ភ្នំទី កន្លែងដែលកើតហេតុនោះ គឺមានលក្ខណៈអំណោយផល (ល្អ) ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>